PHOTO : विठ्ठल रुक्मिणी मंदिर रंगीबेरंगी फुलाने सजले, परिसर सुगंध आणि भक्तिभावाने उजळला

लक्ष्मीपूजनानिमित्त विठ्ठल मंदिराला आकर्षक फुल सजावट करण्यात आली आहे. सायंकाळी देवाच्या खजिन्यात लक्ष्मीपूजन करण्यात येणार आहे.

Pandharpur Photo

दिवाळी लक्ष्मीपूजनाच्या निमित्ताने पंढरपुरमधील विठ्ठल मंदिरात आकर्षक सजावट करण्यात आली आहे.

विठ्ठल रुक्मिणी मंदिरात बीड येथील भाविक अर्जुन हनुमान पिंगळे फुल सजावटीची सेवा अर्पण केली.

या सजावटीसाठी सुमारे दोन टन विविध प्रकारची ताजी फुले वापरण्यात आली आहेत. या फुलांमध्ये कोंडा, शेवंती, अष्टर, गुलाब, ऑर्किड, अँथोनीयम, जिप्स, सायकस, गुलछडी, इत्यादी फुलांचा समावेश आहे.

त्यामुळे श्री विठ्ठल-रुक्मिणी मंदिराचा परिसर रंग, सुगंध आणि भक्तीभावाने उजळून निघाला आहे.

मंदिरातील श्री.विठ्ठल चौखांबी, सोळ खांबी परिसर, रुक्मिणी मातेचे मंदिर, तसेच प्रवेशद्वार या सर्व भागात कलात्मक डेकोरेशन करण्यात आले आहे.

पारंपरिक आणि आधुनिक फुलांच्या रचना यांचा सुंदर संगम भाविकांना एक अद्भुत दृश्यानुभूती देत आहे.

या सजावटीचे वैशिष्ट्य म्हणजे नैसर्गिक फुलांचा अत्यंत कुशलतेने केलेला वापर, रंगसंगतीतील समतोल, तसेच विठ्ठल-रुक्मिणीच्या मंदिराच्या आध्यात्मिकतेला साजेसा सुगंधित वातावरणनिर्मिती झाली आहे.