Shawarma Girl meets Raj Thackeray: डोंबिवलीची शोरमा गर्ल स्पेशल गिफ्ट घेऊन शिवतीर्थवर आली, राज ठाकरे म्हणाले....
Shawarma Girl meets Raj Thackeray: डोंबिवलीची शोरमा गर्ल एकता सावंत नुकतीच राज ठाकरे यांच्या भेटीला गेली होती. तिने राज ठाकरेंसोबतचा व्हिडीओ इन्स्टाग्रामवर शेअर केला आहे.
Shawarma Girl meets Raj Thackeray: सोशल मीडियावर प्रसिद्ध असलेली डोंबिवलीची शोरमा गर्ल एकता सावंत हिने नुकतीच मनसेप्रमुख राज ठाकरे (Raj Thackeray) यांची भेट घेतली. शोरमा गर्ल (Shawarma Girl) नावाने इन्स्टाग्रामवर लोकप्रिय असणाऱ्या एकता सावंत हिचे लाखो फॉलोअर्स आहेत. ती डोंबिवलीत रस्त्यावर शोरमाचा स्टॉल लावायची. मात्र, या स्टॉलवर कल्याण-डोंबिवली महानगरपालिकेने अनेकदा कारवाई केली होती. यानंतर मनसेचे नेते अविनाश जाधव (Avinash Jadhav) हे शोरमा गर्लच्या मदतीला धावून आले होते. त्यांनी राज ठाकरे यांचा फोटो असलेला स्टॉल एकता सावंत (Ekta Sawant) हिला दिला होता. त्यानंतर इन्स्टाग्रामवर एकता सावंत हिची लोकप्रियता आणखीनच वाढली होती. (Dombivli News)
मनसेने केलेल्या मदतीमुळे एकता सावंत हिचा शोरमाचा व्यवसाय पुन्हा सुरु झाला होत्या. त्याबद्दल राज ठाकरे यांचे आभार मानायला एकता सावंत नुकतीच राज ठाकरेंच्या शिवतीर्थ या निवासस्थानी गेली होती. राज ठाकरे यांना भेटल्यानंतर एकता सावंत हिने त्यांना पुष्पगुच्छ देऊन त्यांच्या पाया पडली. शोरमा गर्लने राज ठाकरे यांना भेट म्हणून एक घड्याळ आणले होते. घड्याळाची पिशवी तिने राज ठाकरे यांच्या हातात ठेवली तेव्हा त्यांनी यामध्ये काय आहे, असे एकता सावंतला विचारले. त्यावर तिने घड्याळ असे उत्तर दिले. तेव्हा राज ठाकरे यांनी 'मला घड्याळ नको, तू मला मस्तपैकी शोरमा घेऊन ये', असे सांगत हे घड्याळ एकता सावंतला परत दिले. यानंतर एकता सावंत हिने शर्मिला ठाकरे यांचीही भेट घेतली.
शोरमा गर्ल एकता सावंत ही डोंबिवलीत व्यवसाय करते. येथील रस्त्यावर तिचा शोरमा स्टॉल आहे. मात्र, पालिकेचे काही अधिकारी जाणीपूर्वक आपल्या स्टॉलवर कारवाई करतात, इतर फेरीवाल्यांना पैसे घेऊन सोडून देतात, असा आरोप एकता सावंत हिने केला होता. तिचा हा व्हिडीओ पाहून मनसेचे अविनाश जाधव स्वत: डोंबिवलीत गेले होते. त्यांनी एकता सावंत हिला राज ठाकरे यांचा फोटो असलेला शोरमा स्टॉल दिला होता.
दरम्यान, एकता सावंत हिने या भेटीचा व्हिडीओ इन्स्टाग्रामवर शेअर केला आहे. यामध्ये तिने, 'लढत राहिले… काम करत राहिले… आणि आज राज ठाकरे साहेबांनी दिलेली शाबासकी माझ्यासाठी सर्वात मोठं बक्षीस ठरलं', असे कॅप्शन लिहले आहे. हा व्हिडीओ सध्या सोशल मीडियावर चांगलाच व्हायरल होत आहे.
View this post on Instagram
आणखी वाचा
डोंबिवलीतील शॉरमा विक्रेत्या तरुणीचा पत्रकारांशी संवाद; पोलिसांचा जमावावर लाठीचार्ज, व्हिडिओ व्हायरल
महत्त्वाच्या बातम्या
