Ankita Walawalkar : "आपण लग्न करतोय", 'बिग बॉस' फेम अंकितासाठी होणाऱ्या नवऱ्याची खास पोस्ट, दसऱ्याच्या शुभेच्छा अन् लग्नाची घोषणा
Ankita Walawalkar : 'बिग बॉस मराठी' फेम अंकिता वालावलकरच्या लग्नाची जोरदार चर्चा होताना दिसत आहे. अंकिताचा बॉयफ्रेंड कोण आहे?
Ankita Walawalkar Fiance Kunal Bhagat Post : बिग बॉस मराठी सीझन 5 मध्ये सदस्य म्हणून सामील झालेली अंकिता वालावलकर शोमधून घराघरात पोहोचली आहे. अंकिता वालावलकरचा मोठा चाहतावर्ग आहे, ज्यांच्यामुळे ती बॉस मराठीमध्ये टॉप 6 फायनलिस्टमध्ये पोहोचली. बिग बॉस मराठीचा यंदाचा सीझन संपल्यानंतर अंकिता वालावलकरच्या लग्नाची जोरदार चर्चा होताना दिसत आहे. अंकिताचा बॉयफ्रेंड कोण आहे? तिच्या होणाऱ्या नवऱ्याचं नाव काय? असे प्रश्न नेटकरी विचारत आहेत. अखेर अंकिताने या सर्व प्रश्नांची उत्तर देत चाहत्यांसोबत गोड बातमी शेअर केली आहे.
दसऱ्याच्या मुहूर्तावर अंकिता वालावलकरने बॉयफ्रेंड कुणाल भगतसोबतच्या नात्याची ग्वाही दिली आहे. यासोबत अंकिता आणि कुणाल लवकरच लग्न करणार असल्याचंही चाहत्यांना सांगितलं आहे. अंकिताने सोशल मीडियावर तिचा होणारा नवरा कुणालसोबतचा रोमँटिक फोटो शेअर केला आहे. अंकिता वालावलकरचा होणारा नवरा कुणाल भगत संगीत दिग्दर्शक आहे. कुणालने अनेक चित्रपट आणि मालिकांचं संगीत दिग्दर्शन केलं आहे.
कुणाल भगतने अंकितासाठी खास पोस्ट करत दसऱ्याच्या शुभेच्छा दिल्या आहेत. कुणालने फोटो पोस्ट करत कॅप्शनमध्ये लिहिलंय, "तू आयुष्यात आलीस आणि खरं प्रेम ह्या शब्दाचा अर्थ कळला. आपल्या आयुष्यातला सगळयात मोठा निर्णय, आपण लग्न करतोय. तुला खुश ठेवणं,तुला हसवणं,आता माझी सवय झाली आहे आणि ही माझी सवय नेहमी आशीच ठेवेन, विश्वास ठेव. माझ्या सोन्यासारख्या होणाऱ्या बायकोला दसऱ्याच्या शुभेच्छा."
View this post on Instagram
अंकितानेही कुणालला दसऱ्याच्या खास शुभेच्छा दिल्या आहेत. अंकिताने इंस्टाग्रामवर फोटो शेअर करत त्याला कॅप्शन दिलंय, "प्रेम हे एकमेकांसाठी जगणं आहे हे तू सांगितलस, काळाच्या ओघात कळलच नाही. आयुष्य कसं कुठे बदललं, तू भेटलास आणि पुन्हा जगावसं वाटलं. वचन देते एका सुखी कौटुंबिक आयुष्याची तुझी सहचारिणी असेन. दसऱ्याच्या शुभेच्छा".
View this post on Instagram
महत्त्वाच्या इतर बातम्या :
Ankita Walawalkar : 'बिग बॉस' फेम अंकिता वालावलकरने दिली 'गूड न्यूज', 'सूर जुळले' म्हणत शेअर केला होणाऱ्या नवऱ्याचा फोटो
महत्त्वाच्या बातम्या
ट्रेंडिंग न्यूज
