Maharashtra News Updates : दिल्लीचे उपमुख्यमंत्री मनिष सिसोदिया मद्य घोटाळा प्रकरणी अटक; सीबीआयने केली कारवाई
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
26 February Headlines Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये..
26 February Headlines : पुण्यात कसबा आणि चिंचवड विधानसभा पोटनिवडणुकीसाठी आज मतदान पार पडणार आहे. चिंचवडमध्ये तिरंगी लढत तर कसबामध्ये दुहेरी लढत होणार आहे. भाजप उमेदवाराच्या प्रचारासाठी केंद्रीय मंत्र्यांपासून ते राज्याचे मुख्यमंत्री, उपमुख्यमंत्री प्रचारात उतरले होते. भाजपने मोठी ताकद प्रचारात लावली होती. तर, दुसरीकडे महाविकास आघाडीचे अनेक दिग्गज नेत्यांनी प्रचारात सहभाग घेतला होता. विरोधी पक्षनेते अजित पवार, जयंत पाटील, ठाकरे गटाचे आदित्य ठाकरे, काँग्रेसचे प्रदेशाध्यक्ष नाना पटोले, सतेज पाटील आदी नेत्यांनी प्रचारात जोर लावला होता. आरोप-प्रत्यारोपाच्या फैऱ्या झडल्या. त्यामुळे मतदार कोणाला कौल देणार, याकडे राज्याचे लक्ष लागले आहे.
रायपुर
- काँग्रेसच्या रायपूर येथील अधिवेशनाचा आज समारोप होणार आहे. आजच्या सत्रात राहुल गांधी यांचे संबोधन होणार आहे. तर, काँग्रेस अध्यक्ष मलिकार्जून खर्गे यांचे समारोपीय भाषण होणार आहे.
मुंबई
- आगामी पालिका निवडणुकीच्या दृष्टीनं मुंबईत महत्वाच्या कामांच भूमिपूजन होणार आहे. भाजप-शिंदे सरकारकडून मुंबई सुशोभीकरण प्रकल्पांतर्गत अतिरिक्त 320 कामांचे मुख्यमंत्री, उपमुख्यमंत्री यांच्या हस्ते भूमिपूजन होणार आहे. रस्ते काँक्रिटीकरण, मलनिस्सारण वाहिन्या कामांचाही प्रारंभ होणार आहे. मुंबईतील रस्ते सिमेंट काँक्रिटीकरण अंतर्गत, एकूण 52 किलोमीटर लांबी असलेल्या 11 रस्त्यांच्या कामांचा प्रत्यक्ष प्रारंभ होणार आहे.
- वरळीत आदित्य ठाकरे यांची संध्याकाळी जाहीर सभा होणार आहे. निवडणूक आयोगाच्या निकालानंतर ठाकरे गट शिवसैनिकांपर्यंत पोहोचण्यासाठी प्रयत्न करणार आहे. त्यासाठीच वरळीच्या जांभोरी मैदानात ठाकरे गटाकडून शिवसैनिकांचा निर्धार मेळाव्याचे आयोजन करण्यात आले आहे.
- एमआयएमच्या राष्ट्रीय अधिवेशनाच्या दुसऱ्या दिवशी खासदार असदुद्दीनं औवेसी यांची पत्रकार परिषद होणार आहे. संध्याकाळी मालवणी, मालाडमध्ये जाहीर सभा होणार आहे.
- विधिमंडळाच्या अर्थसंकल्पीय अधिवेशनाच्या पार्श्वभूमीवर आज दुपारी 1.30 वाजता विधान भवन परिसरात विरोधी पक्षाची बैठक पार पडणार आहे.
- बृहन्मुंबई महानगरपालिकेच्या पुढाकाराने आणि स्टेट बँक ऑफ इंडियाच्या सहकार्याने आयोजित 'फिट मुंबई बीएमसी एसबीआय अर्ध मॅरेथॉन प्रोमो रनचा
नाशिक
- स्वातंत्र्यवीर सावरकर आत्मार्पण दिनानिमित्त सावरकर वाडा भगुर येथे पर्यटन विभागामार्फत अभिवादन पदयात्रा काढण्यात येणार.
ठाणे
- ठाण्यात गडकरी रंगायतन येथे शिवगर्जना मेळाव्याचे आयोजन करण्यात आलं आहे. या मेळाव्याला भास्कर जाधव, अरविंद सावंत, राजन विचारे, विशाखा राऊत उपस्थित रहाणार आहेत. त्यासाठी ठाकरे गटाकडून मोठी तयारी करण्यात आली आहे.
मुंबई - बृहन्मुंबई महानगरपालिकेच्या पुढाकाराने आणि स्टेट बँक ऑफ इंडियाच्या सहकार्याने आयोजित 'फिट मुंबई बीएमसी एसबीआय अर्ध मॅरेथॉन प्रोमो रनचा शुभारंभ पहाटे ६ वाजता होणार आहे. बृहन्मुंबई महानगरपालिकेच्या प्रवेशद्वार क्रमांक ३ नजीक असणाऱ्या सेल्फी पॉईंट येथून 'मॅरेथॉन प्रोमो रन'चा शुभारंभ महानगरपालिका आयुक्त तथा प्रशासक डॉक्टर इक्बाल सिंह चहल यांच्या शुभहस्ते होणार आहे... या शुभारंभ कार्यक्रमाला बृहन्मुंबई महानगरपालिका, स्टेट बँक ऑफ इंडिया, मुंबई पोलीस दल आणि विविध संस्थांचे वरिष्ठ अधिकारी व मान्यवर यांची उपस्थिती असणार आहे - सत्यम सिंह
पुणे
- शरद पवार आणि महाराष्ट्र या ग्रंथ मालिकेतील पहिल्या भागाचे विचारवंत डॉ. आं. ह. साळुंखे यांच्या हस्ते प्रकाशन होणार आहे.
गडचिरोली
- शिवगर्जना अभियानासाठी शिवसेना नेते चंद्रकांत खैरे पुढील दोन दिवस गडचिरोली दौऱ्यावर आहेत. शिवसेना ठाकरे गटाचे नेते चंद्रकांत खैरे हे आज दुपारी 1 वाजता कुरखेडा येथे शिवसैनिकांच्या मेळाव्यास मार्गदर्शन करणार आहेत. त्यानंतर सायंकाळी गडचिरोली येथे पदाधिकारी बैठकीत मार्गदर्शन करतील.
Pune Bypoll : पुणे पोटनिवडणूक: कसबा पोटनिवडणुकीसाठी 50.6 टक्के मतदान झाले आहे.
Pune Bypoll : पुणे पोटनिवडणूक: कसबा पोटनिवडणुकीसाठी 50.6 टक्के मतदान झाले आहे.
Manish Sisodia : दिल्लीचे उपमुख्यमंत्री मनिष सिसोदिया मद्य घोटाळा प्रकरणी अटक; सीबीआयने केली कारवाई
वन्यजीव प्राण्यांच्या अवयवाची तस्करी प्रकरणी गोंदियातून पाच जण ताब्यात
वन्यजीव प्राण्यांच्या अवशेसाच्या तस्करी प्रकरणी पाच जणांना वन विभाग आणि पोलिसांनी ताब्यात घेतले आहे. चिचगड वन विभाग व चिचगड पोलिसांनी ही कारवाई केली आहे.
गोंदिया जिल्ह्यातील देवरी तालुका अंतर्गत येत असलेल्या पालांदूर येथे वन्य प्राण्यांच्या वशेषाची तस्करी होत असल्याची माहिती वनविभागाला मिळाली होती. या माहितीनंतर कारवाई करून वन विभाग व पोलिस विभागाच्या वतीने पाच आरोपींना ताब्यात घेतले आहे. ताब्यात घेतलेल्या आरोपींकडून जीवंत मोर, वन्य प्राण्यांचे अवशेष आणि 20 ते 21 लाख रूपयांची रोकड जप्त केली आहे.
Maharashtra News : भारत राष्ट्र किसान समितीच्या महाराष्ट्र अध्यक्षपदी माणिक कदम यांची नियुक्ती
Nanded News : भारत राष्ट्र किसान समितीच्या महाराष्ट्र अध्यक्षपदी माणिक कदम यांची नियुक्ती करण्यात आली आहे. तेलंगणाचे मुख्यमंत्री के चंद्रशेखर राव यांच्या स्वाक्षरीनिशी माणिक कदम यांना आज नियुक्तीपत्र प्रदान करण्यात आले. माणिक कदम हे गेल्या 25 वर्षांपासून शेतकऱ्यांशी संबंधित कार्यात आहेत. महाराष्ट्रातील शेतकऱ्यांचे नेते शरद जोशी तसेच राजू शेट्टी यांच्या समवेत त्यांनी शेतकरी आंदोलनात सहभाग घेतला होता. 2014 पासून माणिक कदम यांनी 'मी शेतकरी , आत्महत्या करणार नाही ' हा उपक्रम राबविला. तसेच शेकडो आत्महत्याग्रस्त शेतकऱ्यांच्या कुटुंबीयांची भेट घेऊन त्यांनी आत्महत्येपासून शेतकऱ्यांना परावृत्त करण्यासाठी कार्य केले आहे.
Maharashtra Politics : विरोधकांचा अधिवेशनाच्या पूर्वसंध्येच्या चहापानावर बहिष्कार ; अजित पवार यांची पत्रकार परिषदेत माहिती
Maharashtra Politics : विरोधकांचा अधिवेशनाच्या पूर्वसंध्येच्या चहापानावर बहिष्कार असल्याची माहिती विरोधी पक्षनेते अजित पवार यांनी पत्रकार परिषदेत दिली.
महत्त्वाच्या बातम्या
ट्रेंडिंग न्यूज
