Tu Chal Pudha : 'तू चाल पुढं' मालिकेत पार पडणार 'मिसेस इंडिया 2023' ग्रॅन्ड फिनाले; दीपा परबचा ग्लॅमरस अंदाज
Tu Chal Pudha : 'तू चाल पुढं' मालिकेत 'मिसेस इंडिया 2023 ग्रॅन्ड फिनाले पार पडणार आहे.
Tu Chal Pudha : अभिनेत्री दीपा परबने (Deepa Parab) जवळपास 14 वर्षानंतर पुन्हा एकदा 'तू चाल पुढं' (Tu Chal Pudha) या मालिकेच्या माध्यमातून मराठीत कमबॅक केलं. या मालिकेची गोष्ट आहे एका गृहिणीने पाहिलेल्या मोठ्या स्वप्नांची. एकत्र कुटुंब असलेल्या या घरी अश्विनीलादेखील त्यांच्या नवीन घरासाठी आणि कुटुंबासाठी खारीचा वाटा उचलण्याची इच्छा आहे. ही मालिका प्रेक्षकांचे लक्ष वेधून घेणारी ठरत आहे. ही मालिका आता एका रोमांचक वळणावर आली आहे. मालिकेत आता 'मिसेस इंडिया 2023 ग्रॅन्ड फिनाले' लवकरच प्रेक्षकांना अनुभवता येणार आहे.
अश्विनीचा ग्लॅमरस अंदाज
मराठी मालिकेत प्रथमच इतक्या ग्रँड पद्धतीने ही स्पर्धा पार पडत आहे. या ग्रँड फिनालेचं परीक्षण इशा कोप्पीकर करणार आहे. प्रेक्षकांना आपलीशी वाटणाऱ्या अश्विनीचा ग्लॅमरस प्रवास सुरु झाला आणि मालिकेतील अश्विनीच्या भूमिकेला प्रेक्षकांनी उचलून धरलं. या स्पर्धेदरम्यान तिला अनेक अडथळ्यांमधून जावं लागलं. पण अखेरीस अश्विनीने या स्पर्धेत पुन्हा कमबॅक केलं. अश्विनीची ही भूमिका सर्वसमावेशक आहे.
View this post on Instagram
कुटुंबातील सदस्य, त्यांचे स्वभाव, तिचं घराप्रती कर्तव्य या सर्व गोष्टींची सांगड घालून समंजसपणे घरातील नाती सांभाळून घेणाऱ्या अश्विनीचा मिसेस इंडिया 2023 ग्रॅन्ड फिनालेचा प्रवास सुरू झाला आहे. अश्विनीलाने मोठा पल्ला गाठला असला तरी शिल्पी तिच्या या प्रवासात अडथळे आणणार आहे. त्यामुळे मालिका आता खरोखरचं रोमांचक वळवणार येऊन पोहोचली आहे. आपल्या मातृभाषेत आपल्या मनातलं बोलण्याची परवानगी अश्विनीला मिळेल का याकडे सर्वांचं लक्ष लागलं आहे.
दीपा परबचं पुनरागमन! (Who Is Deepa Parab)
दीपा परबने जवळपास 14 वर्षानंतर पुन्हा एकदा 'तू चाल पुढं' (Tu Chal Pudha) या मालिकेच्या माध्यमातून मराठीत कमबॅक केलं आहे. दीपाने मधल्या काळात अनेक हिंदी मालिकांमध्ये काम केलं. पण, बऱ्याच वर्षांनी दीपा आता मराठी टेलिव्हिजनवर प्रेक्षकांच्या भेटीस आली आहे. ‘तू चाल पुढं’ या मालिकेत दीपा परब (Deepa Parab) प्रमुख भूमिकेत दिसत आहे. दीपा ही अभिनेता अंकुश चौधरीची पत्नी आहे.
संबंधित बातम्या
Tu Chal Pudha : 'तू चाल पुढं' रोमांचक वळणावर; सुरू होतोय अश्विनीचा ग्लॅमरस प्रवास!
महत्त्वाच्या बातम्या
