बिहारमधील नितीशपर्व संपल्यात जमा! राज्यसभेला आज अर्ज दाखल करण्याची शक्यता, अमित शाह आजच पाटण्यात येणार; कार्यकर्त्याचा सीएम निवासस्थानासमोर आक्रोश, 'म्हणाले, ही गद्दारी, हा निर्णय त्यांचा नाही...'
भाजपचे राष्ट्रीय अध्यक्ष नितीन नवीन यांच्यासह नितीश कुमार हे उमेदवारी अर्ज दाखल करतील अशी चर्चा आहे. केंद्रीय गृहमंत्री अमित शहा देखील यावेळी उपस्थित राहण्याची अपेक्षा आहे.
Nitish Kumar: बिहारचे मुख्यमंत्री नितीश कुमार यांची राज्यसभा जवळजवळ निश्चित झाली आहे. नितीश कुमार आज (5 मार्च) विधानसभेत पोहोचून राज्यसभा निवडणुकीसाठी उमेदवारी अर्ज दाखल करू शकतात, अशी चर्चा शिगेला पोहोचली असतानाच कार्यकर्त्यांनी आक्रोश सुरु केला आहे. हा निर्णय नितीश कुमारांचा नाही, ही गद्दारी असल्याची प्रतिक्रिया कार्यकर्त्यांमध्ये उमटत आहे. दुसरीकडे, भाजपचे राष्ट्रीय अध्यक्ष नितीन नवीन यांच्यासह नितीश कुमार हे उमेदवारी अर्ज दाखल करतील अशी चर्चा आहे. केंद्रीय गृहमंत्री अमित शहा देखील यावेळी उपस्थित राहण्याची अपेक्षा आहे. अमित शाह आज दुपारी 12 वाजता पाटणा येथे पोहोचतील.
आम्ही त्यांना कुठेही जाऊ देणार नाही
दरम्यान, मुख्यमंत्री नितीश यांच्या राज्यसभेच्या उमेदवारीच्या वृत्तांदरम्यान, जेडीयूचे कार्यकर्ते मुख्यमंत्री निवासस्थानी पोहोचू लागले आहेत. त्यांचे म्हणणे आहे की, "नीतीश कुमार बिहारचे आहेत. आम्ही त्यांना कुठेही जाऊ देणार नाही. आम्ही आमचे प्राण अर्पण करू." मुख्यमंत्री निवासस्थानाबाहेर कार्यकर्ते आक्रोश करत आहेत. काल बुधवारी संध्याकाळी 6 वाजता मुख्यमंत्र्यांच्या निवासस्थानी एक महत्त्वाची बैठक बोलावण्यात आली होती. जेडीयूचे कार्यकारी अध्यक्ष संजय झा आणि मंत्री विजय चौधरी उपस्थित होते. बैठकीदरम्यान विजय चौधरी यांनी माध्यमांना सांगितले की, अंतिम निर्णय नितीश कुमार घेतील.
बिहारमध्ये काय घडतंय?
- मंत्री मदन साहनी सकाळी मुख्यमंत्री निवासस्थानी पोहोचले पण त्यांना मुख्यमंत्र्यांना भेटण्यासाठी वेळ देण्यात आला नाही.
- मुख्यमंत्र्यांच्या निवासस्थानी पोहोचलेल्या जेडीयू आमदार प्रेम मुखिया यांच्याविरोधात पदयात्रींनी निदर्शने केली. गाडी पुढे जाऊ देण्यात आली नाही.
- मुख्यमंत्र्यांच्या निवासस्थानाबाहेर जेडीयू कार्यकर्त्यांनी लल्लन सिंह, विजय चौधरी आणि संजय झा यांच्याविरोधात घोषणाबाजी केली.
- बिहारचे डीजीपी विनय कुमार मुख्यमंत्र्यांच्या निवासस्थानी पोहोचले आहेत.
- आयजी जितेंद्र राणा मुख्यमंत्री निवासस्थानाबाहेर पोहोचले आहेत. ते पोलिस अधिकाऱ्यांना आवश्यक सूचना देत आहेत.
- मुख्यमंत्र्यांनी जे काही निर्णय घेतले ते सर्वांना मान्य करावे लागेल, असे ललन सिंह म्हणाले.
दुसरीकडे, बिहारच्या खूर्चीसाठी मुलगा निशांत कुमार यांच्या नावावरही चर्चा सुरू आहे. पक्षाने अद्याप या चर्चांना नकार दिलेला नाही. दरम्यान, उमेश कुशवाह पुन्हा जेडीयूचे प्रदेशाध्यक्ष होतील. बैठकीत नितीश कुमार यांनी त्यांच्या नावाला मान्यता दिली.
मुख्यमंत्र्यांच्या निवासस्थानाबाहेर घोषणाबाजी
मुख्यमंत्र्यांच्या निवासस्थानाबाहेर कार्येकर्त्यांनी घोषणाबाजी केली. नितीश यांच्या राज्यसभेतील निवडीचा निषेध करत आहेत. सतीश कुमार सुमन म्हणाले की अमित शहा यांनी 15 हजार कोटी रुपयांचा करार केला आहे. एमएलसी पदासाठी करार झाला आहे. नितीश कुमार यांचा अपमान आम्ही सहन करू शकत नाही. लल्लन सिंह, संजय झा आणि विजय चौधरी यांनी हे सर्व केले आहे.
"हा निर्णय नितीश यांचा नाही"
आम्ही राज्यपाल पदाचा निषेध करत आहोत. नितीश कुमार यांना बिहारची सेवा करण्यासाठी 14 कोटी लोकांनी जनादेश दिला आहे. पक्षाचे सदस्य म्हणत आहेत की नितीश कुमार निर्णय स्वतः घेत आहेत. नितीश कुमार कोणतेही निर्णय घेत नाहीत; नेते निर्णय घेत आहेत.
"ते सर्व गद्दारी करत आहेत"
जेडीयूचे कार्यकर्ते वरुण म्हणाले, जेडीयूमध्ये अनेक देशद्रोही आहेत. त्यापैकी चार प्रमुख आहेत, लल्लन सिंह, संजय झा, विजय चौधरी आणि लल्लन सराफ. या चौघांनी दारू माफियांशी संगनमत केले आहे. दारू सुरू करण्यासाठी त्यांनी हजारो कोटी रुपयांचे सौदे केले आहेत. नितीश पायउतार झाल्यावरच दारू सुरू होऊ दिली जाईल.
इतर महत्वाच्या बातम्या
महत्त्वाच्या बातम्या
