CSK vs SRH, IPL 2023: चेन्नईची प्रथम गोलंदाजी, हैदराबाद एका बदलासह मैदानावर
CSK vs SRH, IPL 2023: चेन्नईचा कर्णधार एमएस धोनीने नेणेफेक जिंकून प्रथम गोलंदाजी करण्याचा निर्णय घेतला आहे.
CSK vs SRH, IPL 2023: चेन्नईचा कर्णधार एमएस धोनीने नेणेफेक जिंकून प्रथम गोलंदाजी करण्याचा निर्णय घेतला आहे. एडन मार्करमच्या नेतृत्वातील हैदराबाद संघाला प्रथम फलंदाजी करावी लागणार आहे. दव पडण्याची शक्यता असल्याचे धोनीने नाणेफेकीनंतर सांगितले. धोनीने चेन्नईच्या संघात कोणताही बदल केला नाही.. मागील सामन्यातील प्लेईंग ११ खेळवण्याचा निर्णय धोनीने घेतला आहे. दुसरीकडे हैदराबादच्या संघात एक बदल करण्यात आला आहे. उमरान मलिक याला संधी देण्यात आली आहे.
चेन्नई सुपर किंग्सची प्लेइंग इलेव्हन :
ऋतुराज गायकवाड, डेवोन कॉनवे, अजिंक्य रहाणे, शिवम दूबे, अंबाती रायडू, मोइन अली, रवींद्र जडेजा, एमएस धोनी (कर्णधार/विकेटकीपर), महेश तीक्षणा, तुषार देशपांडे, मथीशा पथिराना
सनराइजर्स हैदराबादची प्लेईंग इलेव्हन :
हॅरी ब्रूक, मयंक अग्रवाल, राहुल त्रिपाठी, एडेन मार्कराम (कर्णधार), हेनरिक क्लासेन (विकेटकीपर), अभिषेक शर्मा, वाशिंगटन सुंदर, मार्को जानेसन, भुवनेश्वर कुमार, मयंक मारकंडे, उमरान मलिक
हैदराबादसमोर चेन्नईचे आव्हान, कोण मारणार बाजी ?
सनरायजर्स हैदराबादचा सामना आयपीएलच्या चार वेळच्या विजेत्या चेन्नईसोबत होणार आहे. चेपॉक मैदानावर सामना होणार आहे, येथील खेळपट्टी फिरकी गोलंदाजांना मदत करते.. त्यामुळे आज फिरकी गोलंदाजांचा दबदबा पाहायला मिळू शकतो. बेन स्टोक्स तंदुरस्त झाला असून आजच्या सामन्यासाठी उपलब्ध असेल.. दुखापतीमुळे मागील तीन सामन्यासाठी स्टोक्स उपलब्ध नव्हता... बुधवारी स्टोक्सने सराव सत्रात सहभाग घेतला होता. त्यामुळे आज स्टोक्स उपलब्ध आहे. चेन्नईसाठी ही जमेची बाजू आहे. पण धोनीच्या खेळण्याबाबत संभ्रम आहे. डेवोन कॉनवे आणि ऋतुराज गायकवाड या सलामी जोडीची दमदार कामगिरी आणि शिवम दुबे आणि अजिंक्य रहाणे यांचे आक्रमक रुप चेन्नईला मोठी धावसंख्या उभारून देत आहेत. पण इतर फलंदाजांकडून योगदान मिळत नाही.
सनरायजर्स हैदराबादला मुंबई इंडियन्सविरोधात पराभवाचा सामना करावा लागला होता. आता ते विजयाच्या पटरीवर परतण्यासाठी सज्ज आहेत. हैदराबादच्या कामगिरीत सातत्य दिसत नाही. फलंदाज आपली कामगिरी चोख बजावत नाहीत. चेन्नईला घरच्या मैदानावर हरवायचे असल्यास हैदराबादच्या फलंदाजांना आपली कामगिरी चोख बजावावी लागेल. मागील सामन्यात हैदराबादच्या फलंदाजांनी हराकिरी केली होती. पावरप्लेमध्ये विकेट फेकल्या होत्या. हॅरी ब्रूक, मयंक अग्रवाल, राहुल त्रिपाठी, कालसेन, मार्करम, अभिषेक शर्मा यांना योगदान द्यावे लागेल. सुंदर आणि समद यांन अखेरीस फिनिशिंग टच देण्याची गरज आहे. हैदराबदच्या फलंदाजीत सातत्याची कमी दिसत आहे. आजचा सामन्यात बाजी मारायची असल्यास सांघिक कामगिरी गरजेची आहे.
महत्त्वाच्या बातम्या
ट्रेंडिंग न्यूज
