Flamingos परतीचा प्रवास... 5 महिन्यानंतर सोलापुरातून मायदेशी परतणार फ्लेमिंगो; निसर्गाची मनमोहक सुंदरता

Flamingos माणसांसाठी निसर्गाने भरभरुन दिलंय, म्हणून पर्यटनाच्या अनुषंगाने माणूस जगभ्रमंती करतो. निसर्ग सौंदर्य, आणि मानवनिर्मित ठिकाण, धार्मिक पर्यटन करतो.

Temp_3_(21)

माणसांसाठी निसर्गाने भरभरुन दिलंय, म्हणून पर्यटनाच्या अनुषंगाने माणूस जगभ्रमंती करतो. निसर्ग सौंदर्य, आणि मानवनिर्मित ठिकाण, धार्मिक पर्यटन करतो.

मानवाप्रमाणे प्राणी, पक्षांसाठीही निसर्गाने पर्यटनाची सोय केलीय असे म्हटलं तर वावगं ठरणार नाही. हिवाळ्यात आणि वसंत ऋतूच्या सुरुवातीला विदेशातून सातासमुद्रपार प्रवास करत फ्लेमिंगो भारतात, महाराष्ट्रात येतात.

पंछी, नदीया, पवन के झोंके, कोई सरहद ना इन्हे रोके... ह्या गाण्यातील बोल त्यांच्यासाठी लिहिले की काय असे वाटते.

कारण, हे फ्लेमिंगो पक्षी आफ्रिका, यूरोप, आशिया, इराण आणि पाकिस्तानच्या काही भागांसह विविध प्रदेशांमधून स्थलांतर करत ते इथं येतात.

उजनी धरणाच्या बॅक वॉटरमध्ये भीम नदीत साता समुद्रापार आलेल्या फ्लेमिंगो पक्षांकडे पाहून निसर्गाने बनवलेल्या सुंदर सृष्टीला पाहून आनंद होतो.

या फ्लेमिंगोची उंची साधारण 90 ते 150 सेमी (3 ते 5 फूट) एवढी असते. गुलाबी किंवा लालसर रंग, लांब पाय, जाड खाली वळलेली चोच, मोठे पंख आणि लहान शेपटी अतिशय सुंदर दिसते.

उजनी धरणाच्या पाण्यावर तरंगणारे हे फ्लेमिंगो पाहून जणू जादुई प्रवास करतात की काय, जादुई आनंद घेतात की काय असा भास होतो.

आता, हे फ्लेमिंगो परतीच्या प्रवासाला निघाले असून या पक्षांचे उड्डाण हे कमी अंतरावर साधारण 35 मैल प्रति तास वेगाने असते, ते एका तासात तब्बल 35 मैल प्रवास करतात