एसटी संप : राज्यभरात शेकडो कर्मचारी निलंबित, प्रवाशांचे हाल

पगारवाढीसह विविध मागण्यांसाठी एसटी कर्मचाऱ्यांनी हे आंदोलन सुरु केलं. अचानक काम बंद केल्याने सुट्टीवरुन घरी परतणाऱ्या प्रवाशांचे मोठे हाल झाले.

प्रातिनिधिक फोटो

धुळे: एसटी कर्मचाऱ्यांनी मध्यरात्रीपासून अचानक कामबंद आंदोलन सुरु केलं. पगारवाढीसह विविध मागण्यांसाठी एसटी कर्मचाऱ्यांचं हे आंदोलन आहे. अचानक काम बंद केल्याने सुट्टीवरुन घरी परतणाऱ्या प्रवाशांचे मोठे हाल झाले. अचानक काम बंद करणाऱ्या कर्मचाऱ्यांविरोधात एसटी प्रशासनाने कारवाईचा बडगा उगारला आहे. राज्यभरात शेकडो कर्मचाऱ्यांचं निलंबन करण्यात आलं. एकट्या बीड जिल्ह्यात 121 जणांना सेवेतून तडकाफडकी निलंबित करण्यात आलं. तर यवतमाळ जिल्ह्यातील एकूण नऊ आगारातील 46 कर्मचाऱ्यांवर निलंबनाची कारवाई करण्यात आली. दरम्यान, नाशिक आगारातील काही जणांचं निलंबन मागेही घेण्यात आलं. पण मोठ्या प्रमाणात कर्मचाऱ्यांवर निलंबनाची कारवाई करण्यात आली. संपामुळे एसटी महामंडळाचं 15 कोटींचं नुकसान संपामुळे एसटीचा सुमारे 15 कोटी रुपयांचा महसूल बुडाला आहे. दिवसभरात महाराष्ट्रातील 250 आगारातून सुमारे 30 टक्के बसेसच्या फेऱ्या सुटल्या, तर राज्यातील 25 आगार पूर्ण क्षमतेने चालू होते. राज्यातील 145 आगारांमध्ये काही प्रमाणात वाहतूक सुरु होती. तसेच राज्यातील 80 आगारातून दिवसभरात एकही बसची फेरी बाहेर पडली नाही. या संपाचे परिणाम मुख्यत्वे पश्चिम महाराष्ट्रातील कोल्हापूर, सातारा, सांगली, सोलापूर, पुणे, या जिल्ह्यात मोठया प्रमाणात जाणवले. तुलनेने मराठवाडा आणि विदर्भामध्ये 60 टक्के वाहतूक सुरु होती. संध्याकाळी चार वाजेपर्यंत होणाऱ्या 35 हजार 249 बस फेऱ्यांपैकी 10 हजार 397 फेऱ्या सुरळीत सुरु होत्या. मात्र रद्द झालेल्या फेऱ्यांमुळे प्रवाशांची मोठी तारांबळ झाली.

LIVE UPDATE

6.05 PM यवतमाळ : जिल्ह्यातील एकूण नऊ आगारातील 46 कर्मचाऱ्यांवर निलंबनाची कारवाई

• वणी आगार : 5 चालक, 3 वाहक, एक वाहन परीक्षक
• पुसद आगार : 1 चालक , 7 वाहक
• पांढरकवडा आगार : 13 चालक, 13 वाहक
• नेर आगार : 1 चालक ,1 वाहक
• एकूण : 45 जणांवर कारवाई

6.00 PM बीड : अंबाजोगाई आगारातील वाहतूक नियंत्रक, लिपीक,  वाहक आणि चालक अशा 14 जणांवर निलंबनाची कारवाई करण्यात, यात सहा चालक सहा वाहक आणि दोन लिपिकांचा समावेश आहे 4.02PM बीड जिल्ह्यात किमान 30 एसटी कर्मचाऱ्यांवर कारवाई होणार 4.00PM नांदेड : कंधार आगारातील पाच एसटी कर्मचारी निलंबित 3.48PM मुंबई : परेल डेपोत संपकाळात एसटी बाहेर काढल्याने चालकाला मारहाण 2. 00 PM  एसटी कर्मचाऱ्यांचं आंदोलन मोडीत काढण्याचा प्रयत्न सुरु आहे. कारण मुंबई आणि उस्मानाबादमध्ये एसटी कर्मचाऱ्यांना ताब्यात घेण्यात आलंय. मुंबईतल्या परळमध्ये काही कर्मचार्यांना ताब्यात तर उस्मानाबादेत तिघांना अटक केल्याची माहिती आहे. परळ डेपोतून एसटी पोलिस बंदोबस्तात बाहेर काढताना ज्या कर्मचाऱ्यांनी एसटीला अडवलं, त्या कर्मचाऱ्यांना पोलिसांनी ताब्यात घेतलं आहे. तिकडे उस्मानाबादमध्ये एसटीच्या संपामध्ये सहभागी झालेल्या 3 एसटी कर्मचाऱ्यांना अटक करण्यात आल्याची माहिती मिळतीय. शिवाय उस्मानाबादमधील एसटी स्थानकात पोलिसांचा बंदोबस्तही वाढवण्यात आला आहे. नांदेड जिल्ह्यातील भोकर तालुक्यात एसटीच्या बंद दरम्यान एसटीची तोडफोड करण्यात आली. भोकर येथून नांदेडकडे निघालेल्या एसटीवर एका अज्ञात व्यक्तीने दगड मारुन काचा फोडल्याची घटना घडली. शिवाय हदगावकडे निघालेल्या बसवरही दगडफेकीची घटना घडली. 1.54 PM - एसटी कर्मचाऱ्यांच्या संपात सहभागी झालेल्या वाहतूक नियंत्रकाचं निलंबन. आज राज्यभरामध्ये एसटी कर्मचाऱ्यांचा संप आहे, यामध्ये सहभागी होण्यासाठी गेलेल्या अंबाजोगाई डेपोचे वाहतूक नियंत्रक व्ही पी चाटे यांचं निलंबन करण्यात आलं. चाटे यांच्याकडे कंडक्टर यांना लागणाऱ्या तिकीट मशीन्स देण्याची जबाबदारी असते आणि ते मशीन्स वाटप न करता चाटे संपात सहभागी झाले म्हणून त्यांचं निलंबन करण्यात आलं असल्याचं एसटी प्रशासनाने म्हटले. 10.45 AM नांदेड - एसटी कर्मचाऱ्यांच्या अघोषित संपाला हिंसक वळण, भोकरमध्ये दोन बसेसच्या काचा फोडल्या 10.15 AM वसई  :  वसई विरार नालासोपाऱ्यात एसटी संपाला समिश्र प्रतिसाद. वसई विरार आगारातील  कामगारांनी या संपात सहभाग घेऊन गाड्या बंद ठेवल्या आहेत, तर नालासोपारा बस आगारातील बस सकाळपासूनच सुरू आहेत. 10.00 AM  कोल्हापूर एसटी कर्मचाऱ्यांनी पुकारलेल्या राज्यव्यापी संपामुळे  कोल्हापुरातही एसटी सेवा बंद झाली आहे. पहाटेपासून अनेक प्रवासी मध्यवर्ती बस स्थानकात अडकून पडले आहेत. 9.40 AM पंढरपूर मध्ये  एसटी बसेस जात नसल्याने शेकडो भाविक  अडकून पडले 9.33 AM  रत्नागिरीत एसटी संपाचा फारसा परिणाम नाही 9.20 AM ठाणे जिल्ह्यात एसटी कर्मचारी संपाचा फारसा परिणाम नाही, शहापूर, कल्याण,वाडा, मुरबाड आणि विठ्ठलवाडी डेपोतून १०० टक्के बसेस बाहेर पडल्या. 9.15 AM सोलापूर-  सोलापूर आगारातून राज्य परिवहनची सेवा सुरु. मात्र करमाळा, बार्शी आगार बंद. सोलापूर स्थानकातून सकाळपासून प्रवासी सेवा सुरू. 9.11 AM पालघर एसटी आगारामधून लांब पल्ल्याच्या 26 आणि स्थानिकच्या जवळपास 600 फेरया रद्द 8.35 AM - सिंधुदुर्ग:  एसटी कर्मचाऱ्यांचा अघोषित संप सुरू, प्रवाशांचे हाल, जिल्ह्यातील १०० टक्के कर्मचारी संपावर, वस्तीच्या गाड्या डेपोत जमा 8.31 AM - अहमदनगर जिल्हा आणि शहरातील एसटी बंद, शहरातील तीन मुख्य बस स्थानकातील वाहतूक बंद, तारकपूर, माळीवाडा आणि स्वास्तिक चौकातील वाहतूक बंद,तर जिल्ह्यातील अकरा आगारातील वाहतूक बंद 8.27 AM- नाशिक- महामार्ग बस स्थानकावर बस उभ्या, बाहेरगावच्या मुक्कामी आलेल्या 20 बस सकाळपासून निल्यात, मात्र स्थानिक डेपोच्या बस या आगारात आल्याच नाहीत मुंबई: परळ डेपोमध्येही एसटी संपाचा परिणाम, अनेक बसेस उभ्या रायगड : जिल्ह्यात एसटी कर्मचारी संघटनेच्या संपाला संमिश्र प्रतिसाद, कर्जत, माणगाव, उरण आगारातील एसटी सेवा ठप्प, जिल्ह्यातील एकूण तेरा संघटना संपामध्ये सहभागी. पुणे:  शिवाजीनगर बस स्थानकावर बस थांबलेल्या आहेत. भंडारा: सकाळी ६.३० पर्यंत च्या बसेस निघाल्या तसेच इतर आगारातून रात्री उशिरा आलेल्या बसेस निघाल्या मात्र सकाळी ७ नंतर एकही बस सुटली नसल्याने प्रवाशांना संपाचा त्रास होत आहे.  सांगली : मधरात्रीपासून एसटी कर्मचाऱ्यांनी अघोषित संप पुकारलाय. सांगलीत शिवशाही एसटी वगळता सर्व बसेस बंद करण्यात आल्या आहेत. यामुळे सांगली बस स्थानकावर प्रवाशी खोळंबळे आहेत. औरंगाबाद: सिडको बसस्टँडवरून बस सुरळीत सुरू आहेत मात्र मध्यवर्ती बसस्थानकावर मात्र काही बस थांबलेल्या उस्मानाबाद: एसटी महामंडळामध्ये मध्यरात्रीपासून अघोषित संप. 13 संघटनेच्या समितीमध्ये अधिकृतपणे कोणताही निर्णय झाला नाही तरी कर्मचाऱ्यांच्या व्हॉट्सअॅप वर मेसेज. या संपावर मात करण्यासाठी प्रशासनाच्या अधिकाऱयांना डेपो न सोडून जाण्याच्या सूचना. संप झालाच तर तातडीने कारवाई करण्याचे आदेश. अन्य राज्यांच्या तुलनेत एसटी कर्मचाऱ्यांचा पगार किती? काही ठिकाणी 7 जूनच्या मध्यरात्रीपासून तर काही ठिकाणी 8 जूनच्या पहाटे पाचवाजल्यापासून संप सुरु होईल असा दावा करण्यात आला आहे. मात्र संपाची नोटीस नसल्यानं या संदर्भात अधिकृतपणे संघटनेचा एकही पुढारी बोलायला तयार नाही. एसटी कर्मचाऱ्यांची केलेली पगारवाढ ही अन्यायकारक असल्याचा, तसेच संघटनेला विश्वासात न घेता पगारवाढ केल्याचा सूर काही संघटनांनी व्यक्त केला आहे. तर एका संघटनेने  ज्या कर्मचाऱ्याला पगार वाढ नकोय त्यांनी राजीनामा द्यावा, त्यांना कंत्राटी पद्धतीने पुन्हा नियुक्त करणे हा तर गुलामगिरीचा भाग झाल्याचं म्हटलंय. पगार वाढीसंदर्भात एसटी कर्मचाऱ्यांनी दिवाळीच्या हंगामात चार दिवसाचा संप केला खरा , मात्र  याचा परिणाम कामगारांना भोगावा लागला. नेते मात्र नामानिराळे राहिले.  त्या संपाचे परिणाम कामगार अजूनही भोगत असल्यानं ७ जूनच्या मध्यरात्रीपासून अघोषित संपाला किती प्रतिसाद मिळतो हे येत्या काही तासातच कळेल. या अघोषित संपाबाबत शिवसेनाप्रणित  एसटी कामगार सेनेने अघोषित संपाची हाक देण्याऱ्या संघटनांच्या नेत्यांवर टीका केली आहे. ब्लॉग : लालराणीचा राजा उपाशी दरम्यान, 7 जूनच्या मध्यरात्रीपासून होत असलेल्या संपाची केवळ अफवाच असल्याचं एसटी प्रशासनाने नमूद केलं असलं, तरी या अघोषित संपात सहभागी होणाऱ्या कर्मचाऱ्यांवर कडक कारवाई करण्याचे फर्मान जारी केलं आहे. गेल्या संपाचा अनुभव पाहता सद्यस्थितीत एसटी कर्मचाऱ्यांचीदेखील संप करण्याची मानसिकता नसल्याचं चित्र आहे. संपाची अधिकृत नोटीस नसताना संप केल्यास याचे परिणाम संप करणाऱ्यांना भोगावे लागतील. इतकंच नाही तर मागचा  संप बेकायदेशीर ठरवण्यात आला यावर एसटी प्रशासन जोर देऊन न्यायालयाचा अवमान म्हणून कारवाई करू शकतं. हे बहुतांश कर्मचाऱ्यांना ज्ञात झालं असल्यानं, संघटनांचे अस्तिव टिकवण्यासाठी अघोषित संपाची हाक देणाऱ्या नेत्यांनी रस्त्यावर उतरून संप असल्याचं जाहीर करावं असा दबका सूरदेखील कर्मचारी वर्गात आहे . एसटी कर्मचाऱ्यांच्या प्रमुख 3 मागण्या : एसटी कर्मचाऱ्यांना सातवा वेतन आयोग लागू करावा पदनिहाय वेतनश्रेणी द्यावी जोपर्यंत कामगार, कर्मचाऱ्यांच्या वेतनाबाबत सुधारित करार होत नाही, तोपर्यंत कर्मचारी, कामगारांना 25 टक्के हंगामी वाढ देण्यात यावी एसटी कर्मचाऱ्यांच्या संपाचा इतिहास याआधी 1972 मध्ये एसटी कर्मचाऱ्यांचा 12 दिवसांचा संप झाला होता. त्यावेळी कामगार संघटनेच्या पदाधिकाऱ्यांवर कारवाई झाली होती. त्यानंतर 1996, 2007 सालीही संप झाले होते. याशिवाय 17 ऑक्टोबर ते 21 ऑक्टोबर 2017 याकाळात एसटी कर्मचाऱ्यांनी संप पुकारला होता. किती एसटी गाड्या, किती कर्मचारी संख्या? राज्यात एसटीची कर्मचारी संख्या 1 लाख 2 हजार असून, एसटी बसची संख्या 17 हजार आहे. दररोज 70 लाख प्रवासी एसटीने प्रवास करतात. एसटीच्या आगारांची संख्या 258, विभागीय कार्यालयांची संख्या 31 आहे. इतर राज्यांच्या तुलनेत महाराष्ट्रातील एसटी कर्मचाऱ्यांना किती पगार मिळतो? चालकांचा (ड्रायव्हर) पगार : महाराष्ट्र – 4700 ते 15367 रुपये कर्नाटक- 12400 ते 17520 तेलंगणा – 13070 ते 34490 राजस्थान- 5200 ते 20200 उत्तर प्रदेश- 5200 ते 20200 वाहकांचा (कंडक्टर) पगार : महाराष्ट्र- 4350 ते 14225 रुपये तेलंगणा- 12340 ते 32800 कर्नाटक- 11640 ते 15700 राजस्थान- 5200 ते 20200 उत्तर प्रदेश- 5200 – 20200 इतर राज्यात ग्रेड पे दिला जातो, महाराष्ट्रात नाही! याशिवाय इतर राज्यातील चालक आणि वाहकांना दीड हजार ते दोन हजार रुपये ग्रेड पे दिला जातो. मात्र,महाराष्ट्रातील एसटी चालक-वाहकांना हा ग्रेड पे मिळत नाही. इतर राज्यात प्रवासी कर कमी, महाराष्ट्रात जास्त! दुसरीकडे इतर राज्यात प्रवासी कर 5 ते 7 टक्के इतका आहे. तर महाराष्ट्रात हा प्रवासी कर 17.5 टक्के इतका आहे. असं असूनही महाराष्ट्रात एसटी कर्मचाऱ्यांचा पगार इतर राज्यांच्या तुलनेत कमी का? असा सवाल एसटी कर्मचारी करत आहेत. संबंधित बातम्या

एसटी कर्मचाऱ्यांचा संप मागे, अखेर लालपरी रस्त्यावर  

एसटी संपावरुन मुंबई हायकोर्टाचे राज्य सरकारवर ताशेरे  

एसटी कर्मचाऱ्यांचा संप बेकायदेशीर, तात्काळ कामावर रुजू व्हा : हायकोर्ट