एक्स्प्लोर

Deep Sidhu Death : पंजाबी अभिनेता दीप सिद्धूचा रस्ते अपघातात मृत्यू

Deep Sidhu Death : पंजाबी सिने-अभिनेता दीप सिद्धूचा रस्ते अपघातात मृत्यू झाला आहे.

By : एबीपी माझा वेब टीम | Edited By: मंजिरी पोखरकर | Updated at : 15 Feb 2022 10:51 PM (IST)

Deep Sidhu

Deep Sidhu Death : पंजाबी सिने-अभिनेता दीप सिद्धूचा (Deep Sidhu) मंगळवारी रस्ते अपघातात मृत्यू झाला आहे. दिल्लीजवळील कुंडली सीमेवर त्यांच्या कारला अपघात झाला आहे. या अपघातात दीप सिद्धूला त्याचा जीव गमवावा लागला आहे. सिद्धूसोबत कारमध्ये त्याची मैत्रिणदेखील होती. तीदेखील अपघातात जखमी झाली आहे. सिद्धूची कार एका ट्रॉलीला धडकल्याने हा अपघात झाला आहे.

अपघात कसा झाला?
दीप सिद्धूची कार रस्त्याच्या कडेला उभ्या असलेल्या ट्रॉलीला धडकली. दीप सिद्धूचा मृतदेह पोस्टमॉर्टमसाठी खारखोडा रुग्णालयात ठेवण्यात आला आहे. घटनास्थळी पोहोचलेल्या पोलिसांनी दिलेल्या माहितीनुसार, कारमध्ये असलेल्या महिलेची प्रकृती चिंताजनक आहे.

View this post on Instagram

A post shared by Deep Sidhu (@deepsidhu.official)

लाल किल्ला हिंसाचार प्रकरणात दीप सिद्धूचे नाव आले होते समोर

गेल्या वर्षी शेतकरी आंदोलनादरम्यान लाल किल्ल्यावर झालेल्या हिंसाचार प्रकरणात अभिनेता दीप सिद्धूचे नाव समोर आले होते. याप्रकरणी त्याला अटकही झाली होती. अनेक महिने तुरुंगात राहिल्यानंतर त्याला जामीन मिळाला होता. दीप सिद्धूने न्यायालयात स्वतःला निर्दोष घोषित केले होते.

संबंधित बातम्या