Dhurandhar 2: धुरंधर 2 च्या ट्रेलरचा धुरळा! अख्खं बॉलिवूड हैराण, ऋतिकसह अनेकांनी पटापट केल्या कमेंटस

आता बॉक्स ऑफिसवर धुरंधर : द रिवेंज किती कोटींचा विक्रम करतो याकडे सर्वांचे लक्ष लागले आहे.

Dhurandhar 2

Source : ABPLIVE AI

Dhurandhar 2: आदित्य धर दिग्दर्शित बहुचर्चित चित्रपट धुरंधरचा दुसरा भाग आता प्रेक्षकांच्या भेटीला येणार आहे. शनिवारी ( 7 मार्च ) धुरंधर 2 चा ट्रेलर रिलीज करण्यात आला. या ट्रेलरने सोशल मीडियावर अक्षरशः धुमाकूळ घातलाय. ट्रेलर पाहिल्यानंतर प्रेक्षकांसोबतच अनेक बॉलीवूड सेलिब्रेटी थक्क झाले आहेत. सगळ्यांचीच उत्सुकता ताणली गेली आहे. अनेक सेलिब्रिटींनी 'धुरंदर 2 ' च्या ट्रेलरवर कमेंट करत या सिनेमाला प्रचंड सपोर्ट केला आहे. (Dhurandhar 2 Trailer)

धुरंधर 2 चा ट्रेलर पाहून बॉलिवूडची झोप उडाली

'धुरंधर : द रिवेंज' चित्रपटाचा ट्रेलरने अनेकांची झोप उडवली आहे. दिग्दर्शक आदित्य धर याने कथानक पूर्ण उघड न करता चित्रपटाची झलक ज्या पद्धतीने दाखवली आहे त्याचा अनेकांकडून कौतुक होतंय. ट्रेलर पाहिल्यानंतर आलिया भट, करण जोहर, अनिल कपूर, ऋतिक रोशनसह अर्जुन कपूर सारख्या कलाकारांनी सोशल मीडियावर प्रतिक्रिया देत या ट्रेलरचं कौतुक केलं आहे.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Ranveer Singh (@ranveersingh)

ट्रेलर पाहिल्यानंतर आलिया भटने आपल्या instagram स्टोरीवर ट्रेलरची झलक शेअर करत ' beast mode on...हा ट्रेलर कंट्रोलच्या बाहेर जातोय ' असं लिहिलं. तर करण जोहरने रणवीर सिंह आणि आदित्य धर यांच्या कामाची प्रशंसा केली. तो म्हणाला 'बाप रे ! बाप हा शब्दच योग्य आहे ..एक जबरदस्त जगरनट येतोय ..असं म्हणत ट्रेलरची स्तुती केली.

चित्रपट दिग्दर्शक राम गोपाल वर्मा यांनीही त्यांच्या x अकाउंट वर प्रतिक्रिया देत 'धुरंधर : द रीवेंज ' चित्रपटाचा ट्रेलर खूपच उच्च दर्जाचा असल्याचा म्हटलं आहे. दरम्यान धुरंधरचा पहिल्या भागात अक्षय खन्नाने साकारलेल्या रहमान डकैत या भूमिकेने प्रेक्षकांना अक्षरशः वेड लावलं होतं. त्यामुळे काही प्रमाणात रणवीरचा रोल मागे पडल्याची चर्चा झाली होती.

मात्र धुरंधर 2 चा ट्रेलर वरून यावेळी मोठ्या पडद्यावर रणवीर सिंहाचा दबदबा पाहायला मिळणार असल्याचे स्पष्ट दिसत आहे. धुरंधर : द रिवेंज हा चित्रपट 19 मार्च रोजी चित्रपटगृहांमध्ये प्रदर्शित होणार आहे. विशेष म्हणजे या चित्रपटाचा 18 मार्चला पेड प्रिव्हदेखील ठेवण्यात आला असून त्यालाही प्रेक्षकांचा उत्स्फूर्त प्रतिसाद मिळत आहे. आता बॉक्स ऑफिसवर धुरंधर : द रिवेंज किती कोटींचा विक्रम करतो याकडे सर्वांचे लक्ष लागले आहे.