Security Guard Assaults Minor | Dombivliत सुरक्षा रक्षकाकडून अल्पवयीन मुलांना मारहाण, गुन्हा दाखल

डोंबिवलीतील पलावा परिसरात अल्पवयीन मुलांना मारहाण केल्याचे प्रकरण समोर आले आहे. खेळताना बॉल इमारतीत गेल्याच्या क्षुल्लक कारणावरून सुरक्षा रक्षकाने मुलांना मारहाण केली. अल्पवयीन मुलांचे हात रुमालाने बांधून त्यांच्यासोबत गैरवर्तन करण्यात आले. एका मुलाने सांगितले की, 'त्यांचा हात रुमालाने बांधला आणि त्यांच्यासोबत गैरवर्तन करू लागले. काही शिवीगाळही केली.' या घटनेमुळे पालकांमध्ये भीतीचे वातावरण निर्माण झाले आहे. मानपाडा पोलिसांनी सुरक्षा रक्षक राजेंद्र खंडारे यांच्यावर गुन्हा दाखल केला आहे. पोलिसांनी सांगितले की, 'दोन्ही मुलांच्या पालकांच्या तक्रारीवरून आम्ही मानपाडा पोलीस स्टेशन इथे सदर सुरक्षा रक्षकाविरुद्ध गुन्हा नोंद केलेला आहे. गुन्ह्याचा पुढील तपास चालू आहे. सदर सुरक्षा रक्षकाला ताब्यात घेऊन त्याला नोटीस बजावावी लागेल. योग्य ती प्रतिबंधक कारवाई करावी लागेल.' स्थानिकांनी सुरक्षा रक्षकावर कारवाईची मागणी केली आहे. या प्रकरणाचा पुढील तपास सुरू आहे.