एक्स्प्लोर

Russia Ukraine War : नागरिक घरातच झाले कैद, खाण्यापिण्याचे होताहेत हाल; युद्धामुळे युक्रेनमधील परिस्थिती वाईट

Ukraine Food Crisis : रशियाच्या सततच्या हल्ल्यामुळे (Russia Ukraine War) युक्रेनमधील लोकांना खाण्यापिण्याची तीव्र टंचाई भेडसावत आहे. काही ठिकाणी दुकानांजवळ मोठी गर्दी पाहायला मिळत आहे.

By : abp majha web team | Edited By: स्नेहल पावनाक | Updated at : 01 Mar 2022 09:53 AM (IST)

Ukraine Russia War

Ukraine Food Crisis : रशिया युक्रेनवर सातत्याने हल्ले करत आहे. सततच्या हल्ल्यामुळे जगभरातील देशांमध्ये तणावाचे वातावरण आहे. युक्रेनमध्ये परिस्थिती आणखी बिकट होत चालली आहे. सततच्या हल्ल्यांमुळे लोक अत्यंत घाबरलेले आहेत. युक्रेनियन नागरिकांना घरातच कैद राहावे लागत आहे. त्यामुळे त्यांच्या खाण्यापिण्याचे हाल होत आहेत. लोकांना ना खायला अन्न आहे, ना प्यायला पाणी. लोकांना अन्नधान्याच्या तीव्र टंचाईचा (Ukraine Food Crisis) सामना करावा लागत आहे. काही ठिकाणी दुकानांजवळ मोठी गर्दी असते. सततच्या हल्ल्यामुळे सामान्य लोकांसह सैनिकांचाही मृत्यू झाला आहे. मोठ्या प्रमाणात लोकांचे स्थलांतरही सुरु आहे.

युक्रेनमधील युद्धामुळे परिस्थिती आणखी बिकट
रशियन सैनिक राजधानी कीव्ह, खार्किव आणि इतर अनेक शहरांना सतत लक्ष्य करत आहेत. अशा परिस्थितीत लोकांना घरातून बाहेर पडणे कठीण झाले आहे, तर काही दुकानांवर लांबच लांब रांगा लागल्या आहेत. युक्रेनची राजधानी कीव्हमध्ये लोकांसमोर अन्नाचा प्रश्न निर्माण झाला आहे. लोकांच्या घरातील अन्नधान्य संपले आहे. त्याचबरोबर काही दुकानांमध्ये खाण्यापिण्याच्या वस्तूही मोठ्या अडचणीनंतर उपलब्ध होत आहेत. खाद्यपदार्थांसाठी लोक बराच वेळ आपली पाळी येण्याची वाट पाहत आहेत. अशात काही लोकांना काही वस्तू मिळाल्या तर त्यांच्या आनंदाला थारा नाही.

खाण्यापिण्याच्या संकटामुळे अडचणी वाढल्या
खार्किवमध्येही वस्तू खरेदीसाठी लोकांची गर्दी होत आहे. अन्नधान्याच्या संकटामुळे नागरिकांमध्ये भीतीचे वातावरण आहे. लोक कोणत्याही प्रकारे खाद्यपदार्थ गोळा करण्याच्या प्रयत्नात आहेत. रशिया आणि युक्रेनमधील युद्ध सहाव्या दिवशीही सुरूच आहे. युक्रेनला मदत करण्याच्या आपल्या संकल्पाचा संयुक्त राष्ट्राने पुनरुच्चार केला आहे. संयुक्त राष्ट्रांचे सरचिटणीस अँटोनियो गुटेरेस यांनी गेल्या आठवड्यात आपत्कालीन मदतीसाठी सुमारे 20 दशलक्ष डॉलर जारी केले.

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha