संतापजनक... बदलापुरात 5 रुपयासाठी महिलेला लघुशंकेपासून रोखले; आमदाराचं ठिय्या आंदोलन, गुन्हा दाखल

बदलापूर रेल्वे स्थानकात एक संतापजनक घटना समोर आली आहे प्लॅटफॉर्म नंबर 3 वर असलेल्या स्वच्छतागृहात एक महिला प्रवासी लघुशंकेसाठी जात होती.

Badlapur railway station women 5 Rs

Source : Abp

ठाणे : रेल्वे स्टेशन असेल किंवा बस स्थानक असेल याठिकाणच्या प्रवाशांसाठी सार्वजनिक शौचालय वापरण्यावरुन सातत्याने वाद होत असल्याचे दिसून येतात. कारण, याठिकाणी असलेल्या स्वच्छतागृहांचा ठेका दिलेल्या ठेकेदाराच्या कामगारांकडून प्रवाशांची अडवणूक केली जाते. प्रवाशांना पैशांची मागणी केली जात असून अनकेदा स्वच्छतागृहात सोडण्यास मनाई केली जाते. नुकतेच बदलापूर (badlapur) रेल्वे स्थानकावरही असाच संतापजनक प्रकार घडला असून महिलेची (Women) अडवणूक केल्याने चक्क कपड्यात लघुशंका करायचा वेळ महिलेवर आली. याबाबत माहिती मिळताच शिक्षक आमदार ज्ञानेश्वर म्हात्रे यांनी रेल्वे स्थानकावर जाऊन आंदोलन केले. त्यानंतर, संबंधित ठेकेदावर

बदलापूर रेल्वे स्थानकात एक संतापजनक घटना समोर आली आहे प्लॅटफॉर्म नंबर 3 वर असलेल्या स्वच्छतागृहात एक महिला प्रवासी लघुशंकेसाठी जात होती. त्यावेळी तिथे असणाऱ्या महिलेने प्रवासी महिलेला 5 रुपये मागितले. मात्र, प्रवासी महिलेकडे 500 रुपये होते, सुट्टे पैसे नव्हते म्हणून त्या महिला प्रवाशास लघुशंकेला जाण्यापासून रोखण्यात आले. परिणामी त्या महिलेला कपड्यातच लघुशंका झाली. हा संतापजनक प्रकार कोकण शिक्षक आमदार ज्ञानेश्वर म्हात्रे यांना कळताच त्यांनी थेट रेल्वे स्थानक गाठलं आणि त्या कर्मचाऱ्यावर गुन्हा दाखल करण्याची मागणी केली.

आमदाराच्या आंदोलनानंतर गुन्हा दाखल 

दरम्यान, गुन्हा दाखल करण्यासाठी टाळाटाळ होत असल्याने शिक्षक आमदार म्हात्रे यांनी आरपीएफच्या कार्यालयात ठिय्या आंदोलन केलं. गुन्हा दाखल झाल्यानंतर तब्बल 3 तासानंतर आमदारांनी आपलं आंदोलन मागे घेतलं. दरम्यान धक्कादायक बाब म्हणजे प्रवाशांकडून स्वच्छतागृहाचा वापर करण्यासाठी बेकायदेशीरपणे पाच रुपये वसूल केले जात असल्याचं समोर आलं आहे. मात्र ती महिला कोणाच्या सांगण्यावरून हे पैसे घेत होती आणि त्या पैशांचं ती काय करत होती हे देखील समोर यायला हवं अशी मागणी आता केली जातीय.

हेही वाचा