Viral Video : हनिमूनवर प्रश्न विचारला, भर कार्यक्रमात गायिकेने कॉमेडियनच्या कानशिलात लगावली
Viral Video : एका कॉमेडी शोमध्ये हजेरी लावलेल्या गायिकेला हनीमूनबद्दल प्रश्न विचारला. या प्रश्नाने चिडलेल्या गायिकेने शोचा होस्ट असलेल्या कॉमेडियनच्या कानशिलात लगावली.
Viral Video : प्रेक्षकांचे मनोरंजन करण्यासाठी कॉमेडी शोमध्ये अनेकदा आलेल्या पाहुण्यांच्या कलाकृतीवर प्रहसन असणारे स्किट सादर केले जातात. अनेकदा कलाकारांना तिरकस प्रश्नही विचारले जातात. मात्र पाहुणे म्हणून शोमध्ये आलेले कलाकार हे प्रश्न एन्जॉय करतात. मात्र, एका कॉमेडी शोमध्ये (Comedy Show) हजेरी लावलेल्या गायिकेला हनीमूनबद्दल प्रश्न विचारला. या प्रश्नाने चिडलेल्या गायिकेने शोचा होस्ट असलेल्या कॉमेडियनच्या कानशिलात लगावली. याचा व्हिडीओ (Viral Video) सोशल मीडियावर व्हायरल होत आहे.
पाकिस्तानमध्ये ही अजब वाटणारी घटना घडली. प्रसिद्ध पाकिस्तानी गायिका शाजिया मंझूर हिने यांनी कार्यक्रमादरम्यान सह-होस्ट आणि कॉमेडियन शेरी नन्हा याला जोरदार कानशिलात लगावली. या व्हिडिओमध्ये, शाजिया मंझूर या चांगल्याच संतापलेल्या दिसत आहे. संतापाच्या भरात त्यांनी कॉमेडियनला मारहाण केली. दरम्यान, शोचा दुसरा होस्ट मोहसीन अब्बास हैदरने मध्यस्थी करण्याचा प्रयत्न केला. मात्र, त्याचाही फारसा उपयोग झाला नाही.
सोशल मीडियावर व्हायरल झालेल्या या व्हिडीओमध्ये को-होस्ट शेरीने त्यांना हनीमूनच्या संबंधी प्रश्न विचारला होता आणि यानंतर शाझिया यांनी म्हटले की, 'ठीक आहे, एक गोष्ट आहे की तू थर्ड क्लास व्यक्ती आहेस. मी मागच्या वेळीही बोलली होती. सर्वांना ते प्रँक असल्याचे वाटत होते. तू आता हनिमूनबद्दल बोलतोय, तुला लाज वाटत नाही का? कुणाला बोलावू का? प्रश्नांच्या अशा फैरी झाडत शाजिया यांनी कानशिलात लगावली.
@gharkekalesh pic.twitter.com/FD95dwP9ZF
— Arhant Shelby (@Arhantt_pvt) February 27, 2024
शाजियाच्या आक्रमक पवित्र्यानंतर या शोचा को-होस्ट अब्बास हैदरने मध्यस्थी केली. पण, शाजियाचा आक्रमक पवित्रा कायम राहिला. त्यावेळी अब्बास हैदरने शेरी नन्हा याला स्क्रिप्ट सोडून इतर प्रश्न का विचारतोस असे रागावून विचारले.
रागाने संतापलेली शाजिया स्टुडिओ बाहेर...
कॉमेडी शोमध्ये झालेल्या या राड्यानंतर गायिका शाजिया चांगल्याच संतापलेल्या. त्यांनी रागाने शो सोडला. त्यांना बोलवण्याचे अनेक प्रयत्न करण्यात आले. पण, त्यांनी शोमध्ये येण्यास नकार दिला.
महत्त्वाच्या बातम्या
ट्रेंडिंग न्यूज
