एक्स्प्लोर

निवडणूक २०२४ एक्झिट पोल

(Source: ABP CVoter)

Top

Bottom

Yash Raj Films : तुम्हाला 'यशराज'सोबत काम करायचंय? अॅप डाउनलोड करा अन् ऑडिशन द्या!

Yash Raj Films : यशराज फिल्मसने आपले कास्टिंग अॅप लाँच केले आहे. या अॅपचा फायदा नवोदित कलाकारांना होणार आहे.

By : एबीपी माझा एंटरटेनमेंट डेस्क | Edited By: श्रीकांत भोसले | Updated at : 01 Mar 2024 12:14 PM (IST)

yash raj films launch new YRF casting App for audition

Yash Raj Films : बॉलिवूडमधील आघाडीचे प्रोडक्शन हाऊस असलेल्या यशराज फिल्मसने (Yash Raj Films) मोठा निर्णय घेतला. यशराज फिल्मसने आपले कास्टिंग अॅप (YRF casting App) लाँच केले आहे. या अॅपचा फायदा नवोदित कलाकारांना होणार आहे. अॅपच्या माध्यमातून यशराज पर्यंत इच्छुक कलाकारांना पोहचता येणार आहे.

यशराजने फिल्मसने दिलेल्या माहितीनुसार, YRF कास्टिंग अॅप (YRF Casting App) सुरू करण्यात आले आहे. इच्छुकांना ॲपमध्येच त्यांचे प्रोफाइल रजिस्टर करता येणार आहे. यशराज फिल्म्सद्वारे निर्मिती होणारे चित्रपट आणि इतर स्ट्रिमिंगशी संबंधित सर्व ऑडिशन्सची माहिती मिळू शकणार आहे. त्याशिवाय हे अॅप इच्छुक कलाकारांसाठी नजीकच्या भविष्यात थेट YRF कडे ऑडिशन सबमिट करण्याचा ऑनलाईन पर्याय असणार आहे.

यशराजच्या विविध प्रोजेक्टमध्ये कलाकारांची निवड आणि इतर महत्त्वाची भूमिका बजावणारे शानू शर्मा हे अॅप द्वारे येणारे ऑडिशन्स पाहणार आहेत.

शानू यांनी सांगितले की, “YRF कास्टिंग ॲप हे इच्छुक कलाकारांना कंपनी करत असलेल्या प्रोजेक्टमध्ये थेट काम करण्याची संधी देणारे आहे. जगभरात असंख्य कलाकार आपल्याला एक संधी मिळावी याच्या प्रतिक्षेत असतात. त्यांच्यासाठी हे यशराजचे कास्टिंग अॅप फायदेशीर ठरणार आहे. हे अॅप इच्छुक अभिनेत्यांना थेट प्रॉडक्शन हाऊसपर्यंत पोहोचण्याचा मार्ग उपलब्ध करून देणारे आहे. यशराजच्या अॅपमुळे इच्छुक कलाकारांना आता इतरांवर अवलंबून राहावे लागणार नसल्याचे त्यांनी म्हटले.

शानू शर्मा यांनी सांगितले की, या अॅपमुळे ऑडिशनची माहिती मिळणार आहे. त्यामुळे नोंदणी करून यशराजपर्यंत पोहचता येईल. जगभरातील अनेक गुणवंत कलाकारांचे टॅलेंट पाहण्यासाठी आपण इच्छुक असल्याचे शानू शर्मा यांनी सांगितले.