कोल्हापूर महापालिकेत मुका घ्या मुका! विरोधक नगरसेवकाने घेतली सत्ताधारी नगरसेवकाची पप्पी

कोल्हापूर महापालिकेच्या सभागृहात आज महापौर राजीनाम्याची विशेष सभा बोलवण्यात आली होती. या सभेवेळी भर सभागृहात विरोधी गटाच्या नगरसेवकाने सत्ताधारी काँग्रेसच्या गटनेत्याची पप्पी घेतल्यामुळे सर्वजण अवाक झाले.

कोल्हापूर : सतत वेगवेगळ्या कारणांमुळे वादग्रस्त ठरणाऱ्या कोल्हापूर महानगरपालिकेची सभा आज वेगळ्याच कारणामुळे गाजली. महापालिकेची सभा सुरु असतानाच भर सभागृहात विरोधी गटाच्या नगरसेवकाने सत्ताधारी काँग्रेसच्या गटनेत्याची पप्पी घेतल्यामुळे सर्वजण अवाक झाले.

महापालिकेच्या सभागृहात आज महापौर राजीनाम्याची विशेष सभा बोलवण्यात आली होती. यावेळी कोल्हापूर महानगरपालिकेत विरोधी गट असलेल्या ताराराणी आघाडीचे नगरसेवक कमलाकर भोपळे आज थेट सत्ताधारी गटाच्या बाकावर जाऊन बसले. त्यांच्या शेजारी काँग्रेसचे गटनेते आणि स्थायी समितीचे सभापती शारगंधर देशमुख बसले होते.

सभागृहाचे कामकाज सुरु झाले. त्यानंतर अभिनंदनाचे ठराव सुरु झाले. ते सुरु असतानाच भोपळे आणि देशमुख यांच्यात काहीतरी बोलणे झाले. आणि खुशीत असलेल्या कमलाकर भोपळे यांनी भर सभागृहात शारगंधर देशमुख यांची पप्पी घेतली. अचानक झालेल्या या प्रकारामुळे सर्व सभागृहात हशा पिकला.

भोपळे आणि देशमुख यांच्यात नेमकी काय चर्चा सुरु होती? हे समजू शकलेले नाही. मात्र सभागृहात अशा वागण्यामुळे त्याची उलटसुलट चर्चा सुरु होती. कमलाकर भोपळे हे ताराराणी आघाडीचे नगरसेवक आहेत. मात्र आपल्याला भाजप आणि ताराराणी आघाडीचे नगरसेवक मान देत नाहीत. परंतु काँग्रेस आणि राष्ट्रवादी काँग्रेसचे नगरसेवक यांना आपले काम आवडते. ते आपल्याला मान देतात. असेही भोपळे यांचे म्हणणे आहे.

दरम्यान, सभागृहात अशा प्रकारचे वर्तन योग्य नसल्याचीही प्रतिक्रीया दबक्या आवाजात उमटली.

व्हिडीओ पाहा 

म्हशीला कुत्रा चावल्यानं संपूर्ण गाव दवाखान्यात! | ABP Majha