![ABP Premium](https://cdn.abplive.com/imagebank/Premium-ad-Icon.png)
Nana Patekar : नाना पाटेकर चाहत्यावर भडकले; वाजवली सणसणीत कानाखाली; व्हिडीओ व्हायरल
Nana Patekar : अभिनेते नाना पाटेकर चाहत्यावर भडकले असून त्यांनी चाहत्याच्या कानाखाली वाजवली आहे.
![Nana Patekar : नाना पाटेकर चाहत्यावर भडकले; वाजवली सणसणीत कानाखाली; व्हिडीओ व्हायरल Nana Patekar Video Viral Social Media Nana Patekar Slapped Fan While He Was Trying To Take Selfie During Shooting Bollywood Entertainment Latest Update Nana Patekar : नाना पाटेकर चाहत्यावर भडकले; वाजवली सणसणीत कानाखाली; व्हिडीओ व्हायरल](https://feeds.abplive.com/onecms/images/uploaded-images/2023/11/15/0cbd037520b5b0696f69992555fec6c31700037473972254_original.jpg?impolicy=abp_cdn&imwidth=1200&height=675)
Nana Patekar : मराठीसह हिंदी मनोरंजनसृष्टी गाजवणारे अभिनेते नाना पाटेकर (Nana Patekar) नेहमीच कोणत्या ना कोणत्या वादग्रस्त वक्तव्यामुळे किंवा आगामी सिनेमांमुळे चर्चेत असतात. पण आता नाना एका वेगळ्याच कारणाने चर्चेत आले आहेत. नाना आता चाहत्यावर भडकले आहेत. चाहत्याच्या त्याने सणसणीत कानाखाली वाजवली आहे. नानांचा हा व्हिडीओ सोशल मीडियावर व्हायरल होत आहे. पण हा सिनेमातील सीन असल्याचा दावा दिग्दर्शकाने केला आहे.
अभिनेते नाना पाटेकर यांचा एक व्हिडीओ सध्या सोशल मीडियावर व्हायरल होत आहे. नाना सध्या बनारसमध्ये आहेत. सेल्फी घेण्यासाठी आलेल्या चाहत्याच्या त्यांनी कानाखाली वाजवली आहे. नाना पाटेकर बनारसमध्ये त्यांच्या आगामी सिनेमाचं शूटिंग करत होते. या सिनेमाच्या शूटिंगदरम्यान त्यांचा एक चाहता सेल्फी घेण्यासाठी आला. दरम्यान नानांनी थेट चाहत्याच्या कानाखाली वाजवली.
फिल्म शूटिंग के दौरान सेल्फी लेने पहुंचे फैंस को नाना पाटेकर ने थप्पड़ मारा।
— Yati Sharma🇮🇳 (@yati_Official1) November 15, 2023
ये कैसा घमंड है जो सिर्फ गरीबो पर फूटता है
शर्मनाक है 👎👎 pic.twitter.com/pycj27eDpq
नानांनी कानाखाली वाजवल्यानंतर त्या संबंधित चाहत्याला सेटवरुन हकलण्यात आले. नानांचा हा व्हिडीओ सध्या सोशल मीडियावर चांगलाच व्हायरल होत आहे. चाहत्याला सेल्फी न देता त्याच्या कानाखाली वाजवल्याने सोशल मीडियावर नानांना ट्रोल करण्यात येत आहे. पण आता दिग्दर्शक अनिल शर्मांनी दावा केला आहे की,"हा सिनेमातील एक सीन आहे.
नानांचा 'जर्नी' लवकरच येणार प्रेक्षकांच्या भेटीला
नाना पाटेकर सध्या बनारसमध्ये त्यांच्या आगामी 'जर्नी' या सिनेमाचं शूटिंग करत आहेत. 'गदर' (Gadar) फेम दिग्दर्शक अनिल शर्मा (Anil Sharma) यांनी काही दिवसांपूर्वीच या सिनेमाची घोषणा केली आहे. लवकरच हा सिनेमा प्रेक्षकांच्या भेटीला येणार आहे. नाना पाटेकरांचा 'द वैक्सीन वॉर' हा सिनेमा काही दिवसांपूर्वी प्रेक्षकांच्या भेटीला आला होता. या सिनेमामुळे ते वादाच्या भोवऱ्यात अडकले होते.
'गदर 2'च्या यशानंतर अनिल शर्मा यांनी त्यांच्या आगामी 'जर्नी' या सिनेमाची घोषणा केली आहे. या सिनेमात उत्कर्ष शर्मा आणि नाना पाटेकर मुख्य भूमिकेत दिसणार आहेत. 'जर्नी' या सिनेमाची सिनेप्रेमी आतुरतेने वाट पाहत आहेत. 'जर्नी' हा सिनेमा मुलगा आणि वडिलांच्या नात्यावर आधारित आहे. या सिनेमात वडिल-मुलाचं नातं दाखवण्यात आलं आहे. 2024 मध्ये हा सिनेमा प्रेक्षकांच्या भेटीला येईल. नानांच्या या सिनेमाची प्रेक्षकांना उत्सुकता आहे. नानांचा 'ओले ओले' हा मराठी सिनेमाही प्रेक्षकांच्या भेटीसाठी सज्ज आहे.
संबंधित बातम्या
Nana Patekar : नाना पाटेकरांच्या 'Journey'चं शूटिंग सुरू;'Gadar 2'च्या दिग्दर्शकासोबतचा फोटो व्हायरल
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)