RCB vs DC : आरसीबीनं दहा दिवसात गेम फिरवला, थेट पाचव्या स्थानावर झेप, बंगळुरुच्या विजयानंतर अनुष्का शर्माकडून अनोखं सेलिब्रेशन

RCB Victory Anushka Sharma Reaction : रॉयल चॅलेंजर्स बंगळुरुनं आयपीएलमध्ये सलग पाचवा विजय मिळवला आहे. या विजयासह त्यांनी गुणतालिकेत पाचव्या स्थानावर झेप घेतली.

रॉयल चॅलेंजर्स बंगळुरु

यंदाच्या आयपीएलमध्ये सलग सहा मॅचमध्ये पराभव स्वीकारणाऱ्या रॉयल चॅलेंजर्स बंगळुरुनं दमदार कमबॅक केलं आहे. आरसीबीनं सहा पराभवानंतर सलग पाच मॅचमध्ये विजय मिळवत गुणतालिकेत मोठी झेप घेतलीय.

रॉयल चॅलेंजर्स बंगळुरु 3 मे पर्यंत गुणतालिकेत दहाव्या स्थानावर होती. आयपीएलच्या सुरवातीपासून आरसीबी गुणतालिकेत तळाला होती. मात्र, त्यानंतर आरसीबीनं सलग पाच विजय मिळवत अवघ्या दहा दिवसात पाचव्या स्थानावर झेप घेतली असून त्यांच्या देखील प्लेऑफच्या आशा कायम आहेत.

रॉयल चॅलेंजर्स बंगळुरुनं पहिल्यांदा फलंदाजी करताना 20 ओव्हरमध्ये 9 विकेटवर 187 धावा केल्या होत्या. या धावसंख्येचा पाठलाग करताना दिल्लीचा संघ 19.1 ओव्हरमध्ये 140 धावा करु शकला.

रॉयल चॅलेंजर्स बंगळुरुनं दिल्ली कॅपिटल्सला पराभूत केल्यानंतर पाचव्या स्थानावर झेप घेतली. तर, आरसीबीनं 13 पैकी 6 मॅचमध्ये विजय मिळवला आहे. दुसरीकडे दिल्ली कॅपिटल्सची सहाव्या स्थानावर घसरण झाली आहे. विजयानंतर विराट कोहलीनं जंगी सेलिब्रेशन केलं.

आरसीबीनं दिल्ली कॅपिटल्सला पराभूत केल्यानंतर मॅच पाहायला आलेल्या अभिनेत्री अनुष्का शर्मा हिनं देखील रॉयल चॅलेंजर्स बंगळुरुच्या खेळाडूंचं नमस्कार करत अभिनंदन केलं.

रॉयल चॅलेंजर्स बंगळुरु आणि चेन्नई सुपर किंग्ज यांच्यात 18 मे रोजी मॅच होईल त्या मॅचवर दोन्ही संघांच्या प्लेऑफचं गणित अवलंबून असेल.