एक्स्प्लोर
कर्जमाफीवरुन अजित पवारांचा सेनेला टोला, विधीमंडळात हास्यकल्लोळ
आपल्या मिश्किल भाषणासाठी ओळखल्या जाणाऱ्या राष्ट्रवादीचे नेते अजित पवार यांनी विधानसभेत शेतकऱ्यांच्या कर्जमाफीवरुन शिवसेनेला चांगलाच टोला हाणला. शिवसेनेने विरोधकांशी हातमिळवणी करावी आणि शेतकऱ्यांच्या कर्जमाफीचा प्रस्ताव मंजूर करावा, असा प्रस्ताव अजितदादांनी सेनेपुढे ठेवला आणि विरोधकांच्या बाकांवर एकच हशा पिकला.
मुंबई : आपल्या मिश्किल भाषणासाठी ओळखल्या जाणाऱ्या राष्ट्रवादीचे नेते अजित पवार यांनी विधानसभेत शेतकऱ्यांच्या कर्जमाफीवरुन शिवसेनेला चांगलाच टोला हाणला. शिवसेनेने विरोधकांशी हातमिळवणी करावी आणि शेतकऱ्यांच्या कर्जमाफीचा प्रस्ताव मंजूर करावा, असा प्रस्ताव अजितदादांनी सेनेपुढे ठेवला आणि विरोधकांच्या बाकांवर एकच हशा पिकला. काँग्रेस, राष्ट्रवादी आणि शिवसेना मिळून 145 च्या मॅजिक फिगरचे गणित जमवू आणि शेतकऱ्यांना सरसकट थेट कर्जमाफी देऊ, अशी आकड्यांची मांडणी करतच अजित पवारांनी शिवसेनेला सरकार स्थापनेची ऑफर दिली. ते विधानसभेत कर्जमाफीवरील चर्चेदरम्यान बोलत होते. मुंबई महाराष्ट्राची आहे. मुंबई अडचणीत असते, तेव्हा महाराष्ट्र मदतीला धावतो. मग आता मुंबईने शेतकऱ्यांना मदत करावी, असं आवाहन अजित पवारांनी शिवसेनेसह मुंबई महापालिकेला केलं. शिवाय, शिवसेनेला खरंच शेतकाऱ्यांविषयी सहानुभूती असेल, तर पालिकेच्या 60 हजार कोटींच्या ठेवी शेतकऱ्यांच्या संपूर्ण कर्जमाफीसाठी द्याव्यात, असं आव्हान यावेळी अजित पवारांनी शिवसेनेला दिलं. अजित पवार यांनी याआधीही मुंबई महापालिकेच्या 60 हजार कोटी रुपयांच्या ठेवी शेतकऱ्यांच्या कर्जमाफीसाठी देण्याबाबत जाहीर आवाहन केलं होतं. मात्र, शिवसेनेकडून यासंदर्भात अद्याप कोणतीही प्रतिक्रिया आलेली नाही.
आणखी वाचा
महत्त्वाच्या बातम्या
राजकारण
भाजपचे राष्ट्रीय अध्यक्ष होताच नितीन नबीन यांचे पहिले निर्णय; विनोद तावडे, आशिष शेलारांवर मोठी जबाबदारी
निवडणूक
चंद्रपुरात काँग्रेस सर्वात मोठा पक्ष, पण त्यातही नगरसेवकांचे दोन गट; वादाचा फायदा घेण्यासाठी भाजप सरसावला
कोल्हापूर
लेबल महाराष्ट्राचे, दारू गोव्याची; कोल्हापुरात मोठा छापा, 40 लाखांची देशी दारू जप्त
भारत
तौरल इंडियाने वर्षभरात उत्पादनही सुरू केलं; दावोसमध्ये मुख्यमंत्री म्हणाले, मराठमोळ्या भरत गीतेंचा अभिमान
दीपक पळसुले, एबीपी माझाAssociate Producer cum Anchor
Opinion
