Hyundai Creta Facelift : आगामी Hyundai Creta Facelift आता अधिक सुरक्षित असणार; लेव्हल-2 ADAS मिळणार
2024 Hyundai Creta : 2024 च्या सुरुवातीला लॉन्च होणारी, क्रेटा फेसलिफ्ट मारुती ग्रँड विटारा, टोयोटा हायरायडर, नवीन किया सेल्टोस, नवीन होंडा एलिव्हेट, स्कोडा कुशाक आणि एमजी एस्टर यांसारख्या कारशी स्पर्धा करणार आहे.
2024 Hyundai Creta : Hyundai Creta ही सध्या भारतात सर्वाधिक विकली जाणारी मध्यम आकाराची SUV आहे. या कारची दर महिन्याला प्रचंड विक्री होते. 2024 च्या सुरुवातीला कारमध्ये फेसलिफ्ट अपडेट मिळणार आहे. यामध्ये अनेक एक्सटीरियर आणि इंटीरियर अपडेट्स पाहायला मिळतील. आता एक डिजिटल रेंडरिंग तयार केले गेले आहे जे 2024 क्रेटाच्या नवीन फ्रंट डिझाइनवर एक नजर टाकते.
2024 ह्युंदाई क्रेटा फेसलिफ्ट रेंडर
या कारच्या डिझाईनबद्दल बोलायचे झाल्यास, 2024 Hyundai Creta पूर्णपणे नवीन मॉडेल करण्यात आली आहे. त्याच्या हेडलॅम्प डिझाईनमधील बदलांसह, नवीन एलईडी डीआरएल आणि मागील टर्न इंडिकेटर आणि टेल लॅम्प आहेत. यात नवीन फ्रंट ग्रिल, अपडेटेड पुढील आणि मागील बंपर आणि नवीन डिझाइन केलेले टेलगेट आहे.
फीचर अपडेट
फीचर अपडेट्समध्ये नवीन अलॉय व्हील्स, ब्लॅक आउट एलिमेंट्स जसे की, ORVM आणि शार्क फिन अँटेना तसेच रूफ रेल आणि स्किड प्लेट्स आणि स्पोर्टियर अपील यांचा समावेश आहे. याशिवाय त्यात नवीन फ्रंट पार्किंग सेन्सरही बसविण्यात आले आहेत. 2024 क्रेटा फेसलिफ्टमध्ये 5 प्रौढांसाठी बसण्यासाठी पुरेशी जागा असेल. त्याची इतर सर्व वैशिष्ट्ये Kia Seltos फेसलिफ्ट सारखीच असतील, ज्यामध्ये नवीन ड्युअल टोन अपहोल्स्ट्री, समायोज्य हेडरेस्टसह आसन, हवेशीर जागा, साईड एसी व्हेंट्स, कनेक्टेड स्क्रीन आणि ड्राईव्ह मोडसह डिजिटल इन्स्ट्रुमेंट क्लस्टर यांचा समावेश आहे. सुरक्षा वैशिष्ट्ये म्हणून, यात एकूण 6 एअरबॅग्ज, 360 डिग्री पार्किंग कॅमेरा, ट्रॅक्शन कंट्रोल, ABS, EBD आणि ESP मिळतील. याशिवाय, यात Advanced Driver Assistance System (ADAS)- लेव्हल 2 सह 17 स्वायत्त वैशिष्ट्ये देखील मिळतील.
2024 Hyundai Creta ADAS सुरक्षा वैशिष्ट्ये कोणती?
सुरक्षेसाठी, यात ब्लाइंड स्पॉट कोलिजन वॉर्निंग, ब्लाइंड स्पॉट कोलिजन अवॉयडन्स असिस्ट, अवॉयडन्स असिस्टसह फॉरवर्ड कोलिजन अलर्ट, लेन डिपार्चर वॉर्निंग, लेन कीप असिस्ट, लेन फॉलो असिस्ट, स्मार्ट क्रूझ कंट्रोल, फ्रंट व्हेइकल डिपार्चर वॉर्निंग, अॅलर्ट अलर्ट यांचा समावेश आहे. असिस्ट, रियर क्रॉस ट्रॅफिक अलर्ट यांसारखी वैशिष्ट्ये उपलब्ध असतील.
इंजिन कसे असेल?
Hyundai Creta फेसलिफ्टमध्ये 1.5 लिटर NA पेट्रोल इंजिन वापरले जाईल. जे 115 hp पॉवर आणि 143.8 Nm टॉर्क जनरेट करते आणि 6 स्पीड मॅन्युअल आणि इंटेलिजेंट व्हेरिएबल ट्रान्समिशन (IVT) चा पर्याय आहे. त्याचबरोबर, 1.5 लिटर डिझेल इंजिन देखील उपलब्ध असेल, जे 116 HP पॉवर आणि 250 Nm टॉर्क जनरेट करते. आता यात नवीन 1.5 लीटर टर्बो पेट्रोल इंजिनचा पर्याय मिळेल, तो 6 स्पीड iMT आणि 7DCT सह 160 hp पॉवर आणि 253 Nm टॉर्क जनरेट करेल.
'या' कारला देणार टक्कर
2024 च्या सुरुवातीला लॉन्च होणारी, क्रेटा फेसलिफ्ट मारुती ग्रँड विटारा, टोयोटा हायरायडर, नवीन किया सेल्टोस, नवीन होंडा एलिव्हेट, स्कोडा कुशाक आणि एमजी एस्टर या कारला टक्कर देणार आहे.
महत्त्वाच्या बातम्या :
महत्त्वाच्या बातम्या
ट्रेंडिंग न्यूज
