Gulhar : माधव अभ्यंकरांच्या लूकनं वेधलं लक्ष ; 'गुल्हर' लवकरच प्रेक्षकांच्या भेटीस
'रात्रीस खेळ चाले' (Ratris Khel Chale) या मालिकेतील माधव अभ्यंकर यांच्या अण्णा नाईक (Madhav Abhyankar) या भूमिकेला प्रेक्षकांची पसंती मिळाली.
Gulhar : चित्रपटांप्रमाणेच काही मालिका आणि नाटकदेखील कलाकारांना सर्वदूर पोहोचवण्याचं काम करत असतात. दररोज घरोघरी पोहोचणाऱ्या मालिकेतील एखाद्या कलाकारानं साकारलेलं कॅरेक्टर रसिकांच्या पसंतीस उतरलं की मग तो कलाकार त्या व्यक्तिरेखेच्याच नावानं जनमानसात ओळखला जातो. ज्येष्ठ अभिनेते माधव अभ्यंकर (Madhav Abhyankar) यांच्याबाबतीतही असंच काहीसं घडलं आहे. 'रात्रीस खेळ चाले' (Ratris Khel Chale) या मालिकेतील माधव अभ्यंकर यांच्या अण्णा नाईक या भूमिकेला प्रेक्षकांची पसंती मिळाली. त्यांच्या चाहत्यांच्या संख्येत जबरदस्त वाढ झाली आहे. हेच माधव अभ्यंकर आता एका वेगळ्या रूपात आपल्या चाहत्यांना भेटायला येणार आहेत. 'गुल्हर' (Gulhar) या आगामी मराठी चित्रपटात माधव अभ्यंकरांचा लक्षवेधी लुक रसिकांना नक्कीच भावणार आहे.
शांताराम (आप्पा) मेदगे, शिवाजी भिंताडे, अनुप शिंदे आणि अबिद सय्यद यांनी आयडियल व्हेंचरच्या बॅनरखाली 'गुल्हर' या चित्रपटाची निर्मिती केली आहे. यापूर्वी 'बाबो'सारखा वेगळ्या वाटेनं जाणाऱ्या चित्रपटाचं दिग्दर्शन करणारे रमेश चौधरी यांनी 'गुल्हर'चं दिग्दर्शन केलं आहे. या चित्रपटाची कथा धनगर समाजातील एका 11 वर्षांच्या लहान मुलावर आधारलेली आहे. यात माधव अभ्यंकर यांनी साकारलेलं कॅरेक्टर अत्यंत महत्त्वाचं आहे. डोक्याला गुलाबी फेटा, पांढरा सदरा, धोतर, हातात घुंगरू लावलेली काठी, उजव्या हातात कडं, डाव्या खांद्यावर उपरणं, गळयात तावीज, झुपकेदार मिशा, पायात वहाणा आणि हळदीनं भरलेला मळवट असं काहीसं माधव अभ्यंकरांचं रुपडं 'गुल्हर'मध्ये दिसणार आहे. या चित्रपटात माधव अभ्यंकर नेमके कोणत्या भूमिकेत झळकणार आहेत हे अद्याप रिव्हील करण्यात आलेलं नाही.
माधव अभ्यंकरांसोबत यात विनायक पोद्दार, रवी काळे, भार्गवी चिरमुले, सुरेश विश्वकर्मा, किशोर चौगुले, रुक्मिणी सुतार, शिवानी बावकर, शिवाजी भिंताडे, अनुप शिंदे, मंजिरी यशवंत, गणेश कोकाटे, कपिल कदम, पुष्पा चौधरी, स्वप्निल लांडगे, रेश्मा फडतरे, सचिन माळवदे, देवेंद्र वायाळ अशी मराठीतील दमदार स्टारकास्ट आहे. 'गुल्हर'साठी मोहन पडवळ यांनी कथालेखन केलं असून, संजय नवगिरे यांनी पटकथा व संवादलेखन केलं आहे. कुमार डोंगरे यांनी छायालेखन व संकलन केलं आहे, तर नृत्य दिग्दर्शन विशाल पाटील यांचं आहे. साऊंड डिझाईन निखिल लांजेकर आणि हिमांशू आंबेकर यांनी केलं असून, केदार दिवेकर यांनी पार्श्वसंगीत दिलं आहे. लवकरच प्रेक्षकांच्या भेटीला येणाऱ्या या चित्रपटाचे प्रोजेक्ट हेड अमर लष्कर आहेत.
संबंधित बातम्या
- Pathan : कोणी 85 तर कोणी 25 कोटी; पठाण चित्रपटासाठी कलाकारांनी घेतलं एवढं मानधन
- Bhabiji Ghar Par Hai : एंट्रीआधीच नव्या 'गोरी मेम'ची जादू, आता 'अनिता भाभी'च्या भूमिकेत 'ही' अभिनेत्री
- The Kashmir Files : 'द कश्मीर फाइल्स' सिनेमाचा ट्रेलर आऊट, 11 मार्चला सिनेमा होणार प्रदर्शित
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
