Building Collapse : अन् क्षणार्धात तीन मजली इमारत पत्त्याच्या बंगल्यासारखी कोसळली, PHOTOS पाहून काळजाचा ठोका चुकेल

Building Collapse : धुळे जिल्ह्याच्या शिरपूर शहरातील जैन गल्लीत जीर्ण झालेली तीन मजली इमारत अचानक पत्त्याच्या बंगल्यासारखी कोसळली आहे.

Building Collapse

या इमारतीत राहणारे कुटुंब एक दिवस आधीच स्थलांतरित झाले होते. त्यामुळे कोणतीही जीवितहानी झाली नाही.

भरत केशवलाल जैन यांच्या मालकीची ही वडिलोपार्जित इमारत होती.

इमारतीला लागून जैन समाज मंगल कार्यालयाचे बांधकाम सुरू होते. या बांधकामासाठी जुने घर पाडण्यात आले होते.

त्यामुळे इमारतीचा एका बाजूचा आधार नसल्यामुळेच इमारत कोसळल्याचे सांगितले जात आहे.

इमारत कोसळल्याने परिसरात भीतीचे वातावरण निर्माण झाले आहे.

या घटनेमुळे कोसळलेल्या इमारतीला लागून असलेल्या दुसऱ्या तीन मजली इमारतीला धोका निर्माण झाला आहे.

स्थानिक प्रशासनाला या घटनेची माहिती मिळताच, स्थानिक प्रशासनाने घटनास्थळी धाव घेतली.

इमारत कोसळण्याचे नेमके कारण शोधण्यासाठी प्रशासनाकडून चौकशी सुरू आहे.