एक्स्प्लोर

International Dance Day 2024 : हा दिवस साजरा करण्यामागचा उद्देश काय आणि 29 एप्रिलचं का निवडला गेला?

हा दिवस नृत्याचा जादूगार म्हणून ओळखल्या जाणाऱ्या जॉर्जेस नोवेरे यांना समर्पित आहे. चला तर मग जाणून घेऊया या दिवसाच्या सेलिब्रेशनची सुरुवात कशी झाली.

By : abp majha web team | Updated at : 29 Apr 2024 02:52 PM (IST)

दरवर्षी 29 एप्रिल हा दिवस आंतरराष्ट्रीय नृत्य दिन म्हणून साजरा केला जातो. ज्याचा उद्देश लोकांना विविध प्रकारच्या नृत्याचे महत्त्व आणि त्याचे फायदे सांगणे हा आहे. हा दिवस नृत्याचा जादूगार म्हणून ओळखल्या जाणाऱ्या जॉर्जेस नोवेरे यांना समर्पित आहे. चला तर मग जाणून घेऊया या दिवसाच्या सेलिब्रेशनची सुरुवात कशी झाली.(Photo Credit : pexels )

1/9

नृत्य हे केवळ मनोरंजनाचे साधन नाही, तर भावना, कला आणि संस्कृती दर्शविण्याचा आणि निरोगी राहण्याचा एक उत्तम मार्ग आहे. दरवर्षी 29 एप्रिल रोजी जगभरात 'आंतरराष्ट्रीय नृत्य दिन' साजरा केला जातो. ज्याचा उद्देश लोकांना नृत्याचे महत्त्व सांगणे हा आहे. त्याचबरोबर जगभरातील नर्तकांना प्रोत्साहन द्यावे लागेल. या दिवशी नृत्याशी संबंधित विविध कार्यक्रम आणि स्पर्धांचे आयोजन केले जाते. कथ्थक, भरतनाट्यम, हिप हॉप, बॅले, सालसा, लावणी असे अनेक नृत्यप्रकार जगभरात लोकप्रिय आहेत.(Photo Credit : pexels )

2/9

आंतरराष्ट्रीय नाट्य संस्थेच्या (आयटीआय) आंतरराष्ट्रीय नृत्य समितीने 1982 मध्ये आंतरराष्ट्रीय नृत्य दिनाची सुरुवात केली. आयटीआय ही एक स्वयंसेवी संस्था आहे, जी संयुक्त राष्ट्रांच्या शैक्षणिक, वैज्ञानिक आणि सांस्कृतिक संघटनेचा (युनेस्को) भाग आहे. आंतरराष्ट्रीय नृत्य दिन नृत्याचे जादूगार जीन जॉर्जेस नोवेरे यांना समर्पित आहे. जॉर्जेस नोवेरे हे एक प्रसिद्ध बॅले मास्टर होते, ज्यांना बॅलेचे जनक म्हणून देखील ओळखले जाते. जॉर्जेस नोवेरे यांचा जन्म 29 एप्रिल 1727 रोजी झाला. (Photo Credit : pexels )

3/9

1982 मध्ये आयटीआयच्या नृत्य समितीने जॉर्जेस नोव्हरे यांचा जन्मदिवस 29 एप्रिल हा आंतरराष्ट्रीय नृत्य दिन म्हणून साजरा करून त्यांना आदरांजली वाहिली. तेव्हापासून दरवर्षी 29 एप्रिल हा दिवस आंतरराष्ट्रीय नृत्य दिन म्हणून साजरा केला जातो. त्यांनी नृत्यावर 'लेटर्स ऑन द डान्स' नावाचे पुस्तकही लिहिले, ज्यात नृत्याशी संबंधित सर्व काही आहे. ते वाचून कोणीही नृत्य शिकू शकतो, असे म्हटले जाते.(Photo Credit : pexels )

4/9

आंतरराष्ट्रीय नृत्य दिनाचा उद्देश केवळ जगातील सर्व नर्तकांना प्रोत्साहन देणे हा नाही, तर लोकांना नृत्याचे फायदे सांगणे हा देखील आहे. नृत्यामुळे कलेच्या माध्यमातून विविध संस्कृतींमध्ये संवाद साधला जातो, समृद्धी आणि ऐक्याचे वातावरण निर्माण होते. (Photo Credit : pexels )

5/9

तुम्हाला माहित आहे का की नृत्यामुळे एंडोर्फिनसारखे आनंदी संप्रेरक बाहेर पडतात, ज्यामुळे सर्वात मोठी चिंता किंवा तणाव दूर होतो आणि मूड ताजेतवाने होतो. तुम्हीही रोज नाचण्यासाठी थोडा वेळ दिलात तर धावपळीच्या आयुष्यातील ताण दूर होऊ शकतो.(Photo Credit : pexels )

6/9

नैराश्यग्रस्त मन हलके करण्यासाठी आपल्या आवडत्या गाण्यावर नृत्य करणे खूप फायदेशीर ठरू शकते, असेही अनेक संशोधनांनी सिद्ध केले आहे. अशावेळी तुम्हीही याला आपल्या रुटीनचा भाग बनवू शकता. त्यासाठी वयाचा कुठलाही टप्पा महत्त्वाचा नसतो, म्हणजेच प्रत्येक वयात तो मनमोकळेपणाने नाचता येतो.(Photo Credit : pexels )

7/9

तुमचा आत्मविश्वास वाढवण्यात नृत्याचा मोठा वाटा असतो. त्याची वेगवेगळी रूपे शिकून जेव्हा तुम्ही त्यात तज्ज्ञ बनता तेव्हा चार जणांची स्तुती ऐकून मन ही बळकट होते आणि आनंदही वाटतो.(Photo Credit : pexels )

8/9

नातं काहीही असलं तरी त्यात प्रेम आणि काळजी वाढवण्यासाठी मन शांत आणि निरोगी ठेवणंही खूप गरजेचं आहे. जेव्हा शरीर नृत्य करून आनंदी हार्मोन्स सोडते तेव्हा यामुळे शरीरातील ऊर्जा तर वाढतेच, शिवाय चिडचिडेपणापासूनही मुक्ती मिळते आणि जेव्हा तुम्ही आनंदी असता तेव्हा लोकांना ही तुमच्यासोबत वेळ घालवायला आवडते.(Photo Credit : pexels )

9/9