शिक्षेला आव्हान देण्यासाठी माणिकराव कोकाटेंची न्यायालयात धाव, अडचणीत वाढ होणार की दिलासा मिळणार? आज फैसला
Manikrao Kokate : मुख्यमंत्री कोट्यातून दिल्या जाणाऱ्या सदनिका या बनावट दस्तऐवज तयार करून लाटल्या प्रकरणात कृषीमंत्री माणिकराव कोकाटे यांना दोन वर्षांचा कारावास आणि 50 हजार रुपये दंडाची शिक्षा कोर्टाने सुनावली आहे.
Manikrao Kokate : मुख्यमंत्री कोट्यातून दिल्या जाणाऱ्या सदनिका या बनावट दस्तऐवज तयार करून लाटल्या प्रकरणात कृषीमंत्री ॲड. माणिकराव कोकाटे (Manikrao Kokate) व त्यांचे भाऊ विजय कोकाटे यांना प्रत्येकी दोन वर्षांचा कारावास आणि 50 हजार रुपये दंडाची शिक्षा नाशिक जिल्हा न्यायालयाने (Nashik Court) ठोठावली आहे. यावरून विरोधक चांगलेच आक्रमक झाले असून माणिकराव कोकाटे यांच्या राजीनाम्याची मागणी केली जात असतानाच शिक्षेला आव्हान देण्यासाठी माणिकराव कोकाटे हे आज (दि.24) सत्र न्यायालयात धाव घेणार आहेत. ते आज सत्र न्यायालयात होणार अपील दाखल करणार असून दुपारी तीननंतर यावर सुनावणी होण्याची शक्यता वर्तवली जात आहे. त्यामुळे माणिकराव कोकाटे यांना दिलासा मिळणार की त्यांच्या अडचणीत वाढ होणार? याकडे आता सर्वांचे लक्ष लागले आहे.
नाशिक शहरातील उच्चभ्रू परिसरात माणिकराव कोकाटे यांनी 30 वर्षांपूर्वी अल्प उत्पन्न गटातून सदनिका मिळवली होती. स्वत:सह भाऊ विजय कोकाटे, पोपट सोनवणे आणि प्रशांत गोवर्धने या चार जणांनी कॅनडा कॉर्नर भागात निर्माण व्ह्यू अपार्टमेंटमध्ये मुख्यमंत्री कोट्यातून अल्प उत्पन्न गटासाठीच्या सदनिका प्राप्त केल्या होत्या. यानंतर तत्कालीन दिवंगत राज्यमंत्री तुकाराम दिघोळे यांच्या तक्रारीवरून जिल्हा प्रशासनाने सदनिका वाटपाची चौकशी केली होती. गुरुवारी (दि. 20) या प्रकरणात नाशिक न्यायालयाने माणिकराव कोकाटे यांच्यासह त्यांच्या भावाला प्रत्येकी दोन वर्षांचा कारावास आणि 50 हजारांचा दंड अशी शिक्षा सुनावली आहे.
माणिकराव कोकाटेंची न्यायालयात धाव
या पार्श्वभूमीवर माणिकराव कोकाटे सुनावण्यात आलेल्या शिक्षे विरोधात सत्र न्यायालयात अपील दाखल करणार आहेत. माणिकराव कोकाटे यांच्या राजीनाम्याची मागणी जोर धरत असतानाच शिक्षेला आव्हान देण्यासाठी कोकाटे यांनी सत्र न्यायालयात धाव घेतली आहे. माणिकराव कोकाटे यांच्यासाठी आजचा दिवस अत्यंत महत्वाचा असून सुनावणीत काय होणार? याकडे आता सर्वांचे लक्ष लागले आहे.
काय म्हणाले माणिकराव कोकाटेंचे वकील?
माणिकराव कोकाटे यांचे वकील अविनाश भिडे म्हणाले की, 20 तारखेला कॅबिनेट मंत्री माणिकराव कोकाटे यांच्याबाबत जे जजमेंट दिले आहे त्याबाबत आपण आज अपील करत आहे. ऑनलाईन सबमिशन दाखल केले जाणार आहे. त्यानुसार सुनावणी निश्चित होईल. न्यायालयाने जे जजमेंट दिले आहे त्यावर आपण अपील करतोय. तांत्रिक मुद्दे आत्ता सांगू शकत नाही. आज लवकर सर्क्युलेशन झालं तर सुनावणी आजच होईल, असे त्यांनी सांगितले.
आणखी वाचा
महत्त्वाच्या बातम्या
ट्रेंडिंग न्यूज
