International Flights Resumed : तब्बल दोन वर्षाच्या प्रतीक्षेनंतर आंतरराष्ट्रीय हवाई वाहतुकीला हिरवा कंदील

International Flights Resumed : कोरोनाचा प्रादुर्भाव ओसरत असल्याने 27 मार्चपासून आंतरराष्ट्रीय विमानसेवेला परवानगी देण्यात आली आहे.

International Flights Resumed

International Flights Resumed : परदेशवारी करू इच्छिणाऱ्या पर्यटकांसाठी चांगली बातमी आहे.  तब्बल दोन वर्षाच्या प्रतीक्षेनंतर 27 मार्चपासून नियमित  आंतरराष्ट्रीय हवाई वाहतुकीला हिरवा कंदील दिला आहे. कोरोनाचा प्रादुर्भाव ओसरत असल्याने हा निर्णय घेण्यात आला आहे. आंतरराष्ट्रीय विमानसेवेला परवानगी दिली असली तरी  कोरोना नियमावलीचे काटेकोरपणे पालन करणे अनिवार्य असल्याचे केंद्र सरकारने म्हटले आहे. 

हवाई वाहतूक राज्यमंत्री  ज्योतीरादित्य शिंदे यांनी ट्वीट करत ही माहिती दिली आहे. ज्योतिरादित्य शिंदे म्हणाले, देशातील कोरोनाचा रुग्णसंख्या पाहता हा निर्णय घेण्यात आला आहे. देशातील कोरोनाची रुग्णसंख्या घटताना दिसत आहे त्यामुळे आम्ही 27 मार्चपासून आंतरराष्ट्रीय वाहतूक नियमित करण्याचा निर्णय घेतला आहे.  त्यानंतर एअर बबल देखील बंद करण्यात येईल. 

After deliberation with stakeholders &keeping in view the decline in the #COVID19 caseload,we have decided to resume international travel from Mar 27 onwards.Air Bubble arrangements will also stand revoked thereafter.With this step,I’m confident the sector will reach new heights!

— Jyotiraditya M. Scindia (@JM_Scindia) March 8, 2022

या अगोदर कोरोनाच्या वाढत्या प्रादुर्भावामुळे 23 मार्च 2022 पासून आंतरराष्ट्र विमानसेवेला बंदी घातली होती. त्याअगोदर 28 फेब्रुवारीला डीजीसीएने कमर्शिअल आंतरराष्ट्रीय विमानसेवेला पुढील आदेशापर्यंत बंद करण्याचे आदेश देण्यात आले होते.  

संबंधित बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha