Pandharpur : उज्जैनप्रमाणे पंढरपूरमध्येही कॉरिडॉर उभा होणार, तीन महिन्यांत कामाला सुरुवात: देवेंद्र फडणवीस
Pandharpur Corridor : या परिसरातील काही मालमत्ता आणि घरांचा ताबा घेतला जाईल आणि त्यांना योग्य तो मोबदला दिला जाईल असं मुख्यमंत्री देवेंद्र फडणवीस म्हणाले.
सोलापूर : पंतप्रधान नरेंद्र मोदी यांच्या ड्रीम प्रोजेक्ट असलेल्या उज्जैन काशी विश्वेश्वरच्या धर्तीवर पंढरपूर कॉरिडॉरला येत्या तीन महिन्यांमध्ये कामाला सुरुवात होणार असल्याची माहिती मुख्यमंत्री देवेंद्र फडणवीस यांनी दिली आहे. मुख्यमंत्री देवेंद्र फडणवीस यांनी श्री विठ्ठल रुक्मिणीचे दर्शन घेतलं. त्यानंतर विभागीय आयुक्त पालकमंत्री जिल्हाधिकारी इतर वरिष्ठ अधिकाऱ्यांसोबत बैठक घेऊन त्यांनी तयार केलेला आराखडा पाहिला आणि त्यानंतर त्यांच्या आराखड्याला हिरवा कंदील दाखवलेला आहे
आतापर्यंत कोणत्याही प्रकल्पग्रस्तांना मोबदला दिला नाही त्याच्यापेक्षा जास्त मोबदला पंढरपूर मधल्या कॉरिडॉर बाधितांना देण्यात येईल असे मुख्यमंत्र्यांनी सांगितले. यासाठी काही व्यावसायिक मालमत्ता, काही घरं ताब्यात घ्यावी लागणार आहेत. त्या लोकांचे सुद्धा योग्य पद्धतीने पुनर्वसन केलं जाईल. त्यांना चांगला मोबदला दिला जाईल. आषाढीपूर्वी काही काम सुरू होतील आणि आषाढीच्या नंतर यातली काही काम सुरू होतील अशी माहिती मुख्यमंत्र्यांनी दिली.
प्रत्येक गोष्टीवर वाद नको
रायगड किल्ल्यावरील वाघ्या कुत्र्याचा पुतळा हटवण्यावरून मुख्यमंत्री यांनी नाराजी व्यक्त केलेली आहे. प्रत्येक गोष्टीमध्ये वाद करण्याची गरज नाही. धनगर आणि मराठा असा वाद करणे योग्य नाही. संभाजीराजे जर म्हणत असतील मी त्यांना वेळ देत नाही तर ते चुकीचं आहे असं सांगत मुख्यमंत्र्यांनी नाराजी व्यक्त केली. संभाजीराजेंशी मी फोन वर बोलतो आणि तसेच प्रत्यक्षही भेटत असतो असं मुख्यमंत्र्यांनी स्पष्ट केलं.
अजित पवारांची पाठराखण
अजितदादांनी कर्जमाफी बाबत घेतलेली भूमिका योग्य आहे आणि तीच सरकारची भूमिका आहे. अजितदादांनी कर्जमाफी कधीही शक्य नाही असं वक्तव्य केलं नाही असं म्हणत मुख्यमंत्र्यांनी त्यांची पाठराखण केली.
ही बातमी वाचा:
Before You Go
Abhijeet Dipke JantarMantar: धर्मेंद्र प्रधानांचा राजीनामा, दिपके म्हणाले, कॉक्रोचसे पंगा नहीं लेना
महत्त्वाच्या बातम्या
