Gas Cylinder Price Hiked : युद्धाचा भडका, सर्वसामान्यांना महागाईचा चटका! घरगुती गॅस सिलेंडरच्या किंमती महागल्या; आजपासून नवे दर लागू
Gas Cylinder Price Hiked : राज्यातील घरघुती गॅस सिलेंडरच्या किमतीत 60 रुपयांची वाढ करण्यात आली आहे. परिणामी, महाराष्ट्रात 860 रुपयांना मिळणारं सिलेंडर गॅस आता 920 रुपयांना मिळणार आहे.
Gas Cylinder Price Hiked : अमेरिका, इस्त्रायल आणि इराण (Iran vs Israel America war) यांच्यातील संघर्ष हा दिवसागणिक वाढताना दिसत आहे. या संघर्षामुळं मात्र प्रत्यक्ष युद्धात सहभागी नसलेल्या देशांनाही या युद्धजन्य परिस्थितीचा सामना करावा लागतोय. अशातच आता युद्धाचा जागतिक बाजारपेठेवर परिणाम होत असून जगासमोर नवं संकट निर्माण झालं आहे. त्याची झळ अगदी भारताला देखील बसू लागली आहे. अशातच आता राज्यातील घरघुती गॅस सिलेंडरच्या किमतीत 60 रुपयांची वाढ करण्यात आली आहे. परिणामी, महाराष्ट्रात 860 रुपयांना मिळणारं सिलेंडर गॅस (LPG Gas Production) आता 920 रुपयांना मिळणार आहे. आजपासून हे दर लागू होणार असल्याची माहिती आहे. 14.2 किलोच्या घरघुती गॅस सिलेंडरच्या (Gas Shortage In India) किमतीमध्ये आजपासून हि दरवाढ लागू होणार आहे. (Iran vs Israel America war)
Gas Shortage In India : भारत हा जगातील दुसऱ्या क्रमांकाचा एलपीजी आयात करणारा देश
भारत हा जगातील दुसऱ्या क्रमांकाचा एलपीजी आयात करणारा देश आहे. गेल्या वर्षी, देशाने अंदाजे 33.15 दशलक्ष मेट्रिक टन स्वयंपाकाच्या गॅसचा वापर केला. एलपीजी हे प्रोपेन आणि ब्युटेनचे मिश्रण आहे. देशाच्या एकूण एलपीजी गरजांपैकी जवळजवळ दोन तृतीयांश गरजा आयातीद्वारे पूर्ण केल्या जातात, या पुरवठ्यापैकी अंदाजे 85-90% मध्य पूर्वेतून येतात. अशातच इराणनं होर्मुझची सामुद्रधुनी पूर्णपणे बंद करण्याचा निर्णय घेतल्यानं जागतिक बाजारपेठेतील जवळजवळ सर्वच क्षेत्रापुढं नवी समस्या निर्माण झाली आहे. अशातच घरघुती गॅस सिलेंडरच्या किमती 60 रुपयांनी वाढल्यामुळे त्याचा थेट फटका सर्वसामान्यांच्या खिशाला बसणार आहे.
Iran vs Israel America War : इस्रायल-इराण संघर्षाची भारताला झळ सर्वसामान्यांच्या खिशाला कात्री
इस्रायल-इराण संघर्षाची झळ आता भारतालाही बसू लागलीय. इराणच्या नाकेबंदीमुळे भारताला होणारा एलपीजी पुरवठा विस्कळीत झालाय. त्यामुळे घरगुती गॅस सिलिंडरचा तीव्र तुटवडा निर्माण होण्याची दाट शक्यताय. परिणामी खबरदारीचा उपाय म्हणून केंद्र सरकारने तातडीने सर्व रिफायनरींना, एलपीजीचं उत्पादन वाढवण्याचे आदेश दिलेत. आता रिफायनरी कंपन्या त्यांच्याकडील प्रोपेन आणि ब्युटेनचा वापर फक्त स्वयंपाकाचा गॅस बनवण्यासाठी करतील. पण युद्ध असंच सुरू राहिल्यास, घरगुती गॅस मिळण्यास विलंब होण्याची शक्यता असून. त्यामुळे सर्वसामान्यांचे हाल होऊ शकतात, अशी भीती देखील आता भेडसावू लागली आहे.
इतर महत्वाच्या बातम्या
महत्त्वाच्या बातम्या
