Satara Bavdhan Bagad Yatra : साताऱ्यातील बावधनमधील बगाड यात्रा सातासुमद्रापार  Special Report

साताऱ्याच्या बावधनमध्ये दरवर्षी पारंपरिक बगाड यात्रा भरते. मात्र यंदा या बगाडाला एका भाविकानं बगाडाला चक्क अमेरिकन डॉलर्सची माळ अर्पण केली. आणि याची सध्या राज्यभरात चर्चा आहे. पाहूयात हा स्पेशल रिपोर्ट...

आपल्या साताऱ्यातली ही बावधनची बगाड यात्रा.. 

ही यात्रा  सातासुमद्रापार पोहोचलीय... 

कारण बगाडावर अमेरिकन डॉलर्सची माळ यावेळी अपर्ण करण्यात आली... 

गेल्या साडेतीनशे वर्षापासून ही यात्रा साजरी केली जाते... 

या यात्रेचं वैशिष्ट्य म्हणजे ५० फूट उंच बगाडाला मानकरी बगाडयाला बांधलं जातं... 

बावधन गावापासून ४ किलोमीटर लांब असणाऱ्या सोनेश्वर मंदिरापासून ते भैरवनाथाच्या मंदिरापर्यंत बैलांच्या मदतीनं हे बगाड शेतातून ओढलं जातं.  

पूर्णपणे लाकडापासून बनवलेलं हेच बगाड पाहण्यासाठी मोठ्या प्रमाणात नागरिक  हजेरी लावत असतात... 

यात्रेमध्ये सहभागी होत असतात. 

या वर्षी बगाड्या होण्याचा मान विठ्ठल सोपान कदम यांना मिळाला आहे.  

यात्रेच्या मुख्य दिवशी गुलालाची उधळण करत, देवाच्या जयघोषात बगाड पुढे जात असतं. 

प्रथा परंपरेच्या याच संगमाला यंदा आतंरराष्ट्रीय स्वरुप लाभलंय... 

भैरवनाथाच्या एका भाविकानं बगाडाला चक्क अमेरिकन डॉलर्सची माळ अर्पण केली. 

ही माळ भाविकांचे लक्ष वेधून घेत होती.  

आपली श्रद्धा व्यक्त करण्यासाठी यंदा बगाडावर अर्पण करण्यात आलेल्या अमेरिकन डॉलर्सच्या माळेमुळे बावधन बगाड यात्रेची चर्चा आता महाराष्ट्रासह परदेशातही रंगू लागल्याचं चित्र आहे...

भारताच्या तिजोरीतही असेच डॉलर येत राहोत आणि घसरणाऱ्या रुपयाचं मूल्य लवकरच सावरो, अशीच प्रार्थना या निमित्त भाविक देवाकडं करत असतील, तर नवल वाटायला नको.