शिर्डीच्या साईं संस्थानला आठ दिवसांत कोट्यवधींचं दान, आठ लाख भाविकांनी घेतलं दर्शन

25 डिसेंबर ते 2 जानेवारी या काळात शिर्डीच्या साईबाबांच्या दानपेटीत 8 कोटी 78 लाख 79 हजार रूपये जमा झाले आहेत.

Sai baba

शिर्डीच्या साईबाबांना (Sai baba) एका आठवड्यात कोट्यवधी रूपयांचं दान जमा झालंय.

ख्रिसमसच्या सुट्ट्या‌ आणि त्यानंतर नविन वर्षानिमित्त भक्तांनी साईबाबांचे दर्शन घेण्यासाठी भक्तांनी गर्दी केली होती. त्यामुळे 25 डिसेंबर 2022 ते 2 जानेवारी 2023 या काळात साईबाबांना तब्बल 17 कोटी 81 लाख रूपयांचं दान जमा झाले आहे.

25 डिसेंबर ते 2 जानेवारी या काळात दानपेटीत 8 कोटी 78 लाख 79 हजार, देणगी काउंटरद्वारे 3 कोटी 67 लाख 67 हजार 698 रुपये, डेबीट आणि क्रेडीट कार्डद्वारे 2 कोटी 15 लाख 18 हजार रूपये, ऑनलाइन देणगी 1 कोटी 21 लाख रूपये, मनिऑर्डरद्वारे 32 लाख रूपये, ९० लाख 31 हजार रुपयांचे 1 किलो 849 ग्राम सोने आणि 6 लाख रुपयांच्या 16 किलो चांदी जमा झाली आहे.

25 डिसेंबर रोजी ख्रिसम आणि त्यानंतर नवीन वर्षानिमित्त भाविकांनी साईबाबांच्या दर्शनासाठी हजेरी लावली होती.

आठ दिवसांच्या कालावधीत तब्बल आठ लाख भाविकांनी साईबाबांचं दर्शन घेतलं.

5 लाख 70 हजार 280 भक्तांनी मोफत भोजनाचा लाभ लाभ घेतला.

25 डिसेंबरपासून 2 जानेवारी या कालावधीत सशुल्क आरती आणि दर्शनपासद्वारे साई संस्थानला 4 कोटी 5 लाख रूपयांचे उत्पन्न मिळाले आहे.

लाडू विक्रीद्वारे 1 कोटी 32 लाख रूपये आणि निवास व्यवस्थेतून संस्थानला 1 कोटी 44 लाख रूपयांचं उत्पन्न मिळालं आहे.

आठ दिवसांच्या कालावधीत 171 रक्तदात्यांनी या काळात रक्तदान केलंय.

संस्थानच्या कर्मचाऱ्यांनी आज गेल्या आठ दिवसांतील रक्कम मोजली