आमिर खानसोबत दिला होता ब्लॉकबस्टर चित्रपट, एका चुकीने उद्धवस्त झालं अभिनेत्रीचे करिअर

Bollywood Actress : या अभिनेत्रीने आमिर खान आणि संजय दत्तसारख्या आघाडीच्या अभिनेत्यांसोबत ब्लॉकबस्टर चित्रपट दिला. मात्र, एका चुकीच्या निर्णयाने तिच्या करिअरला उतरती कळा लागली.

बॉलिवूडमध्ये काही मोजक्याच अभिनेत्रीचे पदापर्णातील चित्रपट ब्लॉकबस्टर ठरले आणि त्या स्टार झाल्या. मात्र, फार कमी अभिनेत्रींना आपले हे यश, स्टारडम टिकवता आले. अपयशी झालेल्या अभिनेत्री विजनवासाच्या अंधारात लुप्त झाल्या. अशाच एका अभिनेत्रीला आपली चूक महागात पडली आणि त्याचा परिणाम तिच्या करिअरवर झाला.

आपण ज्या अभिनेत्रीबद्दल बोलत आहोत ती अभिनेत्री म्हणजे ग्रेसी सिंग आहे. ग्रेसीने 'लगान' आणि 'मुन्नाभाई एमबीबीएस' सारख्या यशस्वी चित्रपटांमध्ये काम केले आणि बॉलिवूडमध्ये ठसा उमटवला.

ग्रेसी सिंगचे सिनेइंडस्ट्रीतील करिअर फार काळ टिकले नाही. त्यानंतर चार वर्षांपूर्वी ती टेलिव्हिजनवर परतली पण तिचे स्टारडम राखू शकली नाही. सोशल मीडियावर तिची झलक पाहून ही तिच क्रश असणारी अभिनेत्री आहे, यावर अनेकांना विश्वास ठेवता येत नाही.

ग्रेसी सिंगचा जन्म दिल्लीत झाला. त्याने आपल्या कारकिर्दीची सुरुवात टेलिव्हिजनमधून केली. ती 1997 मध्ये टेलिव्हिजन सीरियल 'अमानत'मध्ये दिसली होती.

बरीच वर्षे इंडस्ट्रीचा एक भाग असूनही, ग्रेसी सिंगला 2001 मध्ये यश मिळाले. ग्रेसीने आशुतोष गोवारीकरच्या 'लगान' मध्ये आमिर खानची अभिनेत्री म्हणून भूमिका साकारली. 'लगान'नंतर ती स्टार अभिनेत्री झाली.

'लगान' रिलीज झाल्यानंतर ग्रेसी सिंगने मागे वळून पाहिले नाही. यानंतर ती हिंदी आणि तेलुगु चित्रपटात झळकली. 'मुन्नाभाई M.B.B.S.' सारख्या ब्लॉकबस्टर चित्रपटात ती संजय दत्त आणि अर्शद वारसीसोबत झळकली.

आमिर खान आणि संजय दत्तसोबत ब्लॉकबस्टर चित्रपट देऊनही ग्रेसी सिंगला बॉलिवूडमध्ये यशस्वी करिअर करता आले नाही आणि अनेक फ्लॉप चित्रपटानंतर तिने इंडस्ट्री सोडली.

ग्रेसी सिंगच्या करिअरमधील सर्वात मोठी चूक म्हणजे केआरकेचा बॉलिवूड डेब्यू चित्रपट 'देशद्रोही'मध्ये काम करणे. हा चित्रपट बॉक्स ऑफिसवर फ्लॉप ठरला आणि त्यामुळे त्याची कारकीर्द रुळावरून उतरली.

2013 मध्ये, इंडस्ट्रीपासून दूर राहिल्यानंतर, ग्रेसी सिंगने ब्रह्मा कुमारिस वर्ल्ड स्पिरिच्युअल युनिव्हर्सिटीमध्ये प्रवेश केला. ग्रेसी सिंगने तिच्या एका मुलाखतीत सांगितले की, ब्रह्मा कुमारी वर्ल्ड स्पिरिच्युअल युनिव्हर्सिटीमध्ये प्रवेश घेतल्यानंतर तिला मानसिक शांतता मिळाली.

ग्रेसी सिंह ही 2020 मधील 'संतोषी मां- सुनाएं व्रत कथाएं' या टीव्ही झळकली होती. ग्रेसी ही सोशल मीडियावर चांगलीच सक्रीय असून ती आपले अपडेट्स चाहत्यांना देत असते.