Kastoori Teaser Release: राष्ट्रीय पुरस्कार विजेत्या 'कस्तुरी' चा टीझर रिलीज; चित्रपट 'या' दिवशी येणार प्रेक्षकांच्या भेटीला

Kastoori Teaser Release: कस्तुरी या चित्रपटाचा टीझर प्रेक्षकांच्या भेटीला आला आहे. हा टीझर अनुराग कश्यप, विनोद कांबळे आणि नागराज मंजुळे यांनी सोशल मीडियावर शेअर केला आहे.

Kastoori Teaser Release

Kastoori Teaser Release:  राष्ट्रीय पुरस्कार विजेत्या 'कस्तुरी' (Kastoori) या चित्रपटाची अनेकजण वाट बघत आहेत. 2021 मध्ये बार्शीतला तरुण दिग्दर्शक विनोद कांबळेच्या 'कस्तुरी' या चित्रपटाला सर्वोत्कृष्ट बाल चित्रपटाचा राष्ट्रीय पुरस्कार मिळाला. तेव्हापासूनच कस्तुरी या चित्रपटाची प्रेक्षक उत्सुकतेने वाट बघत होते. आता कस्तुरी या चित्रपटाचा टीझर प्रेक्षकांच्या भेटीला आला आहे. हा टीझर अनुराग कश्यप (Anurag Kashyap), विनोद कांबळे (Vinod Kamble) आणि नागराज मंजुळे (Nagraj Manjule) यांनी सोशल मीडियावर शेअर केला आहे.

टीझरची सोशल मीडियावर चर्चा

'कस्तुरी' या चित्रपटाचा टीझर अनुराग कश्यप, विनोद कांबळे आणि नागराज मंजुळे यांनी त्यांच्या इन्स्टाग्राम अकाऊंटवर शेअर केला आहे. या टीझरला त्यांनी कॅप्शन दिलं, "आनंदाच्या सुहासाच्या शोधात असणाऱ्या बालपणाची कहाणी!  नागराज पोपटराव मंजुळे आणि अनुराग कश्यप हे विनोद कांबळे दिग्दर्शित कस्तुरी या राष्ट्रीय पुरस्कार विजेत्या चित्रपटाचा अधिकृत टीझर सादर करत आहेत." 'कस्तुरी' या चित्रपटाच्या टीझरची सध्या सोशल मीडियावर चर्चा होत आहे. अनेक जण या टीझरचं कौतुक करत आहेत. 

'कस्तुरी' या चित्रपटाच्या टीझरमध्ये शाळेत जाण्याऱ्या एका मुलाची गोष्ट दाखवण्यात आलं आहे. टीझरमध्ये दिसते की, तो मुलगा आंघोळ करतो, शाळेचा गणवेश घालतो, दप्तर उचलतो आणि शाळेत जातो. हा मुलगा आनंदी असतो. तो त्याच्या मित्राबरोबर खेळत असतो. पण नंतर जेव्हा तो शाळेत जातो, तेव्हा त्याचे वर्ग मित्र त्याला पाहून नाकाला रुमाल लावतात.

पाहा टीझर:

 

 

 

 

 

View this post on Instagram

 

 

 

 

 

 

 

 

 

 

 

A post shared by Vinod Kamble (@dir_vinod_kamble)

चित्रपट कधी होणार रिलीज?

'कस्तुरी' हा चित्रपट 8 डिसेंबर रोजी थिएटरमध्ये रिलीज होणार आहे. या चित्रपटाची प्रस्तुती नागराज पोपटराव मंजुळे आणि अनुराग कश्यप यांनी केली आहे. कस्तुरी या चित्रपटात अनेक नवोदित बालकलाकारांनी काम केलं आहे. समर्थ सोनवणे या चित्रपटात मुख्य भूमिकेत आहे.हा चित्रपट 3 नोव्हेंबर 2023 रोजी प्रेक्षकांच्या भेटीला येणार होता. पण या चित्रपटाची रिलीज डेट नंतर पुढे ढकलण्यात आली होती. आता हा चित्रपट 8 डिसेंबर रोजी रिलीज होत आहे. या चित्रपटाची प्रेक्षक उत्सुकतेने वाट बघत आहेत. 

संबंधित बातम्या: