Actor Vikas Samudre On Sachin Pilgaonkar Trolling: 'पन्नाशी, साठीतला व्यक्ती सचिन पिळगावकरांना ट्रोल करत नाहीय, जेन-झी करतायत...'; मराठी अभिनेत्याचे खडे बोल
Actor Vikas Samudre On Sachin Pilgaonkar Trolling: बॉलिवूड, मराठी सिनेसृष्टीतलं मोठं नाव असूनही सचिन पिळगावकर ट्रोलर्सच्या निशाण्यावर येतात. आता यावर अभिनेते विकास समुद्रे व्यक्त झाले आहेत. तसेच, त्यांना ट्रोल करणाऱ्यांना खरं खोटं सुनावलं आहे.
Actor Vikas Samudre On Sachin Pilgaonkar Trolling: मराठी मनोरंजनविश्वात (Marathi Industry) 'महागुरू' म्हणून ओळखले जाणारे सचिन पिळगावकर (Sachin Pilgounkar) त्यांच्या काही आठवणी मुलाखतींमध्ये सांगत असतात. अगदी बालवयातच त्यांनी सिनेसृष्टीत काम करायला सुरुवात केली. अभिनेते, दिग्दर्शक, निर्माते, गायक, डान्सर म्हणून ओळखले जाणारे सचिन पिळगांवकर यांनी हिंदी, मराठीतील अनेक सिनेमांमध्ये मोलाची भूमिका साकारली. त्यांनी 'नदिया के पार', 'बालिका वधू', 'पारध', 'बचपन', 'ब्रह्मचारी', 'सत्ते पे सत्ता' यांसारख्या बॉलिवूड सिनेमांमध्ये झळकले. तर, 'अशीही बनवा बनवी', 'नवरा माझा नवसाचा', 'आयत्या घरात घरोबा' यांसारख्या अनेक मराठी सिनेमांमध्ये काम केलंय. सध्या त्यांच्या अनुभवांचे किस्से सोशल मीडियावर चांगलेच व्हायरल होत असतात. तर, त्यांनी सांगितलेल्या त्यांच्या अनुभवांमुळेच अनेकदा त्यांना ट्रोलिंगचाही सामना करावा लागतो. बॉलिवूड, मराठी सिनेसृष्टीतलं मोठं नाव असूनही सचिन पिळगावकर ट्रोलर्सच्या निशाण्यावर येतात. आता यावर अभिनेते विकास समुद्रे व्यक्त झाले आहेत. तसेच, त्यांना ट्रोल करणाऱ्यांना खरं खोटं सुनावलं आहे. नुकतीच राजश्री मराठीला त्यांनी मुलाखत दिली, त्या मुलाखतीत बोलताना ते बोलत होते.
अभिनेते विकास समुद्रे काय म्हणाले?
'नवरा माझा नवसाचा' सिनेमात आपल्या दमदार अभिनयानं अचूक कॉमिक टायमिंगनं प्रेक्षकांना खळखळून हसवणारा अभिनेता विकास समुद्रे यांनी सचिन पिळगावकरांना होणाऱ्या ट्रोलिंगवर आपलं मत व्यक्त केलंय. विकास समुद्रे बोलताना म्हणाले की, "सचिन पिळगावकर यांना आता ट्रोल केलं जातं. हे आधीही घडलं असतं, जर तेव्हा सोशल मीडिया असतं. शोले चित्रपटादरम्यान, सचिन पिळगावकर यांनी कशी मदत केली, हे तुम्ही आता समाजमाध्यमांमवर ऐकता. हे आम्ही 22 वर्षांपूर्वीच ऐकलं. तीच गोष्ट जर खोटी असेल, तर माणूस कट टू कट 20 वर्षांनी कसं बोलेल?".
"सचिन पिळगावकर हे असे कलाकार आहेत ज्यांनी राज कपूर, गुरुदत्त यांसारख्या दमदार कलाकारांसोबत काम केलंय. लहानपणीच त्यांना अनेक अवॉर्ड्सने सन्मानित करण्यात आले आहे. गुरुदत्त यांच्यासोबत ते सिनेमा करणार होते. गुरुदत्त यांनी सांगितलं, सहा वर्षांच्या मुलाचं कॅरेक्टर आहे. पण तेव्हा सचिन पिळगावकर चार वर्षांचे होते. तेव्हा त्यांनी अगदी प्रांजळपणे विचारलं, आप नहीं लेंगे मुझे इस सिनेमा मैं? तेव्हा गुरुदत्त म्हणाले होते, नही मैं 2 साल वेट करुंगा असं म्हणाले होते. त्यांच्यासाठी हा सिनेमा थांबवला होता. दरम्यानच्या काळात गुरुदत्त यांचं निधन झालं होतं. मग त्यांच्या भावाने हा चित्रपट पूर्ण केला.सचिन पिळगावकर यांना घेऊनच त्यांनी हा चित्रपट पूर्ण केला.त्यांना ट्रोल केलं जातं, याचं मला खरंच वाईट वाटतं", असं अभिनेते विकास समुद्रे बोलताना म्हणाले.
विकास समुद्रे म्हणाले की, "मी खात्रीनं सांगतो, पन्नाशीतला किंवा साठीतला व्यक्ती सचिन पिळगावकर यांना ट्रोल करत नाहीये.ही जेन-झी पिढी त्यांना ट्रोल करत आहे.कारण त्यांनी अजूनही सचिन पिळगावकर यांना नीट ओळखलेलं नाही. त्यांचा ऑरा वेगळा आहे.हिंदीतील अमिताभ बच्चन, दिलीप कुमार, यांच्यासोबत त्यांचे चांगले संबंध आहेत. त्यांच्यासोबत सचिन यांचं उठणं बसणं असतं. तर, त्यांचा ऑरा असणारच ना... लहानपणापासून त्यांनी बॉलिवूडमध्ये काम केलंय.त्यांना जेव्हा ट्रोल केलं जातं, तेव्हा खरंच वाईट वाटतं..."
महत्त्वाच्या इतर बातम्या :
महत्त्वाच्या बातम्या
