CM नितीश कुमार राज्यसभेवर जाणार, लेक निशांतने स्वीकारलं जदयुचं सदस्य; राजकीय प्रवेश होताच म्हणाला...
नितीश कुमार यांच्यानंतर बिहारचा पुढचा मुख्यमंत्री कोण असेल याबद्दलही चर्चा सुरू झाल्या आहेत.
पाटणा: बिहारचे मुख्यमंत्री नितीश कुमार (Nitish kumar) राज्यसभेवर जाण्याचा निर्णय घेतल्याने बिहारचा नवा मुख्यमंत्री कोण होणार याची उत्सुकता सर्वांनाच लागली आहे. राज्यातून आता केंद्रात जाणाऱ्या नितीश कुमार यांनी बिहारमधील नव्या सरकारला पूर्ण पाठिंबा देण्याचे आश्वासनही दिले. त्यामुळे, बिहारमधील नितीश कुमार युगाचा अंत झाल्याची चर्चा राजकीय वर्तुळात सुरू असतानाचा आता त्यांचा मुलगा निशांत कुमारने जदयु पक्षाचे सदस्यत्व स्वीकारले. आपल्या कुटुंबापासून, आणि राजकीय जीवनापासून दूर असलेल्या निशांत यांनी जनता दल युनायटेड पक्षाचे (JDU) अधिकृत सदस्यत्व स्वीकारत राजकीय प्रवेश केला. त्यामुळे, बिहार सरकारमध्ये त्यांना कोणती जबाबदारी मिळणार याकडे सर्वाचे डोळे लागले आहेत.
नितीश कुमार यांच्यानंतर बिहारचा पुढचा मुख्यमंत्री कोण असेल याबद्दलही चर्चा सुरू झाल्या आहेत. पहिल्यांदाच बिहारमध्ये भाजपचा मुख्यमंत्री होईल का? नितीश कुमार यांच्या जवळच्या व्यक्तीला मुख्यमंत्री म्हणून नियुक्त केले जाईल का? चार दशकांनंतर बिहारला उच्चवर्णीय मुख्यमंत्री मिळेल का? अशा विविधांगी चर्चा देशाच्या राजकीय वर्तुळात रंगल्या आहेत. त्यातच, निशांत कुमार यांनी आज जदयु पक्षाचे नेतृत्व स्वीकारल्यानंतर नितीश कुमार यांच्या राज्यसभेवर जाण्याच्या निर्णयाबद्दल माहिती दिली. माझ्या वडिलांनी राज्यसभेवर जाण्याचा निर्णय घेतला असून तो त्यांचा व्यक्तिगत निर्णय आहे. त्यांच्या या निर्णयाचे आम्ही स्वागत करतो, पक्षाच्या संघटन मजबुतीसाठी आम्ही त्यांच्या नेतृत्वात काम करत राहू, असेही निशांत कुमार यांनी म्हटले आहे.
निशांत कुमार उपमुख्यमंत्री होणार?
निशांत कुमार यांनी आज जदयुचे सदस्यत्व स्वीकारल्यानंतर वडील नितिश कुमार यांची भेट घेतली. यावेळी, वडिलांना पेढा भरवत त्यांचे आशीर्वादही घेतले. बाप-लेकाच्या या भेटीचे फोटो समोर आले आहेत. दरम्यान, बिहारमध्ये निशांत कुमार यांना उपमुख्यमंत्रीपदाची जबाबदारी मिळणार असल्याची चर्चा सुरू आहे.
भाजपकडून दोन नावं चर्चेत
भाजपकडून बिहारच्या मुख्यमंत्रीपदासाठी सम्राट चौधरी आणि विजय चौधरी यांचे नाव आघाडीवर आहे. मात्र, ऐनवेळी ईबीसी किंवा ओबीसी उमेदवार उभा करून सर्वांना आश्चर्यचकित केलं जाऊ शकते. जर भाजपचा मुख्यमंत्री झाला तर जेडीयूकडून दोन उपमुख्यमंत्री असतील. भाजपकडून एक मुख्यमंत्री आणि दोन उपमुख्यमंत्री असतील. सूत्रांनी दिलेल्या माहितीनुसार, भाजपला, विशेषतः अमित शाहांना नितीश कुमार यांनी मुख्यमंत्रीपदाची शपथ घ्यावी असे वाटत नव्हते. आता, त्यांच्या प्रकृतीबद्दल प्रश्न उपस्थित होत असल्याने, जेडीयू नेत्यांकडून नितीश कुमार यांच्या पसंतीचा नेता मुख्यमंत्री करण्याची मागणी करत आहेत.
#WATCH पटना: बिहार के मुख्यमंत्री नीतीश कुमार के बेटे निशांत कुमार ने जेडीयू में शामिल होने के बाद कहा, "जो पिता जी(नीतीश कुमार) ने काम किया है, हम उसे जारी रखेंगे..." pic.twitter.com/Mr8FfhHOvn
— ANI_HindiNews (@AHindinews) March 8, 2026
हेही वाचा
Before You Go
Buldhana Khamgaon Ajji on FDA : तुकाराम मुंढेंना विनंती करणाऱ्या खामगावातील व्हायरल आजी 'माझा'वर
महत्त्वाच्या बातम्या
