Farhan-Shibani Wedding : फरहान-शिबानीच्या लग्नात रिया चक्रवर्तीचे ठुमके, ‘मेहंदी लगाके रखना’वर धरला ठेका!
Farhan-Shibani Wedding : फरहान आणि शिबानीच्या लग्नाची चाहते आतुरतेने वाट पाहत होते. बॉलिवूडमध्ये सध्या लग्नाचा हंगाम सुरू आहे. अनेक सेलिब्रिटींनी लग्नगाठ बांधली आणि आता फरहान-शिबानीदेखील लग्नबंधनात अडकणार आहेत.
Farhan-Shibani Wedding : बॉलिवूड अभिनेता फरहान अख्तर (Farhan Akhtar) आणि शिबानी दांडेकर (Shibani Dandekar) लग्नाच्या बेडीत अडकणार आहेत. दोघेही 21 फेब्रुवारीला लग्न करणार आहेत. फरहान आणि शिबानीच्या लग्नाची प्री-वेडिंग फंक्शन्स सुरू झाली आहेत. फरहान आणि शिबानीच्या मेहंदी फंक्शनला त्यांच्या खास मैत्रिणी रिया चक्रवर्ती (Rhea Chakraborty), अनुषा दांडेकर (Anusha Dandekar) आणि अपेक्षा दांडेकर उपस्थित होत्या. या कार्यक्रमात त्यांनी धमाल डान्स केला, ज्याचा व्हिडीओ सोशल मीडियावर चांगलाच व्हायरल होत आहे.
फरहान आणि शिबानीच्या लग्नाची चाहते आतुरतेने वाट पाहत होते. बॉलिवूडमध्ये सध्या लग्नाचा हंगाम सुरू आहे. अनेक सेलिब्रिटींनी लग्नगाठ बांधली आणि आता फरहान-शिबानीदेखील लग्नबंधनात अडकणार आहेत. खुद्द जावेद अख्तर यांनी फरहान आणि शिबानीच्या लग्नाची पुष्टी केली आहे.
डान्स व्हिडीओ झाला व्हायरल!
अनुषा, अपेक्षा आणि रिया चक्रवर्ती, फरहान आणि शिबानीच्या कार्यक्रमात ‘दिलवाले दुल्हनिया ले जायेंगे’मधील ‘मेहंदी लगा के रखना’ या आयकॉनिक गाण्यावर नाचताना दिसल्या आहेत. रियाच्या डान्सचा हा व्हिडीओ सोशल मीडियावर चांगलाच व्हायरल होत आहे. हा कार्यक्रम फरहानच्या मुंबईतील घरी पार पडला. या कार्यक्रमाला शबाना आझमी, अमृता अरोरा यांच्यासह अनेक सेलिब्रिटींनी हजेरी लावली होती.
फरहानने अलीकडेच त्याच्या बॅचलर पार्टीचा फोटो सोशल मीडियावर शेअर केला आहे. ज्यामध्ये फरहान त्याच्या मित्रांसोबत पोज देताना दिसला होता. या फोटोत फरहान आणि शिबानीच्या चेहऱ्याचा कट-आउटही दिसत होता. फोटोंमध्ये फरहानचे खास मित्र रितेश सिधवानी आणि शकीलही हजर होते.
जावेद अख्तरने एका मुलाखतीत सांगितले होते की, फरहान आणि शिबानी लग्न करणार आहेत. लग्नाच्या तयारीवर वेडिंग प्लानर्स लक्ष ठेवून आहेत. हा एक मोठा सोहळा असणार आहे. कोरोनाची परिस्थिती लक्षात घेता, हा विवाह सोहळा थोडक्यात होणार आहे. या लग्नाला मोजकेच लोक येणार आहेत.
हेही वाचा :
- Shibani Dandekar : कोण आहे फरहान अख्तरची होणारी पत्नी शिबानी दांडेकर? क्रिकेटसोबत आहे खास कनेक्शन
- Farhan Shibani Wedding: ना लग्न ना निकाह, ‘या’ खास पद्धतीने फरहान-शिबानी बांधणार साताजन्माची गाठ!
- रिअॅलिटी शोमध्ये झाली नजरानजर, मग झाली सहमती, अशी सुरू झाली फरहान आणि शिबानीची प्रेमकहाणी
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
