Ishwar Thakur: डायपर खरेदी करायलाही पैसे नाहीत; युरिन फ्लोनं त्रस्त असणारा अभिनेता आर्थिक अडचणीत
Ishwar Thakur: ईश्वर कुमारनं एका मुलाखतीमध्ये त्याची व्यथा मांडली. ईश्वरनं सांगितलं की, तो आर्थिक अडचणींचा सामना करत आहे.
Ishwar Thakur: छोट्या पडद्यावरील अभिनेता ईश्वर कुमार (Ishwar Thakur) हा आर्थिक अडचणींचा सामना करत आहे. ईश्वरनं अनेक मालिकांमध्ये काम केलं आहे. नुकत्याच एका मुलाखतीमध्ये ईश्वर कुमारनं सांगितलं की, तो किडनी संबंधित काही समस्यांचा सामना करत आहे तसेच तो युरिन फ्लोनं त्रस्त आहे,
ईश्वर कुमारनं मांडली व्यथा
ईश्वर कुमारनं एका वृत्तसंस्थेला दिलेल्या मुलाखतीमध्ये सांगितलं, 'गेल्या काही दिवसांपासून मला किडनी संबंधित काही समस्या जाणवत आहेत. त्यामुळे माझ्या पायांना सुज आली आहे. तसेच माझा युरिन फ्लोवर कंट्रोल देखील नाहीये. युरिन फ्लोच्या समस्येमुळे मी काही दिवस डायपर वापरत होतो. पण आता माझ्याकडे डायपर खरेदी करायला पैसे देखील नाहीयेत. सध्या मी कागद आणि वर्तमानपत्राचा वापर करत आहे. मी चांगल्या डॉक्टरकडे उपचारासाठी देखील जाऊ शकत नाही. आधी मी आयुर्वेदिक उपचार घेत होतो पण आता ते देखील बंद केलं आहे. कारण आयुर्वेदिक उपचार करण्यासाठी देखील माझ्याकडे पैसे नाहीत.'
पुढे तो म्हणाला, 'माझ्या घरी आई आणि भावाच्या वेदना इतक्या आहेत की मी स्वतःचा विचारही करू शकत नाही. भावाला स्किझोफ्रेनिया आहे, त्याला आधी सरकारी दवाखान्यात दाखल केले पण नंतर त्याला नाशिकच्या आश्रमात दाखल करण्यात आले आहे. मला त्या आश्रमात दर महिन्याला तीन हजार द्यावे लागतात. पूर्वी आश्रमाचे लोक पाच हजार घेत असत, पण माझी अवस्था पाहून ते माझ्याकडून तीन हजार घेतात. माझ्या त्यांना द्यायला पैसे नाहीत. माझी आई देखील लॉकडाऊन पासून अंथरुणाला खिळून आहे.'
काही कलाकारांनी आणि क्रू मेंबर्सनं केलेल्या आर्थिक मदतीबाबत देखील ईश्वरनं सांगितलं. एफआईआर (FIR) , मे आय कम इन मॅडम (May I Come In Madam), जीजा जी छत पर (Jijaji Chhat Par Hai) हैं या मालिकांमध्ये ईश्वरनं काम केलं आहे.
View this post on Instagram
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
