Rashmika Mandanna | 'नॅशनल क्रश' रश्मिका साजरा करतेय आज आपला 25 वा वाढदिवस

Rashmika Mandanna

साऊथच्या फिल्म इन्डस्ट्रीमध्ये धुमाकुळ घालणारी आणि लाखो भारतीय तरुणांची क्रश असणारी रश्मिका मानधना आज आपला 25 वा वाढदिवस साजरा करत आहे.

रश्मिकाने 2016 साली किरिक पार्टी (Kirik Party) या कन्नड चित्रपटाच्या माध्यमातून अभिनय क्षेत्रात पदार्पण केलं आहे.

त्यानंतर रश्मिकाने कन्नड सुपरस्टार पुनीत राजकुमार याच्यासोबत 2017 साली 'अंजनी पुत्र' या चित्रपटात काम केलं. या चित्रपटानंतर ती लोकप्रिय झाली.

रश्मिकाचा तेलुगु चित्रपट चलो या चित्रपटात काम केलं. विजय देवरकोंडा सोबत तिने 'गीता गोविंदम' या चित्रपटात काम केलं. हा चित्रपट सुपर-डुपर हिट झाला. या चित्रपटासाठी रश्मिकाला साऊथचा बेस्ट अॅक्ट्रेसचा पुरस्कार मिळाला.

रश्मिकाने आतापर्यंत कन्नड, तामिळ आणि तेलुगु चित्रपटात काम केलं आहे. यामधील बहुतांश चित्रपट हिट झाले आहेत.

रश्मिकाच्या सौंदर्याने आणि तिच्या अदाकारीने ती नॅशनल क्रश बनली आहे. रश्मिका मानधना सोशल मीडियावर नेहमी अॅक्टिव्ह असते. तिचे फॅन फॉलोअर्सची संख्याही मोठी आहे.

रश्मिका 'मिशन मजनू' या चित्रपटाच्या माध्यमातून बॉलिवूडमध्ये पदार्पण करणार आहे. या चित्रपटात ती सिद्धार्थ मल्होत्रा सोबत दिसणार असून एका रॉ एजंटची भूमिका करणार आहे. 'गुड बाय' या बॉलिवूडच्या चित्रपटातही ती महानायक अमिताभ बच्चन यांच्यासोबत दिसणार असून हा चित्रपट 2022 साली प्रदर्शित होणार आहे.