Telly Masala : बिकीनीवरुन ट्रोल करणाऱ्यांना प्रिया बापटचं सडेतोड उत्तर ते अमृता-प्रसादच्या लग्नविधींना सुरुवात; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Nana Patekar : नाना पाटेकरांनी चाहत्याची कानशीलं सुजवली? व्हायरल व्हिडीओवर VIDEO शेअर करत दिलं स्पष्टीकरण

Nana Patekar : अभिनेते नाना पाटेकर (Nana Patekar) चाहत्याच्या कानाखाली वाजवल्याप्रकरणी चर्चेत आहेत. चाहत्याच्या कानाखाली वाजवतानाचा नानांचा व्हिडीओ सध्या सोशल मीडियावर व्हायरल होत आहे. पण आता या व्हिडीओमध्ये घडलेली घटना ही शूटिंगचा भाग असल्याचं म्हणत नानांनी एक व्हिडीओ शेअर करत स्पष्टीकरण दिलं आहे.

Amruta Deshmukh Prasad Jawade : नवरी सजली! अमृता देशमुख-प्रसाद जवादेच्या लग्नविधींनी सुरुवात; ग्रहमखासाठी पुण्याच्या टॉकरवडीने नेसली नऊवारी साडी

Amruta Deshmukh Prasad Jawade : अमृता देशमुख आणि प्रसाद जवादे यांच्या लग्नविधींनी आता सुरुवात झाली आहे. अभिनेत्री अमृता देशमुख आणि प्रसाद जवादे गेल्या काही दिवसांपासून लग्नामुळे चर्चेत आहेत.अमृता आणि प्रसाद येत्या 18 नोव्हेंबरला लग्नबंधनात अडकणार आहेत.

Madhuri Dixit : अभिनेत्री माधुरी दीक्षित भाजपकडून निवडणूक लढवण्याच्या चर्चा; चर्चेचं BJP कडून खंडन

Madhuri Dixit : अभिनेत्री माधुरी दीक्षित (Madhuri Dixit) सध्या चर्चेत आहेत. माधुरी दीक्षित-नेने आता लवकरच भाजपकडून (BJP) निवडणूक (Lok Sabha Election 2024) लढवणार असल्याची चर्चा पुन्हा सुरू झाल्या आहेत. मात्र सध्या अशी कोणतीच चर्चा भाजपमध्ये सुरु नसल्याची माहिती भाजपच्या वरिष्ठ नेत्याने एबीपी माझाला दिली आहे. 

Priya Bapat : ...म्हणून मी बिकिनी घालते, उमेश कामतसमोर बिनधास्त प्रिया बापटची बोल्ड उत्तरं

Priya Bapat : मराठी मनोरंजनसृष्टीतील सेलिब्रिटी हे चाहत्यांना त्यांच्या कुटुंबातील सदस्य वाटत असतात. या सेलिब्रिटींची एखादी कृती चाहत्यांना खटकते आणि त्यानंतर त्यांना प्रचंड ट्रोल करण्यात येतं. काही दिवसांपूर्वी अभिनेत्री प्रिया बापट (Priya Bapat) ऑस्ट्रेलियाला फिरायला गेली होती. त्यावेळी तिने बिकिनीतील फोटो शेअर केले होते. हे फोटो शेअर केल्यानंतर काही चाहत्यांनी अभिनेत्रीच्या धाडसाचं कौतुक केलं. तर दुसरीकडे मात्र काहींनी तिला चांगलं ट्रोल केलं. पण त्यावेळी या चाहत्यांना अभिनेत्रीने काहीही उत्तर दिलं नाही. आता नुकत्याच एका मुलाखतीत अभिनेत्रीने याप्रकरणावर तिचं मत मांडलं आहे.

Namrata Sambherao : 'महाराष्ट्राची हास्यजत्रा'च्या माध्यमातून प्रेक्षकांना खळखळून हसवणारी नम्रता संभेराव! जाणून घ्या 'लॉली'बद्दल...

Namrata Sambherao : 'महाराष्ट्राची हास्यजत्रा' (Maharashtrachi Hasyajatra) या विनोदी कार्यक्रमाच्या माध्यमातून घराघरांत पोहोचलेली अभिनेत्री म्हणजे नम्रता संभेराव (Namrata Sambherao) होय. नम्रताने आपला अभिनय आणि विनोदाच्या टायमिंगच्या जोरावर स्वत:ला सिद्ध केलं आहे. आपल्या हावभावांनी ती प्रेक्षकांना हसवत असते.