Siddharth Jadhav : तू चाल पुढं...! मुंबईत भर पावसात कर्तव्य बजावणाऱ्या पोलिसांना सिद्धार्थचा सल्युट; सेल्फी काढत शेअर केला व्हिडीओ
Siddharth Jadhav : मुंबईत भर पावसात त्यांचं कर्तव्य बजावणाऱ्या पोलिसांना अभिनेता सिद्धार्थ जाधवने सल्युट केलं आहे.
Siddharth Jadhav : अनेक महिन्यांपासून मुंबईकर वाट पाहत असलेला पाऊस आज अखेर कोसळला. पण मुसळधार पावसामुळे दरवर्षीप्रमाणे मुंबई ठप्प झाली. या मुसळधार पावसातही मुंबई पोलीस त्यांचं कर्तव्य बजावताना दिसले. याच मुंबई पोलिसांना अभिनेता सिद्धार्थ जाधव (Siddharth Jadhav) याने सल्युट केलाय. मुसळधार पावसामुळे मुंबईकरांचे बरेच हाल झालेत.
बऱ्याच रस्त्यांवर पाणी साचलं, रेल्वे रुळावर पाणी साचलं त्यामुळे चाकरमान्यांचे हाल झाले. मुंबईतल्या मुसळधार पावसातही मुंबई पोलीस मात्र त्यांच्या ड्युटीवर होते. याच ऑन ड्युटी पोलिसांसोबत सिद्धार्थने वेळ घालवला. मुंबईतील गिरगांव चौपाटीवरील सिद्धार्थचा हा व्हिडीओ सध्या सोशल मीडियावर व्हायरल होत आहे.
सिद्धार्थने पोलिसांसोबत शेअर केला सेल्फी
सिद्धार्थने पोलिसांसोबतचा एक फोटो देखील शेअर केला आहे. सिद्धार्थने पोलिसांसोबत सेल्फी घेतला. त्याने हा फोटो त्याच्या इन्स्टाग्राम स्टोरीवर शेअर करत त्याला सिंबाचं टायचल सॉन्ग लावलं आहे. त्याचप्रमाणे त्याला त्याने हॅशटॅगमध्ये मुंबई पोलीस, सल्युट, ऑन ड्युटी सिंबा हे वापरलं आहे.
View this post on Instagram
मेहनतीच्या जोरावर गाठला यशाचा टप्पा
सिद्धार्थ जाधव मराठी मनोरंजनसृष्टीतील सुपरस्टार आहे. आजवर त्याने अनेक सुपरहिट सिनेमांत काम केलं आहे. हिंदी मनोरंजनसृष्टीतही आघाडीच्या बॉलिवूड कलाकारांसोबत त्याने काम केलं आहे. आता इंग्लिश चित्रपटाच्या माध्यमातून प्रेक्षकांचं मनोरंजन करण्यासाठी तो सज्ज आहे. कॉलेजमध्ये असताना एकांकिका करत त्याने अभिनयक्षेत्रात पाऊल ठेवलं. रंग, रुप या गोष्टींकडे दुर्लक्ष करत केवळ अभिनयाच्या जोरावर त्याने यशाचा टप्पा गाठला आहे. सिद्धार्थच्या आगामी सिनेमांची प्रेक्षकांना आता उत्सुकता आहे. सिद्धार्थचा 'लग्न कल्लोळ' हा सिनेमा काही दिवसांपूर्वी प्रेक्षकांच्या भेटीला आला होता. बॉक्स ऑफिसवर या सिनेमाने चांगलीच कमाई केली.
ही बातमी वाचा :
महत्त्वाच्या बातम्या
