फडणवीस साहेब आम्हाला न्याय कधी मिळणार? लेकरांनी दम कुठपर्यंत धरायचा? संतोष देशमुखांच्या आईने जरांगेंसमोर फोडला टाहो

 मराठा आंदोलक मनोज जरांगे पाटील यांनी आज दिवंगत संतोष देशमुख यांच्या आईची भेट घेतली. यावेळी संतोष देशमुख यांच्या आईने जरांगे पाटील यांच्यासमोर हंबरडा फोडला.

Manoj Jarange Patil

Source : Getty Images

Manoj Jarange Patil :  मराठा आंदोलक मनोज जरांगे पाटील (Manoj Jarange Patil) यांनी आज दिवंगत संतोष देशमुख यांच्या आईची भेट घेतली. यावेळी संतोष देशमुख (Santosh Deshmukh) यांच्या आईने जरांगे पाटील यांच्यासमोर हंबरडा फोडला. फडणवीस साहेब सांगा आई आणि लेकरांनी दम कुठपर्यंत धरायचा. आम्हाला न्याय कधी मिळणार म्हणत संतोष देशमुखांच्या आईला अश्रू अनावर झाल्याचे पाहायसा मिळाले. सरपंच संतोष देशमुख यांच्या हत्येला एक वर्ष पूर्ण झाले आहे. संतोष देशमुख यांना अभिवादन करुन देशमुख कुटुंबीयांना धीर देण्यासाठी जरांगे पाटील मस्साजोगमध्ये गेले होते. यावेळी दिवंगत सरपंच संतोष देशमुख यांच्या आईला आणि पत्नीला अश्रू अनावर झाल्याचे पाहायला मिळाले.

फडणवीस साहेब आम्हाला न्याय कधी मिळणार 

फडणवीस साहेब आम्हाला न्याय कधी मिळणार असा सवाल दिवंगत सरपंच संतोष देशमुख यांच्या आईने उपस्थित करत हंबरडा फोडला. फडणवीस साहेब सांगा आईने भावाने लेकरांनी दम कुठपर्यंत धरायचा. सून घेऊन बसले लेकरं इकडे तिकडे पाठवले आता मी करायचं काय? असा सवाल देखील संतोष देशमुख यांच्या आईने केला. सीआयडी आहे म्हणतेत मग तपास का होत नाही. तुम्हाला वेळ का लागतो? का आम्हालाच काहीतरी करायचे असे सरकारने ठरवलंय का? आम्हाला सरकारने उत्तर द्यावं. लेकरं कुठेतरी ठेवलेत याचं सरकारने काहीतरी बघावं लागेल. धनु सोबत कोणीतरी पाहिजे आणि आम्हाला देखील पोलीस संरक्षण पाहिजे, अशी मागणी देखील संतो। देशमुख यांच्या आईने केली आहे. 

संतोष देशमुख हत्या प्रकरणाला 1 वर्ष पूर्ण, या प्रकरणी विधानसभेत निवेदन दिले जावे, धनंजय देशमुखांची मागणी

सरपंच संतोष देशमुख हत्या प्रकरणाला (Santosh Deshmukh Case Update)  एक वर्ष पूर्ण झाले असून आज मस्साजोग येथे काळा दिवस पाळला जाणार आहे. इतकच नाही तर प्रत्येक वर्षी 9 डिसेंबर हा काळा दिवस म्हणून असेल. त्याचबरोबर सरपंच देशमुख हत्या प्रकरणावर विधानसभेत निवेदन दिले जावे, अशी मागणी सरपंच संतोष देशमुख यांचे बंधू धनंजय देशमुख (Dhananjay Deshmukh) यांनी केली आहे. आमचा निष्पाप माणुस गेला आहे. त्यामुळे आज मस्साजोगमध्ये काळा दिवस पाळण्यात येणार आहे. आज गुन्हेगारांचा जाहीर निषेध गावकऱ्यांकडून केला जाणार आहे. 9 डिसेंबर मस्साजोगसाठी कायमचा काळा दिवस असेल, असं आज आम्ही जाहीर करणार असल्याची माहिती धनंजय देशमुख यांनी दिली आहे.

महत्वाच्या बातम्या: