Sania Mirza : सानिया मिर्झा अभिनयक्षेत्रात पदार्पण करणार? म्हणाली,"शाहरुख आणि अक्षय..."
Sania Mirza in The Great Indian Kapil Show : 'द ग्रेट इंडियन कपिल शर्मा'च्या लेटेस्ट एपिसोडमध्ये सानिया मिर्झा सहभागी झाली होती. दरम्यान सानियाने अभिनयक्षेत्रात काम करण्याची इच्छा व्यक्त केली आहे.
Sania Mirza in The Great Indian Kapil Show : 'द ग्रेट इंडियन कपिल शर्मा' (The Great Indian Kapil Show) या लोकप्रिय कार्यक्रमात टेनिसपटू सानिया मिर्झा (Sania Mirza) सहभागी झाली होती. सानिया मिर्झासह बॉक्सर मेरी कॉम, बॅडमिंटनपटू सायना नेहवाल आणि शार्पशूटर सिफ्त कौर ही मंडळी सहभागी झाली होती. दरम्यान सानिया मिर्झाने आपल्या बायोपिकबद्दल भाष्य केलं. कपिल शर्माने सानिया मिर्झाला तिच्या बायोपिकबद्दल प्रश्न विचारला की,"मेरी कॉम'च्या बायोपिकमध्ये प्रियंका चोप्राने (Priyanka Chopra) काम केलं आहे. परिणीती चोप्राने सायना नेहवालच्या भूमिकेला न्याय दिला होता. तर तुझ्या बायोपिकमध्ये तुला कोणाला पाहायला आवडेल?".
कपिल शर्माच्या प्रश्नाचं मजेशीर अंदाजात उत्तर देत सानिया मिर्झा म्हणाली की, आपल्या देशात अनेक चांगले कलाकार आहेत. कोणीही काम केलं तरी चालेल. किंवा मी स्वत:देखील अभिनय करू शकते".
सानिया लव्हस्टोरीवर काय म्हणाली?
कपिल शर्मा पुढे म्हणाला की,शाहरुख खान एकदा म्हणाला होता की सानिया मिर्झावर बायोपिक आला तर तिच्या लव्हस्टोरीवर काम करायला मला आवडेल". कपिलच्या या कमेंटनंतर सानिया मिर्झा शांत होते आणि म्हणते,"मला लव्हस्टोरीचा शोध घ्यावा लागेल".
View this post on Instagram
अक्षय कुमारवर सानिया मिर्झा काय म्हणाली?
कपिल शर्माने पुढे सानियाला विचारलं की,"तुझ्या बायोपिकमध्ये शाहरुख काम करत असेल तर त्याच्या अपोझिट अभिनय करायला तुला आवडेल का?". या प्रश्नाचं उत्तर देत सानिया मिर्झा म्हणाली की,"शाहरुख खान (Shah Rukh Khan) जर चित्रपटात काम करत असेल तर मला त्याच्यासोबत अभिनय करायला आवडेल. जर अक्षय कुमार (Akshay Kumar) चित्रपटात झळकणार असेल तर नक्की काम करेल".
शोएब मलिक आणि सना जावेद 19 जानेवारी 2024 रोजी लग्नबंधनात अडकले. सोशल मीडियाच्या माध्यमातून त्यांनी चाहत्यांना लग्नाची माहिती दिली. त्यानंतर सानिया मिर्झाने कन्फर्म केलं की काही महिन्यांपूर्वी शोएबपाहून ती विभक्त झाली आहे. सानिया मिर्झा आपल्या वैयक्तिक आयुष्यामुळे अनेकदा चर्चेत असते.
संबंधित बातम्या
Bollywood : 500 रुपये होती महिन्याची कमाई, आता एका एपिसोडचे घेतो कोट्यवधी रुपये; TV स्टार आज आहे 'कॉमेडी किंग'; ओळखलं का?
महत्त्वाच्या बातम्या
ट्रेंडिंग न्यूज
