KCR Admitted At Hospital: तेलंगणाचे माजी मुख्यमंत्री KCR बाथरुममध्ये पडले, रुग्णालयात दाखल, तातडीने शस्त्रक्रिया करणार
Telangana: तेलंगणाचे माजी मुख्यमंत्री केसीआर गुरुवारी रात्री बाथरुममध्ये पाय घसरुन पडले. त्यामुळे त्यांना तात्काळ रुग्णालयात दाखल करण्यात आलं.
Telangana Former CM KCR Admitted At Hospital : हैदराबाद : तेलंगणाचे माजी मुख्यमंत्री के. चंद्रशेखर राव (Former Telangana Chief Minister K Chandrashekar Rao) यांना रुग्णालयात दाखल करण्यात आलं आहे. केसीआर (KCR) पाय घसरुन पडल्यामुळे त्यांना दुखापत झाल्याची माहिती मिळत आहे. हैदराबादच्या (Hyderabad) यशोदा रुग्णालयात केसीआर यांना दाखल करण्यात आलं आहे. केसीआर काल (गुरुवारी) रात्री एररावल्ली येथील त्यांच्या फार्महाऊसवर पाय घसरुन पडले. आता त्यांच्यावर हिप रिप्लेसमेंट शस्त्रक्रिया पार पडणार आहे.
दरम्यान, तेलंगणातील विधानसभा निवडणुकीचे निकाल 3 डिसेंबर रोजी जाहीर झाले आहेत. काँग्रेसनं तेलंगणात बहुमत मिळवत सरकार स्थापन केलं असून दोनदा तेलंगणाचं मुख्यमंत्री पद भूषवलं आहे. पण, यंदा मुख्यमंत्रीपदाची हॅट्रिक करण्याची काँग्रेसनं संधी हिसकावून घेतली.
Sri KCR Garu needs to undergo a Hip Replacement Surgery today after he had a fall in his bathroom
— KTR (@KTRBRS) December 8, 2023
Thanks to all those who have been sending messages for his speedy recovery pic.twitter.com/PbLiucRUpi
मुलीनं ट्वीट करून दिली माहिती
केसीआर यांच्या मुलीनं ट्वीट करून केसीआर पाय घसरुन पडल्याची माहिती दिली आहे. त्यांनी ट्वीट करून सांगितलं की, बीआरएस सुप्रीमो केसीआर यांना किरकोळ दुखापत झाली असून ते सध्या रुग्णालयात तज्ज्ञांच्या देखरेखीखाली आहेत. पाठिंबा आणि शुभेच्छांमुळे वडील लवकरच बरे होतील. तुमच्या सर्वांच्या प्रेमाबद्दल धन्यवाद.
BRS supremo KCR Garu sustained a minor injury and is currently under expert care in the hospital. With the support and well-wishes pouring in, Dad will be absolutely fine soon.
— Kavitha Kalvakuntla (@RaoKavitha) December 8, 2023
Grateful for all the love 🙏🏼
119 जागांच्या तेलंगणात 30 नोव्हेंबर रोजी मतदान झालं होतं. 3 डिसेंबर रोजी जाहीर झालेल्या निकालात काँग्रेसला दणदणीत विजय मिळाला आहे. केसीआर यांची मुख्यमंत्री बनण्याची हॅटट्रिक हुकली. 2013 मध्ये राज्याच्या स्थापनेपासूनच केसीआर सत्तेवर होते. या निवडणुकीत काँग्रेसनं 64 जागा जिंकल्या आहेत, तर बीआरएसनं 39 जागा जिंकल्या आहेत. भाजपनं 8 जागा जिंकल्या आहेत, तर इतरांनीही 8 जागा जिंकल्या आहेत.
काँग्रेस नेते रेवंत रेड्डी यांनी गुरुवारी तेलंगणाच्या मुख्यमंत्रीपदाची शपथ घेतली. या शपथविधी सोहळ्यात सोनिया गांधी, मल्लिकार्जुन खर्गे, राहुल गांधी आणि प्रियांका गांधी उपस्थित होते. रेवंत हे काँग्रेसचे तेलंगणा प्रदेशाध्यक्षही आहेत. त्यांच्यासोबत आणखी 10 आमदारांनी मंत्रीपदाची शपथ घेतली.
महत्त्वाच्या बातम्या
ट्रेंडिंग न्यूज
