मुंबईत मानवी तस्कर रॅकेटचा पर्दाफाश, गुन्हे शाखेची मोठी कारवाई, एका अल्पवयीन मुलीसह 4 महिलांची सुटका
मुंबईत (Mumbai) सुरु असलेल्या मानवी तस्करीच्या रॅकेटचा मुंबई गुन्हे शाखेने पर्दाफाश केला आहे. आरोपी अल्पवयीन मुलींसह वेश्याव्यवसाय करायचा आणि यातून मोठी कमाई करत असल्याची माहिती गुन्हे शाखेने दिली.
Mumbai Crime News : मुंबईत (Mumbai) सुरु असलेल्या मानवी तस्करीच्या रॅकेटचा मुंबई गुन्हे शाखेने पर्दाफाश केला आहे. आरोपी अल्पवयीन मुलींसह वेश्याव्यवसाय करायचा आणि यातून मोठी कमाई करत असल्याची माहिती गुन्हे शाखेने दिली आहे. आफताब आलम अन्सारी आणि हरिलाल बंधू चौधरी अशी याप्रकरणी अटक करण्यात आलेल्या दोघांची नावे असल्याचे माहिती गुन्हे शाखेने दिली आहे.
मानवी तस्करीच्या रॅकेटचा पर्दाफाश
मुंबई गुन्हे शाखेने चेंबूरमध्ये सुरु असलेल्या मानवी तस्करीच्या रॅकेटचा पर्दाफाश केला आहे. याप्रकरणी दोघांना अटक केली आहे तर एक अल्पवयीन आणि इतर 4 महिलांची सुटका करण्यात आली. पोलिसांनी दिलेल्या माहितीनुसार, या प्रकरणात एका 16 वर्षीय अल्पवयीन मुलीची सुटका केली आहे. तिच्याशिवाय त्यांनी 22, 28, 21 आणि 20 वर्षे वयोगटातील आणखी चार महिलांची सुटका केली. सुटका करण्यात आलेल्या सर्व 5 पीडित महिलांना देवनार महिला पुनर्वसन केंद्रात पाठवण्यात आले आहे.
गुप्त माहितीच्या आधारे कारवाई
चेंबूर परिसरात मानवी तस्कर महिलांकडून वेशा व्यवसाय चालवत असल्याची माहिती मुंबई गुन्हे शाखेला मिळाली होती. अटक करण्यात आलेला आरोपी ग्राहकांच्या मागणीनुसार विविध हॉटेल, लॉज, गेस्ट हाऊसमध्ये अल्पवयीन मुलींसह मुलींची वाहतूक करत असे. एका गुप्त माहितीच्या आधारे कारवाई करत पोलिसांनी एजंटकडे बनावट ग्राहक पाठवला आणि अल्पवयीन मुलांसह मुलींना वेश्याव्यवसाय करण्याची विनंती केली. फोनवर आर्थिक चर्चा झाल्यानंतर एजंटने होकार दिला आणि मुंबईतील चेंबूर परिसरातील हॉटेलमध्ये मुलींची डिलिव्हरी करण्याची व्यवस्था केली. आरोपी आफताब अन्सारी आणि हरिलाल चौधरी पाच मुलींसह हॉटेलमध्ये पोहोचले. पैशांचा व्यवहार सुरू असताना पोलिसांनी छापा टाकून त्यांना रंगेहाथ पकडले.
दोन्ही दलालांना तात्काळ अटक करण्यात आली आणि अल्पवयीन मुलीसह पाचही महिलांची सुटका करण्यात आली. वैद्यकीय तपासणीनंतर तिला देवनार महिला पुनर्वसन केंद्रात पाठवण्यात आले. पोलीस आता या रॅकेटशी संबंधित इतर लोकांचा शोध घेत आहेत आणि तस्करीच्या नेटवर्कशी संबंधित इतर लोकांचाही शोध घेत आहेत.
आरोपी एका महिलेकडून 15 ते 20 हजार रुपये घेत असत
आरोपी एका महिलेकडून 15 ते 20 हजार रुपये घेत असे. पीडितांना वेगवेगळ्या राज्यातून मुंबईत आणून त्यांना नवी मुंबईतून ठेवण्यात आले होते. तिथे ग्राहकांच्या मागणीनुसार त्यांना वेगवेगळ्या हॉटेलमध्ये नेण्यात येत होते. अटक करण्यात आलेल्या दलालांपैकी अनेकांनी त्यांचे नंबर इतर एजंटांना दिले होते जेणेकरून कोणी महिलेला विचारले तर त्यांना फोन येईल. कोणी त्यांच्याशी संपर्क साधताच हे लोक त्याला मुलींची यादी दाखवायचे आणि त्याच्या आवडीनुसार मुलीला हॉटेल किंवा लॉजवर पाठवायचे.
महत्त्वाच्या बातम्या
