Ravi Pradosh Vrat 2024 : आजचं रवि प्रदोष व्रत 3 राशींसाठी ठरणार खास; 15 सप्टेंबरपासून उजळणार नशीब, उत्पन्नाचे नवे स्रोत होणार खुले
Astrology 15 September 2024 : रवि प्रदोष व्रत काही राशींसाठी विशेष ठरणार आहे. या काळात मोठ्या ग्रहांच्या हालचाली होत आहेत, जे 3 राशींचं नशीब पालटू शकतात.
Astrology 15 September 2024 : ज्योतिषशास्त्रानुसार, 15 सप्टेंबरपासून (Ravi Pradosh Vrat 2024) अनेक ग्रहांच्या चाली बदलत आहेत, ज्याचा परिणाम सर्व राशींवर होईल. 16 सप्टेंबरला न्याय देवता शनीवर सूर्याची शुभ दृष्टी पडणार आहे. ग्रहांच्या या हालचालीमुळे काही राशींचं भाग्य उजळू शकतं. या लोकांना करिअर आणि व्यवसायात चांगले परिणाम पाहायला मिळतील. सूर्याच्या प्रभावामुळे 16 सप्टेंबरपासून कोणत्या राशी (Zodiac Signs) सुखात जीवन जगणार? जाणून घेऊया.
सिंह रास (Leo)
15 सप्टेंबरपासूनचा काळ सिंह राशीच्या लोकांसाठी फायदेशीर असणार आहे. महादेवाच्या कृपेने सिंह राशीच्या लोकांच्या मान-सन्मानात वाढ होईल आणि पैशाशी संबंधित कामं पूर्ण होतील. तुम्ही वाहन, मालमत्ता, इलेक्ट्रीक उपकरणं इत्यादी महागड्या वस्तू खरेदी करण्याची शक्यता दिसते. तुम्ही तुमच्या उत्पन्नात वाढ देखील पाहू शकता, ज्यामुळे तुमच्या आर्थिक स्थितीत सुधारणा होईल. व्यवसाय करणाऱ्यांचे उत्पन्न वाढेल. तुमच्या हुशारीने तुम्ही तुमचं काम इतरांकडून सहज करून घेऊ शकाल. जर तुम्हाला कुटुंबातील कोणत्याही सदस्याच्या आरोग्याची काळजी वाटत असेल तर ही चिंता देखील या काळात दूर होईल आणि तुमच्या तब्येतीत सुधारणा दिसून येईल.
तूळ रास (Libra)
तूळ राशीच्या लोकांसाठी येता काळ लाभदायक असणार आहे. तूळ राशीचे लोक जे काही काम करतील त्यात त्यांना नक्कीच यश मिळेल आणि कुटुंबासोबत चांगला वेळ घालवण्याची संधी मिळेल. तुम्हाला नातेवाईकांकडून चांगली बातमी मिळेल, ज्यामुळे तुमचा आनंद द्विगुणित होईल. ज्या प्रलंबित कामांबद्दल तुम्ही खूप दिवसांपासून चिंतेत होता ती महादेवाच्या कृपेने पूर्ण होऊ लागतील आणि तुमचं आरोग्यही पूर्णपणे चांगलं राहील. वैवाहिक जीवनात काही तणाव चालू असेल तर तो या काळात संपेल आणि तुम्हाला तुमच्या जोडीदारासोबत काही नातेवाईकांना भेटण्याची संधी मिळेल. संध्याकाळ एखाद्या धार्मिक ठिकाणी घालवाल.
कुंभ रास (Aquarius)
कुंभ राशीच्या लोकांसाठी हा काळ सकारात्मक असणार आहे. कुंभ राशीचे लोक स्वभावाने दानशूर दिसतील. तुमच्या जोडीदारासोबत मिळून तुम्ही तुमच्या मुलांच्या भविष्याबाबत मोठा निर्णय घेऊ शकता. व्यवसाय करणाऱ्यांना चांगला नफाही मिळेल. तुम्ही घरासाठी नवीन वस्तू खरेदी कराल आणि आरामदायी जीवन जगण्यावर अधिक भर द्याल. मित्रांसोबत संध्याकाळ घालवाल. तुमची आर्थिक बाजू मजबूत होईल. पैशाशी संबंधित बाबींमध्ये यश मिळेल. समाजात तुमचा मान-सन्मान वाढेल. गुंतवणुकीतून लाभ होईल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
महत्त्वाच्या बातम्या
