Lalbaugcha Raja 2022 : 250 तोळे सोनं आणि 2900 तोळे चांदी, लालबागच्या राजाच्या चरणी पाच दिवसात भक्तांचं भरभरुन दान
दोन वर्षाच्या खंडानंतर लालबागच्या राजाच्या दर्शनला जाणाऱ्याची संख्या अधिक आहे.पाच दिवसांत लाखो गणेशभक्तांनी लालबागच्या राजाचं दर्शन घेतलं. अजूनही लालबाग राजाच्या दर्शनाला मोठी गर्दी आहे.
मुंबई : 'नवसाला पावणारा बाप्पा' अशी ख्याती असलेल्या मुंबईतील (Mumbai) 'लालबागच्या राजा' च्या (Lalbaugcha Raja) दर्शनाला देशभरातून भक्तांची रांग लागते. 'लालबागचा राजा'च्या चरणी भक्तांनी पाच दिवसात कोट्यवधींचं दान जमा केलं आहे. फक्त मुंबईच नव्हे तर अगदी परदेशी पाहुणेही 'लालबागचा राजा'चा थाट बघण्यासाठी गर्दी करतात. अवघ्या पाच दिवसात 'लालबागचा राजा'च्या चरणी अडीच कोटीचे दान जमा झालं आहे.
250 तोळे सोनं आणि 2900 तोळे चांदी राजाच्या दानपेटीत अर्पण
गेली दोन वर्ष कोरोनामुळे (Corona Virus) भक्तांना लालबागच्या राजाचं ऑनलाईन दर्शन (Online Darshan) घ्यावं लागलं होते. दोन वर्षाच्या खंडानंतर लालबागच्या राजाच्या दर्शनला जाणाऱ्याची संख्या अधिक आहे. पाच दिवसांत लाखो गणेशभक्तांनी लालबागच्या राजाचं दर्शन घेतलं. अजूनही लालबाग राजाच्या दर्शनाला मोठी गर्दी आहे. पाच दिवसात अडीच कोटी रुपये इतकं दान लालबागच्या राजाच्या दानपेटीत जमा झालंय. यामध्ये रोख रकमेसह नाण्यांचाही समावेश आहे. त्याचप्रमाणे मोठ्या प्रमाणात सोने, चांदी देखील भक्तांनी अर्पण केली आहे. जवळपास 250 तोळे सोनं आणि 2900 तोळे चांदीचं दान लालबागच्या राजाच्या दानपेटीत अर्पण करण्यात आलं असल्याची माहिती समोर आली आहे.
दरवर्षी लालबागचा राजाला किती देणगी जमा होते, याची माहिती मंडळाच्या वतीने दिली जाते. राजाच्या दानपेटीत किती देणगी जमा होते, याची आकडेवारी जाणून घेण्यासाठी लोकांमध्येही कुतूहल पाहायला मिळतं. घरातील गणपतींचे विसर्जन झाल्याने लालबागच्या राजाच्या दर्शनासाठी गर्दी वाढली आहे. सोने, चांदी, रोख रक्कम याशिवाय दानपेटीत चिठ्ठ्या टाकून भाविकांनी लालबागच्या राजाला आपल्या मनातल्या भावनाही कळवल्या जातात. मुंबईतल्या लालबागच्या राजाच्या (Lalbaugcha Raja) दानपेटीत गणेशभक्तांकडून जितकं सढळ हातानं दान करण्यात येतं, तितक्याच सहजतेनं काही भक्त आपलं मनही देवाकडे मोकळं करत असतात. ही भक्तमंडळी दरवर्षी लालबागच्या राजाला पत्र (Letter To Lalbaugcha Raja) लिहून गाऱ्हाणं मांडत असतात. केंद्रीय गृहमंत्री अमित शाह (Amit Shah) हे देखील काल लालबागच्या राजाच्या दर्शनाला गेले होते.
संबंधित बातम्या :
Lalbaugcha Raja 2022 : लालबागच्या राजाच्या चरणी एका आईचं भावूक पत्र, लालबागच्या राजाकडे काय मागितलं?
Before You Go
Shiv Sena PC On Pradeep Purnekar Case :एकनाथ शिंदेंवर चुकीचं बोलणारा नेता ठाण्यातून परत जाणार नाही, नरेश म्हस्केंची वॉर्निंग
महत्त्वाच्या बातम्या
