KGF 3 : यशची जबरदस्त अ‍ॅक्शन आणि भरपूर ड्रामा, KGF 3मध्ये होणार मोठा धमाका!

KGF 3 : KGFचे प्रेक्षक या चित्रपटाच्या पुढचा म्हणजेच तिसरा भाग येणार का?, त्याची घोषणा कधी होणार? याची वाट बघत आहेत.

KGF 2

KGF 3 : सुपरस्टार यशचा ‘केजीएफ 2’ (KGF 2) बॉक्स ऑफिसवर धुमाकूळ घालत आहे. ‘केजीएफ 2’ हा चित्रपट वर्ल्ड वाईड कलेक्शन 1000 कोटींचा टप्पा गाठणार आहे. या चित्रपटाबाबत सोशल मीडियावर ट्रेंड पाहायला मिळत असून, प्रेक्षक या चित्रपटाचे भरभरून कौतुक करताना दिसत आहेत. या चित्रपटातील प्रत्येक व्यक्तिरेखा चाहत्यांना आवडत असून, प्रेक्षक सोशल मीडियावर प्रतिक्रिया व्यक्त करत आहेत. यानंतर आता प्रेक्षक या चित्रपटाच्या पुढचा म्हणजेच तिसरा भाग येणार का?, त्याची घोषणा कधी होणार? याची वाट बघत आहेत. आता या पुढच्या भागाचे संकेत मिळाले आहेत. यश (Yash), संजय दत्त (Sanjay Dutt), रवीना टंडन (Raveena Tandon), प्रकाश राज (Prakash Raj) आणि श्रीनिधी शेट्टी (Srinidhi Shetty) स्टारर KGF Chapter 2 चा पुढचा भाग KGF Chapter 3 देखील प्रेक्षकांच्या भेटीला येणार आहे.

‘केजीएफ 2’च्या शेवटी कथा अशा प्रकारे संपवण्यात आली आहे की, ते पाहूनच प्रेक्षक तिसऱ्या भागाचा कयास बांधत आहेत. तर, काही मीडिया रिपोर्टनुसार या चित्रपटाचे निर्माते कार्तिक गौडा यांनी पुढील भागाच्या अर्थात KGF 3च्या प्री-प्रोडक्शनच्या कामाला सुरुवात केली आहे. मात्र, त्यांनी या संदर्भात अधिक माहिती जाहीर केलेली नाही.

यशनेही दिले संकेत!

'KGF Chapter 3' येणार की नाही? या प्रश्नावर उत्तर देताना चित्रपटाचा मुख्य अभिनेता यश याने म्हटले की, चित्रपटाच्या तिसर्‍या भागाबाबत त्याची आणि चित्रपटाचे दिग्दर्शक प्रशांत नील यांच्यात आधीच चर्चा झाली आहे. प्रशांत नील यांना याच्या सीक्वेन्सबद्दल प्रश्न विचारण्यात आला होता, ज्यावर त्यांनी सांगितले की, ‘याबद्दल काही बोलणे घाईचे ठरेल. पण जर लोकांना KGF: Chapter 2 आवडत असेल, तर आम्ही फ्रेंचायझी सुरू ठेवण्याचा विचार करू शकतो.’

KGF चा पहिला पार्ट 2018मध्ये रिलीज झाला होता आणि त्यानंतर आता चित्रपटाचा दुसरा चॅप्टर 2022 मध्ये रिलीज झाला आहे. KGF Chapter 2 च्या स्टारकास्टमध्ये कन्नड स्टार यश तसेच संजय दत्त, श्रीनिधी शेट्टी, रवीना टंडन, प्रकाश राज आणि मालविका अविनाश यांचा समावेश आहे.

हेही वाचा :