Breaking News LIVE Updates : मुंबई- गोवा महामार्गावर पेणनजीक भीषण अपघात
Breaking News LIVE Updates, November 05 2021: दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये.
LIVE
Background
पंतप्रधान मोदींचा आज केदारनाथ दौरा; 400 कोटींच्या योजनांसह शंकराचार्यांच्या मूर्तीचंही अनावरण
PM Modi Kedarnath Visit : पंतप्रधान नरेंद्र मोदींनी पुन्हा एकदा केदारनाथ दौरा करणार आहेत. पंतप्रधान नरेंद्र मोदी आज उत्तराखंडच्या केदारनाथ दौऱ्यावर जाणार असून त्यानिमित्तानं केदारनाथच्या परिसरात कडेकोट सुरक्षा व्यवस्था तैनात करण्यात आली आहे. दिवाळीच्या निमित्ताने केदारनाथ मंदिराला 8 क्विंटल फुलांनी सजावट केली जाणार आहे. पंतप्रधान नरेंद्र मोदी केदारनाथ मंदिरात पूजा करतील. त्यानंतर श्री आदि शंकराचार्य समाधीचे उद्घाटन आणि श्री आदि शंकराचार्यांच्या मूर्तीचे अनावरण करतील. केदारनाथ धाम येथे पंतप्रधान मोदी दोन तास असणार आहेत. या दौऱ्यात पंतप्रधान मोदी हे भाषणही करणार आहेत. पंतप्रधान नरेंद्र मोदी केदारनाथ येथे भेट देणार आहेत. पंतप्रधान मोदींच्या भेटीच्या पार्श्वभूमीवर केदारनाथ मंदिरात जोरदार तयारी सुरु झाली आहे. दिवाळीच्या निमित्ताने केदारनाथ मंदिराला आठ क्विंटल फुलांनी सजावट केली जाणार आहे. पंतप्रधान नरेंद्र मोदी केदारनाथ मंदिरात पूजा करतील. त्यानंतर श्री आदि शंकराचार्य समाधीचे उद्घाटन आणि श्री आदि शंकराचार्यांच्या मूर्तीचे अनावरण करतील. केदारनाथ धाम येथे पंतप्रधान मोदी दोन तास असणार आहेत. या दौऱ्यात पंतप्रधान मोदी हे भाषणही करणार आहेत. प्रधानमंत्री संबोधनाचे 87 एलईडी स्क्रीन आणि बिग स्क्रीनवर प्रसारित करण्यात येणार आहे. श्री आदि शंकराचार्य मंदिरात पोहचण्याचा मार्गावर 87 मंदिरात भाजपचे प्रमुख नेते उपस्थित असणार आहे.
Money Laundering Case : अनिल देशमुखांचे पुत्र ईडीच्या रडारवर; आज चौकशीसाठी समन्स
Money Laundering Case : मनी लॉन्ड्रिंग प्रकरणी ईडीनं राज्याचे माजी गृहमंत्री अनिल देशमुख (Anil Deshmukh) यांना अटक केली आहे. पण देशमुख कुटुंबियांच्या अडचणी आता आणखी वाढल्या आहेत. ईडीनं अनिल देशमुखांचे पुत्र ऋषिकेश देशमुख यांना चौकशीसाठी समन्स बजावलं आहे. राज्याचे माजी गृहमंत्री अनिल देशमुख यांना ईडीकडून अटक झाल्यानंतर आता त्यांचा मुलगा ऋषिकेश देशमुख ईडी (ED) च्या रडारवर असल्याची माहिती समोर येत आहे. अनिल देशमुखांचे सर्व पैशांचे व्यावहार मुलगा ऋषिकेश पाहात असल्याचं तपासात उघड झालं आहे, त्यामुळं ईडीनं ऋषिकेश देशमुख यांना चौकशीसाठी समन्स बजावलं आहे.
Diwali Padwa 2021 दीपोत्सव : आज बलिप्रतिपदा अर्थात दिवाळी पाडवा, काय आहे महत्व
Diwali Padwa balipratipada 2021 : दिवाळीची सुरुवात झाल्यानंतर लक्ष्मीपूजनाच्या दुसऱ्या दिवशी कार्तिक शुद्ध प्रतिपदेला बलिप्रतिपदा हा दिवस दिवाळी पाडवा म्हणून साजरा केला जातो. पौराणिक महत्त्व असलेल्या आणि कृषिप्रधान संस्कृतीचे प्रतिबिंब दाखवणाऱ्या साडेतीन मुहूर्तांपैकी एक असा हा दिवाळी पाडव्याचा सण शेतकरी राजा मोठ्या उत्साहाने साजरा करतो. 'इडा, पीडा टळो आणि बळीचे राज्य येवो', अशी प्रार्थना या दिवशी केली जाते. आज 5 नोव्हेंबर शुक्रवारी बलिप्रतिपदा अर्थात दिवाळी पाडवा आहे. कोरोनाचा काळ असला तरी यंदा दिवाळीचा उत्साह पाहायला मिळत आहे. साडेतीन मुहूर्तांपैकी एक म्हणून हा सण ओळखला जातो. या दिवशी खरेदी करण्याची पद्धत आहे. या दिवशी सोने, गाड्या किंवा संपत्तीची खरेदी केली जाते.
मुंबई- गोवा महामार्गावर पेणनजीक भीषण अपघात
मुंबई- गोवा महामार्गावर पेणनजीक भीषण अपघात झाला आहे. जिते गावाजवळ एसटी बस आणि कारचा अपघात झाला असून तीन प्रवासी जखमी तर दोन प्रवासी गंभीर जखमी झाले आहे. अपघातातील जखमींना रुग्णालयात दाखल करण्यात आले आहे
एनसीबीच्या समीर वानखेडेंकडून ड्रग्ज केस प्रकरणाचा तपास काढून घेतला, दिल्लीला बदली
एनसीबीच्या समीर वानखेडे यांच्याकडून आर्यन खान केस आणि इतर प्रकरणांचा तपास काढून घेण्यात आला आहे. त्यांची दिल्लीला बदली करण्यात आली असून मुंबई झोनल डायरेक्टर या पदाचा चार्ज आता संजय सिंह यांच्याकडे देण्यात आला आहे.
भाऊबीजेपूर्वी बहिण भावावर काळाचा घाला, भीषण अपघातात सख्ख्या बहिण-भावाचा मृत्यू
भाऊबीजेपूर्वी सख्ख्या बहिण-भावाचा दुर्देवी मृत्यू झाल्याची हृदयद्रावक घटना वसमत तालुक्यात घडलीय, दिवाळीला मामाच्या गावी जात असताना बहिण भावावर काळाने घाला घातलाय. टाकळगाव रोडवर ही घटना घडलीय. यामध्ये आदर्श अरविंद सूर्य वय वर्ष 9, व कीर्ती अरविंद सूर्य वय वर्ष 8 या दोघांचा जागीच मृत्यू झाला. तर इतर दोघे जखमी झाले असून त्यांना उपचाराकरिता नांदेड येथे हलविण्यात आले आहे. टाकळगाव येथून वसमतकडे येणाऱ्या टाटा एस मॅजिक पिकप क्रमांक MH 22 AA 16 यांनी मोटर सायकल MH 26 U 2957 ला जोरदार धडक दिली.
स्मशानभूमीमध्ये प्रकाशपर्व
अंधारावर मात करणारा दीपोत्सव सर्वत्र साजरा करण्यात आला, स्मशानभूमीही त्याला अपवाद नाही, पिंपळगाव बसवंतच्या अमरधाममध्ये सामाजिक कार्यकर्ते आणि वन्यजीव रक्षक यांच्यावतीने दीपोत्सव साजरा करण्यात आला. प्रकाश पर्वात स्मशानभूमी उजळून निघावी, अंधकार, अंधश्रद्धा ,भीती दूर व्हावी यासाठी गेल्या दोन तीन वर्षांपासून अमरधाममध्ये दीपोत्सव साजरा केला जातो, दिव्यांचा लखलखाट, विद्युत रोषणाई , रांगोळ्या काढून परिसर सजविण्यात आला होता तर महिला लहानमुले साऱ्यांनीच फटाक्यांची आतषबाजी करून लक्ष्मीपूजन आगळ्यावेगळ्या पध्दतीने साजरा करण्यात आलं
महत्त्वाच्या बातम्या
ट्रेंडिंग न्यूज
