Iranian Ship IRIS Lavan: अमेरिका-इस्रायलने इराणच्या 32 युद्धनौका समुद्रात बुडवल्या, पण 'ते' एक जहाज भारतामुळे सुरक्षित राहिलं, नेमकं काय घडलं?

28 फेब्रुवारी 2026 रोजी (ज्या दिवशी अमेरिका आणि इस्रायलने इराणवर हल्ले सुरू केले), इराणने भारताकडे तांत्रिक अडचणींमुळे 'लावन' या जहाजाला तातडीने Docking परवानगी मागितली होती.

Iranian Ship IRIS Lavan

Source : Facebook

Iranian Ship IRIS Lavan: अमेरिकेने श्रीलंकेजवळ इराणचे 'आयआरआयएस देना' (IRIS Dena) हे जहाज बुडवले, त्याच दिवशी (4 मार्च) इराणचे दुसरे जहाज 'आयआरआयएस लावन' भारताच्या कोची बंदरावर पोहोचले होते. 28 फेब्रुवारी 2026 रोजी (ज्या दिवशी अमेरिका आणि इस्रायलने इराणवर हल्ले सुरू केले), इराणने भारताकडे तांत्रिक अडचणींमुळे 'लावन' या जहाजाला तातडीने Docking परवानगी मागितली होती. भारताने 1 मार्च रोजी ही विनंती मान्य केली. सध्या या जहाजावरील सर्व 183 खलाशी (crew members) कोची येथील भारतीय नौदलाच्या तळावर सुरक्षितपणे वास्तव्यास आहेत.

'आयआरआयएस देना' (IRIS Dena) वरील अमेरिकेचा हल्ला

'मिलान' (MILAN) या बहुराष्ट्रीय नौदल सरावात सहभागी होऊन इराणला परतत असताना, बुधवारी सकाळी श्रीलंकेतील गॅले (Galle) किनाऱ्यापासून 40 नॉटिकल मैल अंतरावर एका अमेरिकन पाणबुडीने (Submarine) टॉर्पेडो डागून 'आयआरआयएस देना' हे इराणचे युद्धजहाज बुडवले. या हल्ल्यानंतर श्रीलंकेला समुद्रातून 87 जणांचे मृतदेह सापडले. 

भारतीय नौदलाचे बचावकार्य (Search & Rescue)

'देना' जहाजाकडून बुधवारी पहाटे मदतीचा संदेश (distress call) मिळताच भारतीय नौदलाने तात्काळ शोध आणि बचाव मोहीम सुरू केला. नौदलाने लांब पल्ल्याचे सागरी गस्ती विमान, आयएनएस तरंगिणी (INS Tarangini) हे जहाज आणि कोचीहून आयएनएस ईक्षक (INS Ikshak) हे सर्वेक्षण जहाज श्रीलंकेच्या मदतीसाठी घटनास्थळी पाठवले होते. एका विमानातून तातडीने जीवरक्षक नौका (life rafts) टाकण्याचीही तयारी ठेवण्यात आली होती. इराणी युद्धनौका बुडवल्यानंतर देशातील विरोधी पक्षांसह संरक्षण तज्ञांनी पीएम मोदी आणि केंद्र सरकारच्या मौनावर प्रश्नचिन्ह उपस्थित केले आहे. इराणच्या या खलाशांना "भारताचे सन्माननीय पाहुणे" म्हणत, सरकारने सागरी महासत्ता म्हणून आपली जबाबदारी झटकल्याचा (abdication of responsibilities) आरोप विरोधकांनी केला आहे.

इराण आणि अमेरिकेची प्रतिक्रिया 

इराणचे परराष्ट्र मंत्री अब्बास अरागची यांनी अमेरिकेच्या या कारवाईला "समुद्रातील क्रूरता" (atrocity at sea) म्हटले असून, अमेरिकेला याचा 'कडवा पश्चात्ताप होईल' असा इशारा दिला आहे. बुडवलेल्या या जहाजावर सुमारे 130 खलाशी होते. अमेरिकेचे संरक्षण मंत्री पीट हेगसेथ यांनी या टॉर्पेडो हल्ल्याची पुष्टी करत 'देना' जहाजाला एक "प्राईज शिप" (prize ship) म्हटले आहे. तसेच, अमेरिका-इस्रायलची ही लष्करी कारवाई आता केवळ इराणच्या सीमेपुरती मर्यादित राहिलेली नाही, हेच या घटनेतून स्पष्ट होते असे ते म्हणाले.

इतर महत्वाच्या बातम्या