पुण्यात व्हॉल्वो बसला भरदुपारी भीषण आग, जळून खाक; प्रवाशांनी ठोकल्या उड्या

पुणे-सातारा हायवेवर वॉल्वो बसला भीषण आग लागल्याची घटना घडल्याने परिसरात एकच खळबळ उडाली

Pune volvo bus fire in khed

पुणे-सातारा हायवेवर वॉल्वो बसला भीषण आग लागल्याची घटना घडल्याने परिसरात एकच खळबळ उडाली

पुण्यातील खेड शिवापूरजवळ अचानक बसला आग लागली, त्यात बस जळून खाक झाली.

या बसमधून 20 ते 25 प्रवाशी प्रवास करत होते, आग लागल्याचे लक्षात येताच प्रवाशांनी बसमधून बाहेर उड्या मारल्या

व्हॉल्वो बस दुर्घटनेत काहीजण किरकोळ जखमी झाले असून रस्त्यावर बघ्यांची गर्दी जमली होती.

दरम्यान, आगीच्या घटनेसंदर्भात अग्निशमन दलास पाचारण करण्यात आले आहे. मात्र, आगीचा भडका वाढल्याने अग्निशमन गाडी येण्यापूर्वीच बस जळून खाक झाली.

अग्निशामक दलाची गाडी आणि ॲम्बुलन्स थोड्या उशिराने घटनास्थळी दाखल झाल्या आहेत.

दरम्यान, सध्या राज्यात उन्हाचा कडाका वाढला असून दुपारच्या सुमारास वाहनेही तापत आहेत. त्यामुळे, या बसला आग उन्हामुळे इंजिन गरन होऊन लागली की नेमकं कशामुळे लागली हे अद्याप कळू शकलं नाही.