धक्कादायक! सासरच्या त्रासाला कंटाळून तरुणानं संपवलं जीवन, सासूसह तीन जणांवर जळगावमध्ये गुन्हा दाखल
जळगावच्या एरंडोल तालुक्यात धक्कादायक घटना घडली आहे. भातखेडा येथील तरुणाने सासरच्या मानसिक त्रासाला कंटाळून आत्महत्या केल्याची घटना घडली आहे.
Jalgaon : जळगावच्या एरंडोल तालुक्यात धक्कादायक घटना घडली आहे. भातखेडा येथील तरुणाने सासरच्या मानसिक त्रासाला कंटाळून आत्महत्या केल्याची घटना घडली आहे. गौरव ज्ञानेश्वर बडगुजर असे आत्महत्या करणाऱ्या तरुणाचे नाव आहे. मृत्यूपूर्वी लिहिलेल्या चिठ्ठीत सासू, वहिनी, तसेच साडू यांच्या मानसिक त्रासाला कंटाळून आत्महत्या करत असल्याचा उल्लेख आहे. याप्रकरणी मृत तरुणाच्या सासू, वहिनीसह तीन जणांविरुद्ध कासोदा पोलिस ठाण्यात आत्महत्येस प्रवृत्त केल्याप्रकरणी गुन्हा दाखल केला आहे.
पोलिसांनी सुसाइड नोट जप्त करुन तपासाला सुरुवात केली
सासू अनिता बडगुजर, साडू भटू गरुड आणि साली गौरी गरुड असे गुन्हा दाखल झालेल्या तिघांची नावे आहेत. सासरच्या लोकांकडून होणारा पैशांचा तगादा आणि धमकी या मानसिक त्रासामुळे आत्महत्या केल्याची माहिती आहे. पोलिसांनी याप्रकरणी सुसाइड नोट जप्त केली आहे. मृत्यूपूर्वी लिहिलेल्या चिठ्ठीत सासू, वहिनी, तसेच साडू यांच्या मानसिक त्रासाला कंटाळून आत्महत्या करत असल्याचा उल्लेख करण्यात आला आहे. पोलिसांनी या प्रकरणी दखल घेऊन गुन्हा दाखल करुन तपासाला सुरुवात केली आहे.
पोलीस चौकशी दरम्यानचं अल्पवयीन मुलीची आत्महत्या
ज्या अल्पवयीन मुलीवर चोरीचा आरोप लावण्यात आला, त्या अल्पवयीन मुलींने पोलीस चौकशी दरम्यानचं घरी विषप्राशन करून आत्महत्या केल्याची खळबळजनक घटना भंडाऱ्याच्या लाखांदुरात घडली. लाखांदूरच्या चिचोली गावातील एका किराणा व्यवसायिकान त्याच्या दुकानातून 25 हजार रुपयाची चोरी झाल्याची तक्रार लाखांदूर पोलिसात केली होती. दुकानदारानेच संशय व्यक्त केल्यावरून पोलिसांनी 17 वर्षीय अल्पवयीन तरुणीला ताब्यात घेऊन 2 मार्चला तिची दिवसभर चौकशी केली. मात्र, या चौकशी दरम्यान पोलिसांनी जबरदस्त मारहाण केल्याचा आरोप करीत मुलींनं विषप्राशन करून आत्महत्या केल्याचा आरोप तरुणीच्या आई-वडिलांनी पोलिसांवर लावला आहे.
27 फेब्रुवारीला लाखांदुरात दाखल झालेल्या तक्रारीनंतर अल्पवयीन मुलीला चौकशीसाठी ताब्यात घेतलं होतं
याप्रकरणी भंडारा जिल्हा पोलीस अधीक्षक नुरुल हसन यांनी 27 फेब्रुवारीला लाखांदुरात दाखल झालेल्या तक्रारीनंतर अल्पवयीन मुलीला चौकशीसाठी ताब्यात घेतलं होतं. चौकशी सुरु असतानाच तिनं आत्महत्या केली आहे. याप्रकरणी आता पोलिसांनी अधिक तपास करत असल्याचं सांगितलं आहे. ल्पवयीन मुलींने पोलीस चौकशी दरम्यानचं घरी विषप्राशन करून आत्महत्या केल्याने खळबळ उडाली आहे. या घटनेमुळं परिसरात खळबळ उडाली होती.
महत्वाच्या बातम्या:
अवैध वाळू उपसा प्रकरण! कारवाईसाठी गेलेल्या महसूल पथकावर प्राणघातक हल्ला, आरोपीच्या अटकेसाठी बेमुदत आंदोलन सुरु
महत्त्वाच्या बातम्या
